La Thah

La Thah

1. PAKAI OP LA

 

1. I-lung len nin ngaito leu hen,

I-lungdon nin gahol leu hen;

Calvary a ga kimunte,

Eiho dingin na thoh-inte,

Pakai nunnem chun.

 

Aw hung vahchoiyun athina chu,

Gentheite thu atan jou tai;

Leiset chonset apomang tai,

Vet chimlou Pa chun.

 

2. Achul dinga iphal lou Pau,

Atoi dinga iphal lou Pau;

Roman sepai engsete chun,

Asu chul’un asu toiyun,

Damna Pahcha chu.

 

3. Laina jouse kikhom’ute,

Pakai Christa chu op dingin;

I aw nei chasun sun’uvin,

Lha tau hite vahchoiyute,

Damna pahcha chu.

 

4. Pakai Jesu amat jan’un,

Pakai Christa athi jan’in;

Banglouva lhilong numeiten,

Athokit mel aga muvin,

Ka-lai abang’ui.

 

2. LUNGDON MEI AJING

 

1. Gethsemani hon’a Pakai Jesu chu ataove,

Mipi ahung kikhom i-Pakai chu man din;

Achung thu lel dan chu athem pouve,

Thempu lal insunga athalou som’un.

 

Lungdon mei ajing, (2)

I-Pakai ahungbom Calvary lhang chunga;

Ling lukhuh le sapsetna thing Cross pun,

Abel ding umtalou i-Pakai Jesu.

 

2. Aw Simon Peter le solchah lungdongte hungthouvun,

Ipu chu akaiyun athina ding mun’a,

Van’a hung kumlhan van Lal genthei chu,

Alungdon nem dingin koima um talou.

 

3. Iti vetlel umtam i-Pakai Jordan kai ding chu,

Atha ahung nguiyin Alu chu akaikun;

Alhagao alhan thimpi ajingin,

Set le dougal jouvin Jordan lui akai.

 

4. Noiya le van chunga thupha ahil Lhandampu chun,

Atha ding agouvin aw Zion nunao ten,

Aphatlai ni chu nasumil tauve,

Nanopnau hilou ham nadamnau Pa chu.

 

3. THE CELESTIAL CITY (L. Th. 24)

 

1. Hiche leiya kalen lai hin,

Lungdonna jeng bou kamui;

Thina Jordan lui kagal kai teng,

Pakai dei na ang’a ka um ding.

 

Aw neimu sah-in nasem Salem,

Goldei mithengte lenna;

Kikhen louna gam,

Lei lung jinna hin dalha-a,

Aw itih le kahung lhung tadem.

 

2. Gentheiya na umte ho jong,

Mun loupi chu alhun teng;

Che masate le van mithengten,

Salem Pakai chu avahchoiyui.

 

3. Tonsot hinna la sate chun,

Eikouvui che masa ten;

Amaho awgin kajah phat in,

Chu mun ngaina in keima ka kap.

 

4. Ka ngaiye Nang Immanuel,

Nasem Salem thah hoi chu;

Genthei mun’a cheng kahi Pakai,

Aw Nangin kei nei hung puidoh in.

 

4. AW VAN LAL AHI.

 

1. Chonset bul eikihennau hi,

Sutna in Lhandampu;

Ling lukhuh le lal pon sil’in,

Thisan kai neunouvin puiyun;

Themlalte in tin’a,

Thina hesoh thoh in athisah-un.

 

AW van Lal ahi,

Genthei tintang thoh chu;

Israelte le milenten,

Thutan vaihomten hechenleu;

Pakai loupina chu thingpel chunga,

Koiman khaisang lou ding.

 

2. Mitin anom Cross a tha ding,

Lei lalte insunga;

Van Lal lungdongin akun’in,

Chonsete din along toh-in;

Calvary lhang chunga,

Amelmate chun Hanla asauve.

 

3. Aw chung vanpi hung kithingin,

Van Lal phu-la dingin;

Leiset miten ka-la’n sau hen,

Twilon bangin lhi jong long hen;

Lingpi hung kihot hen,

Van Lal donglai gentheiya athi nin.

 

4. Chonset bulpi thina genthei,

Jouvin athou kit tai;

Thina jal’a gentheite chu,

Hinkho thah in akipah-un;

Eilhandampu jal’in,

Hinna khopi gamnom alo tauve.

 

5. LUNGIN VAN GAM

 

1. Lungin van gam ka ngaito le,

Leiset gimna thoh joute chu;

Nui siuseuva um ka gahmui,

Akipanau la awnem chu;

Nitin olpet kanei thei poi,

Aw lhunkal ka ngahlel ngeiye.

 

Nei hin vetan van Lal Pakai,

Lungset um le hatlou kahi;

Chonset’in thih khaovin eihen,

Nagam hunglhun ding nom jong leng;

Thina le lung jinnate hin,

Nitin in eibom’e.

 

2. Kei ngaito a hung thei hilou,

Ti hi nei hin hetsah jal’in;

Lungdonin eisun khum jitai,

Lhunkal ka ngalel jal ahi;

Pakai nagam theng nom em chu,

Ngaiyin ka lan kasa jitai.

 

3. Ima jouse ka ngaito le,

Ka gentheije ka kihetnin;

Ka kakho sotna ding bep’in,

Kap pet chapang banga nuina;

Leisetna hin kamu jou poi,

Ngailou thei chu kahi tapoi.

 

4. Kap pet nao bangin nui ponge,

Pakai neihung pui masangsen;

Ka lung donna hi bei ponte,

Ka khankho akikhelma hin;

Van gam lhunkal ngahlel jong leng,

Pakai hung lhung theisam ponge.

 

5. Leiset gimmun jenga jong hin,

Pakai nangin nei umpi le;

I-louva ka lungdon ding ham?

Nei umpi ti kahet phat le;

Kap pet nao bangin nuiying ting,

Leiset gimna hi mil tange.

 

6. WITHOUT THEE WE CANNOT LIVE (L. Th. 50)

 

1. Aw Eilhandampu ka ngai tangeiye,

Kei din lungdon meipi ajing;

Namel dei um kei dia lung kinepna,

Valpa ahsi’n hungvah kit’in.

 

Aw ka ngai lheh jenge,

Nei umpin lang;

Na umlou le a aw nang ka Pakai,

Kei mong theilou ding.

 

2. Ka lenna gamthip genthei mun ahi,

Nei dalhah hih-in Lhandampu;

Na lungsetna chun nei ching jingin lang,

Lam hilouva kache laisen.

 

3. Thina Jordan luiya leng jeng jong leng,

Nei umpin lang aw Lal Jesu;

Na gamnom lungsetna kul sunga chun,

Nei puilut’in Nang vahchoi din.

 

4. Salem kulsung hinna theng tah a chun,

Vantil thengte umjeng jongle;

Nang na umlou le Eilhandampu chu,

Ngaiying kating mongjou ponge.

 

7. KA NGAIYE KIKHEN LOUNA

 

1. Ka ngaiye kikhen louna,

Pathen chenna Gam chu;

Kolni hungsoh kit ding,

I-kikhenna dingin,

Ka ngai kikhen louna Zion gam chu.

 

Ka ngai van pahcha pahna,

Kikhen louna khopi;

Pakai mel le hinna thingphung,

Saron pah hoi a-pah.

 

2. Van Jerusalem nom’a,

Hinna twi along’e;

Mitna mulou gam le,

Hinna thing lim noiya,

Salem tolpi sunga nei puilut in.

 

3. Lalna kulpi sunga chun,

Van kelngoite aleng;

Janthim lungdonna le,

Ka-na aum tapoi,

Eilhut inte Pakaiyin Salem chu.

 

4. Lalna kulpi thu chan chu,

Seijou gol ahipoi;

Pakai Lhandampu le,

Van mithengte lenna,

Ka Pakai lenna Zion lhang hoi chu.

 

8. JAN LUNGJIN UMPET’IN

 

1. Jan lungjin umpet’in i-Pakai Jesu chun,

Atahsa ahom’e athisan ahom’e;

Nei het jingna dingun chehi don’un ati,

Lungdon mitlhi pum’in.

 

Te-na asem’uvin Zion kulpi sunga,

Lhing louvin alhin sah-un;

Athudih a tan talou,

I-Pakai chunga hin.

 

2. Honlam jonin potnun galto kitoh dingin,

Aloite lung dongin ana ihmu tauve;

Pakaiyin achangin ul thisan soh leuvin,

Jankhon Pathen alhai.

 

3. Roman sepai engse ho chun abol seuve,

Veuvin kotpi phung chu thisan kainel nul’in,

Khodung le khovaiya akai le le tauve,

Pakai genthei Pa chu.

 

9. THE LILY OF THE VALLEY (L. Th. 9)

 

1. Lei Lal pon loupi chu kem’inte,

Molhoi pahcha jong chu kem’inte;

I-hinkhou jong hi ahung mangloi thei ahi,

Hijongle Pakai Jesu keiya.

 

Mol hoi pah bang Lal Jesu keiya,

Kei dinga pah tonsot gam nom’a;

Gentheina a jong Aman eiumpi ding,

Mol hoi pah bang Lal Jesu keiya.

 

2. Eilungsetnau gamnom em’a chun,

Ama chu tonsot Valpa ahi;

Genthei thoh jeng jong leng hinoi leisetna hin,

Agam’a chun eipuilut inte.

 

3. Tuhin kap in peng peng jeng jong leng,

Thina in kamit asin tengle;

Kicha louvin lhanthim’a kon eikaithou ding,

Ka mitlhi jouse theh hul’inte.

 

4. Kagol ngaiten hinoi leisetna,

Eidalhauvin kalung ahel’e;

Hijeng jongle kalung ngai bangin ka umnai,

Molhoi pah bang Lal Jesu keiya.

 

10. PACHATNA LA

 

1. Kei dingin Pathen hou thu la,

Hi aging deng deng;

Chuteng kei jong lut ding,

Aumna gam sungah.

Kei dingin aging deng deng,

Hiche gin ngai kihol leh;

Hoiyah kimun tem,

Agin ngeidan aging deng deng.

 

2. Kei dingin hitobang la hi,

Kalung adim’e;

Agin ngeidan chun kalung sunga,

Ging deng deng.

 

3. Hitobang la ging deng deng hi,

Ken milta ponge;

Ka gol ngaite ka lhai,

Hiche ging deng deng hin.

 

11. LEISET LUNGNGAINA JOUSE HI

 

1. Leiset lungngaina jouse hi,

Pel tange tonsot gam nom’a;

Alungsetna lhalim noiya,

Pakai ngaiyin eikouve.

 

Umkit lou ding kikhen kitna,

Lung gentheina mitlhi lonna;

Eilhandampu Pakai Jesun,

Na theh hulpeh inge ati.

 

2. Lhandampu chun anagotsa,

Kipana khopi emnom chu;

Chu loupi mun emtah a chun,

Tonsotna em ding kahi.

 

3. Kipah tah in vantilte le,

Lhatdam chate ikikhop diu;

Tonsot hin kemlou ichan diu,

Kikhen kitna umlou ding.

 

4. Calvary lhang kagavet le,

Ka chenna gam ding alange;

Van Kelngoinou Lalna ahi,

Sana khopi em sunga.

 

5. Lhandampu lungsetna jal’in,

Aloupina chu ichan diu;

Chu gam emnom chu kalhun ding,

Vahchoina chim talou ding.

 

12. CALVARY LHANG CHUNGA

 

1. Calvary lhang chunga Pakai chu,

Cross chunga linglukhuh le;

Mipi ho nuisat dingin,

Thingleh a akhai sangun.

 

Aw ana ngeiye ka Pakai thohna chu,

Akhut, akeng, alu veuvin;

Chonset jal’in athisan,

Theng tah chu alonglha tai,

Lungset um ngei Pa chu.

 

2. Athi dinga adangchah lai chun,

Koima chan apenom poi;

Melmaten hem’in nouvin,

Dangchah giu geuvin athi.

 

3. Kadang achah-e tia athum chun,

Ju thuh adonsah uvin;

Ju thuh chun sunou lou ding,

Lhagao ngaiya chah ahi.

 

4. Aw ka lhagao nalhat Pa natje,

Keiman ka hilchen thei poi;

Chen lang Calvary lhanga,

I-Pakai chu gadong tan.

 

13. THE LILY OF THE VALLEY (L. Th. 9)

 

1. Kinepna gam kagel chim poi,

Lei lungdonna gal lam;

Hin lai lungdon meipi noiya,

Pel tange ka-na gam.

 

Lei lungdonna mitlhi hul ding,

Ka-na nikho mangtante;

Pakai mel mukal ka ngah lel,

Aw mang tahen leiset hi.

 

2. Calvary ka ngai loupi pen,

Van gam kot ahong’e;

Gachen chu-a aw kalhagao,

Alange van gam nom.

 

3. Ka-na janthim hi mangta hen,

Jordan luigal lam’a;

Leiset gentheina kakhel teng,

Ngai ponge ka-na gam.

 

4. Kei jong itih le kalhung dem,

Jordan luigal lam chu;

Aw ka ngaiye kagol ngaite,

Che tange chu gam’a.

 

14. WE ARE MARCHING TO OUR HEAVENLY HOME

 

1. Tu athah kilungsetna gam em’a,

Ka Pakai mun loupi;

Kipana pahcha namtui apah tai,

Chul kitta lou dingin.

 

Olle ikikhop diu nomtah a,

Van mithengte ho jouse khuto;

Lungdonna gam’a ika-nau hi,

I-Pakai anga kipa la ding.

 

2. Ka hinlai ni hi akem masang sen,

Ka dinga mei jing jing;

Ajou le chu gam kalhun teng chule,

Lei hi ngai talou ding.

 

3. Chu gam khopi emhoi tah chu jonin,

Lei hi dalha tang ting;

Tun agim namtui chu ka tepkha tai,

Aw anomna dinge.

 

4. Eihuhhingpa mel dei um kamu teng,

Alaltouna chunga;

Thu atan ding lhatsate kipana,

Hallelujah Amen.

 

15. THE BLESSED DAY (L. Th. 149)

 

1. Lungdonna meipi laiya,

Keima ka lenge;

Kipana ni em chul’in,

Kho avah thei lou.

 

Aw vanghomna ni kangai ngeiye,

Ka chunga hung vah-in,

Thimna gal lennin eikhang vel’e,

Aw hung vah-in natonsot gam,

Nopna kholmun’a nei hung puiyin.

 

2. Adam lhan thimpi sunga,

Aw navah ngaiyin;

Lhatna thisan lu jal’in,

Nang kahin sam’e.

 

3. Lei hi hamna in aloi,

Chitin namtin din;

Aw Eden ni em chul’in,

Ngaina bang thei lou.

 

4. Olle lhagao lei thah-a,

Kipana lhun teng;

Thim le vannoi leiset pah,

Hi inemse diu.

 

16. ANTICIPATION OF HEAVEN.

 

1. Ka loupina ni le ka hinna din,

Galgin um le kichat umlouna;

Gamthip a konin kamu pha joupoi,

Chu gam lhun ding chu kalung kinem.

 

Galdot jing inge kalhun masangsen,

Kilungsetna gam em le nopna;

Miten chu mun chu luiyin gel jongle,

Kasei thei poi thah-in alange.

 

2. Hiti phat chule chitin namtin ten,

Aloupina emjam vel’a chun;

Lhandampu mel emhoi le loupi chu,

Amu phat ule tahsan unte.

 

3. Ka lhagao lungdong le genthei koma,

Kilungsetna Christa Thu hinna;

Ka dinga jong aphaltah jeh-u chun,

Hallelujah vahchoi chim ponge.

 

4. Gamthim genthei mun’a kon vahmangsa,

Nitinin lungjin nan eibom’e;

Lhandampu ang’a kadin phat chule,

Ka lungdonna ka kipana ding.

 

5. Ajou le Pathen cha lungsette to,

Tonsot valpa ahsi emhoi chu;

Ka dinga um ahitai abonchan,

Tonsot kipa la chu sa tange.

 

17. REDEMPTION (L. Th. 8)

 

1. Lhandampu chun chonset jeh in,

Leiya genthei thoh-in;

Michonse khang gilou bangin,

Thinga akhen beh-un.

 

Aw hinna Lal thengpen Pa chun,

Kei din athoh joutai;

Lungdonna genthei athoh in,

Chonse eilhatdam tai.

 

2. Alampi chu vetem uvin,

Calvary lhang geiyin;

Pakai kajui ngamta pouve,

Aloiten atiuve.

 

3. Lhandampun “Ka dang achah-e”,

Ti-a asap lai chun;

Mipi tamtah jeng ho jong chu,

Twi penom aumpoi.

 

4. Alungdonna atao pet in,

Panpi ding ahol’e;

Ami deite achu-na in,

Thina akimu tai.

 

18. THE GLORY GOD (L. Th. 13)

 

1. Aw Hallelujah Pakai loupi pen,

Gamtin na Ama vahchoiyute;

Namtin Lal loupi le ja um penin,

Mitin lungsunga thu hinsei kitnin.

 

Hin puikhom kitnun vahmangte chu,

Ihmute chu kaithou kit un lang;

Leiset lamkai Valpa loupi chu,

Lungjinna le lungdonna gam salvah-in.

 

2. David lengpa le lamkai Mose chu,

Van gam in emnom alhung lhon tai;

Tun Pakai Christa le Lhagao theng chu,

Thempu lenpen le lamkai loupi pen.

 

3. Van le lei twikhanglen sem masanga,

Na um hetphah lou Pathen nahi;

Ni le lha le ahsi jouse jong hi,

Nang jal’a vah loupi nei ahiuve.

 

4. Thu neina le loupina jouse hi,

Pakai Christa malsomna a kon;

Lei kisem til’a kithat Kelngoinou,

Athisanin leiset huhhing ta hen.

 

19. LEAD THOU ME THROUGH THE VALLEY OF DEAD (L. Th. 8)

 

1. Vannoiya hin aw eilhandampu,

Lungdong tah-in ka um jinge;

Nei puiyin nalampi lam’a,

Aw eilhandampu.

 

Thina lui neipui galkaiyin,

Ka le maona gal lam’a khun;

Goldei ikikhenpi ho to,

Kipah in leng taute.

 

2. Lungdon puldou le mitlhi lonna,

Genthei thoh a ka kana hi;

Pahbang mol hen leiset gam hi,

Lungdon ka kana.

 

3. Ka ngaitah Pakai angsunga chun,

Kikhenna thu seikit lou ding;

Kelngoinou idiuva thi chu,

La’n vahchoiyute.

 

4. Valpa ahsi Lhandampu Lalmang,

Ka lungsung set thim lah a hin;

Hungvah in nalampi thengtah,

Chu kamu na din.

 

20. GIVES US THE HOLY SPIRIT.

 

1. Lhagao Theng chu nei hin peuvin lang,

Pakai Jesu min’in;

Kalung sunga cheng jing dingin,

Athil bol chu mei bangin.

 

2. Penticost ni ahung lhun ni chun,

Mihemte apanpi;

Achonsetnau chu ahedoh-un,

Mijousen atahsan’un.

 

3. Hiche jou chun athu het theinan,

Lhagao Theng ka thum’ui;

Eihil jingin eilhamon jingin,

Van’a akaltou jou chun.

 

4. Thildang jouse bulhing jeng jongle,

Hiche hi ka thum’e;

Chonset phong le eilhamon dingin,

Lha theng bou aloupi pen.

 

21. OLGAM KA-NGAI

 

1. Ol gam ka-ngai ka Lal lenna,

Lungdon umlouna van gam chu;

Itih le ka lhung dem?

Ka lungdonna mitlhi hi;

I-tih le hul ding ham?

 

Hinna thinglim damnoiya chun,

Nei kicholdo sah-in Pakai;

Lhepna nisa hi kadou jou poi,

Hinna thinglim damnoiya chun,

Nei kicholdo sah-in Pakai.

 

2. Leiset gimna thoh joute chun,

Chu-a ponin lim asongun;

Eihin son khum’uve,

Olna thinglim um talou;

Olna thinglim umlou, leiset gimna a hin,

Lhepna nisa chu ahah-e.

 

3. Hi leiset gimna gam thip a,

Ol mun um’am tia kahol’e;

Olna gam aumpoi,

Gam hung lhung ding chu hilou;

Leiset gimna ahi, ti hi ka kihet’in,

Hinna thinglim damnoi ka ngai.

 

4. Hinna thingphung lim noiya chun,

Mithengte kicholdo jouta;

Kei hi iti kicholdo, thei louva um kahim?

Ka leiset vou thenglou;

Van vouvin nei khel’in,

Kei jong tun kicholdo tange.

 

22. UNDER HIS WINGS

 

1. Alhanoi dailim nom’a chun,

Lhatdamte kicholdo tante;

Amauva tonsot hinna amu tengu le,

Kipah tauvinte.

 

Chengunte cheng den tauvinte,

Lungsetna Pakai vahchoiyun;

Atonsot nin hal jing tauvinte,

Alhanoi dailim nom’a chun.

 

2. Alhanoi dailim nom’a chun,

Gentheina jouse beita ding;

Hinna twikhuh a kisil’unte,

Buhbang sangin bangjou vinte.

 

3. Alhanoi dailim nom’a chun,

Ka le lungdonna um talou;

Setna huipi le lhepna gallen,

Abei tai khopi nom’a chun.

 

4. Aw chu mun’a lengte ho chun,

Leiset gentheina thoh talou;

Van selangdah gin ngei tum’unte,

Van Kulpi chu veltau vinte.

 

23. WE WILL SERVE THE LORD (L. Th. 40)

 

1. Akem baita ngeiye ka leiset hinkho,

Ka kipana ni amang jitai;

Nitin mongin ka um theipoi,

Ngaiyin gel jeng jong leng.

 

Leiya ka gol ngaite,

Kikhen kit jongleu hen;

Kipah tah le lung khat cheh-in,

I-leiset hinkhou chom jongle,

I-Pakai na tong cheh-ute.

 

2. Jan thim’a le sunthip a jenga jong hin,

Leiset gentheinan eisulung jing;

Ka lungdon kipana soh hen,

Ka ka-na beita hen.

 

3. Pakai nei puiyin ka goldeite se to,

Na lenna gam nom ka muna din;

Kikhen kitna um talou ding,

Lungdonna gal lam’a.

 

4. Leiset’a kapten kikhen kicha talou,

Ahsi kal gam nom’a lengte chun,

La asauvin aw ngei cheh-in,

Loupina van in’a.

 

24. THOU ART MY COMFORTER (L. Th. 111)

 

1. Aw Pakai lungdongin ka genthei,

Vangsetna ten eijui jinge;

Ka le maona gam thip a hin,

Kalhi pumin kahin hol jinge.

 

Aw ka Pakai ka lungdonna jouse,

Nakhut chunga ka hinpe tai;

Alung dongte lhamon Pa chun,

Kei jong neihin lhamon jingin.

 

2. Aw Pakai ka lungdon nem dingin,

Nanglou chu monna ka neipoi;

Koikom dangba kajot ding ham?

Nangbou eilhamon ding chu nahi.

 

3. Lungdonna meipi kei din ajing,

David leng sochatna kulpi;

Kei migenthei jong neilan lang,

Set genthei cha kei jong kahunge.

 

4. Til’a Canaan gam dung le vaiya,

Lungdong chate nalhamon jing;

Genthei chate chun nalem’un,

Kei kipana pen jong chu nahi.

 

25. GAM NGAI KINEPNA

 

1. Gam ngai kinepna ka ngaito le,

Leisetna kon’in ka galdot;

Ka ngai ngeiye chu gamnom chu,

Hilei lungjinna nung tengle,

Ve jing tange chu Gam nom chu.

 

Aw chen ka lhagao lengvai,

Na lhandampu Pakai Jesu jui jingin lang;

Naset pohgih chu,

Leisetna hin dalha tan lang,

Gam ngai um chu jonin chetan, chetan.

 

2. Ka ngai nom lente lah a lhah ding,

Gam nom van mite la sahna;

Leng thei hileng huiva bangin,

Leng tange chu gamnom jonin,

Hin thingbah chunga gachunge.

 

3. Hinlai niso hi ka ngaito le,

Lei lungjinnan eikhu jitai;

Ka lha leng tan chu gamnom’a,

Lhatdamte chenna chu hol’in;

Hinlai lungjin hi mangta ding.

 

26. OVER LIVES JOURNEY (L. Th. 39)

 

1. Hinlai luipi dung hi gahol le jong leng,

Malam khonom Canaan ka galdot e;

Ka kipana Lallukhuh anaita-e,

Kap in leisetna hin umsot taponge.

 

Sot taponte hinlai lungdon lungjin.

Eikouna aw nem chu kaja in;

Laltouna anga eingalelnau aw chu,

Lungsette ka na nikho asot ngeiye.

 

2. Ka vaveina luidung hi sao jeng jongle,

Lamkai Valpa chu vejing ing kate;

Kong kaina lhang theng chu eilhut teiyinte,

Chu-a lungset le gol ngaite kim tante.

 

3. Jon jinging ting tonsot huilhi theng nunna,

Kelngoinou le van Pahcha umna chu;

Chullouvin pahcha hoi ana um’inte,

Thisan jal’in chu-a eilhut teiyinte.

 

4. Van khonom kisei tol’a kalen phat le,

Nunglam gentheina hi ngaita ponge;

Pakai tepna gamnom lungmonna a chun,

Kemlouvin kumkhon a-em’in sal’inte.

 

27. THE HEAVENLY JERUSALEM (L. Th. 40)

 

1. Aw van’a Jerusalem,

Thah emnom tah-a chun;

Mithengte jouse chuto,

Lhatdamte aum nauva chun;

Lhandampu chu imu diu,

Loupi tah chu ichan diu;

Jerusalem thah nomtah a chun.

 

2. Aw Jerusalem khothah,

Kipana khopi chu;

Chu-a peogal nomtah chu,

Tonsot em loupi tah a chun;

Lhahchomna chu beita ding,

Cholte athau oltante,

Jerusalem thah nomtah a chun.

 

3. Aw Jerusalem khothah,

Khothah emnom’a chun;

Aloupina jouse jong,

I-gamu theina diuvin;

Alangkachah khopi chu,

Kelngoinou din em’inte,

Jerusalem thah nomtah a chun.

 

28. KAPA GAM SEM KA NGAI.

 

1. Lhandampu lenna Zion gam chu,

Kalung hel nia ka ngaito le;

Keijong len ding kanom,

Kalung donna hileiset hi;

Chomkah a hung mangloi ding ahiye,

Nao bangin nui tange.

 

2. Leiset gimna thoh a kalen hi,

Kapa nunnemin eive le;

Eilungset ngeiyinte,

Eilungset in kalha among;

Ajou le agam’a eipuiyinte,

Nao bangin nui tange.

 

3. Ka lhandampu nunnem kangaiye,

Amel mulouva ka um hi;

Kalha alengvaiye,

Leiset lungjin gal’in apang;

Kakom’a um jingle Pakai nunnem;

I-lou kalungdon dem?

 

4. Leisetna hin lengvaiyin kaleng,

Hijongle lungdong taponge;

Pakai lhamon ka-ngai,

Kalu hin nei hin lekhun lang;

Leisetna Ah bangin kivai jong leng,

Nathisan lu ka ngai.

 

29. CANAAN PHAICHAM SARON PAHHOI.

 

1. Canaan phaicham Saron pahhoi,

Rome engseten anasubong’un;

Mol le lhang angui Saron apul jal’in,

Nunao agenthei abel ding umtalou;

Adamnau Saron pah apul jal’in.

 

2. Saron pahhoi apul nungin,

Ama lungtohte ho koma chun;

Lilyn ahungpah alungu thim sunga,

Alu chunguva jing Valpan ahung vah;

Avel’u kipa namtui ahung nung.

 

3. Saron pah nahoijou tapoi,

Sim le mal sah le lhang gam thim’a;

Meipi ajingin napah hoi le dingin,

Nisan hung vah-in Namel hung kilang hen;

Chuteng nahoiye chu hetauvinte.

 

4. Canaan phaicham Saron pah hoi,

Juda gam’a hung donthah kit in;

Mitin anom tai leichung thil jouse jong,

Nang ngaiyin mitlhi along leiset mihem;

Israelten jong vahchoi tan nate.

 

5. Aw Saron pah mu ka nom’e,

Van loupi a nahung vah ding chu;

Chamna thingphunga napulna mun’a chun,

Hung kivonin natin mihem loupinan;

Sa le mihem kidou kitta ponte.

 

30. MITHENGTE LENNA GAM.

 

1. Tahsanin Calvary lhang chunga,

Gam ngai um le khotheng nom alang’e;

Mithengte lenna gam,

Chu khopi-a keijong kalen ding;

Hinlai lungdon le gentheinan,

Eichim khum talou ding.

 

2. Eichimkhum phahlou ding kahetnin,

Hallelujah Pakai kavahchoiye;

Kei eilhatdam jal’in,

Set posa le themmo changsa hing;

Thisanin them eichansah tai,

Gam nom’a leng dingin.

 

3. Gam nom’a keijong kalen phat le,

Leiset gimna hi gahve ji tange;

Ka-va veina gam hi,

Chuteng kamitlhi long taponte;

Pakaiyin eiumpi tante,

Nunglam ngai taponge.

 

4. Pakai ngaiya kahamna gam hi,

Ka lhagao le leiset akikhen teng;

Lalpan eipui tante,

Alha chunga eitousah inte;

Jordan twinong le gin um chu,

Eigal kaipi tante.

 

31. CANAAN PHAICHAM SARON PAHHOI.

 

1. Pathen kei mi genthei,

Gam lungset hungmang ding pel kanom’e;

Pakai Na ang’a kicholdo tang’e,

Mei le twilen in eiphah louna din.

 

Ka tonsot in, (2)

Dinga Pakaiyin eisempeh le;

Sana kotpi hoi chu,

Mu kanom lungdon umlouna gam chu.

 

2. Ka ngaiye van Jerusalem,

Gam thah hung lhung dinga len kanom’e;

Aw van Lhagao hung lengin neipuiyin,

Kadou joupoi hi leiset gimna hi.

 

3. Song mantam chitin asem’e,

Pakai lenna gam lungmona a chun;

Leng tange chu gam in emnom’a chun,

Leiset lungngai pon banga chul kit ding.

 

32. THE AGONY OF CHRIST.

 

1. Pakai thohna ka ngaito le,

Kap lou thei ka hipoi;

Amai abehnau le, avohnau atamnau,

Ka geldoh ni le ken kalan kasai.

 

I-ti nat tam eilhatdamnau, (2)

Leiset Lhandampu chu;

Akaiyui lhang lam’a,

Pakai nunnem ahi genthei jongle.

 

2. Judaten them chansah lou din,

Ngaito jeng tajongleu;

Ken vang ka ngaito poi, Pakai nunnem ahi,

Eiho chonset jal’in mo achang tai.

 

3. Lhandampu thi mipi lungdong,

Lungdong lou jong aum;

Kap pum’in along chu, ajongun hon lam’a,

Lhan’a alupsah-un i-Pakai chu.

 

4. Athou kit tai i-Pakai chu,

Olna gam jon dingin;

Olivet lhang chunga, meipin ahin tom’in,

Olna gam ajon’e i-Pakai chun.

 

5. Olna van gam najot phat’in,

Leiset angui jeng tai;

Hung kile kit maitan, vannoi gimna ahin,

Nalhatdamna seiyin kipah-ute.

 

33. CANAAN GAMTHAH

 

1. Canan gamthah hinjon dingin,

Gamthip a jin kahi;

Ka vahlen ka lamvai tai tun,

Mei le meikong hungvah in;

Ka ang’a nang hungvah in lang.

 

Aw ka Lhandampu nei lamdot in,

Canaan gam chaan ding ka dip dap;

Lungdonna mei thim noiya,

Kap le lungdongin kamaove.

 

2. Dangchahna gam songpi chunga,

Hinna twi theng put hen;

Canaan gam jon lhasam don din,

Leisetna ka um lai hin;

Aigupta gam sumil dingin.

 

3. Kama a sangja alut tai,

Canaan gam nom’a chun;

Aigupta ngaikit taponge,

Thina gam ka dalhah teng;

Hinna khopi lam jon tange.

 

4. Van’a valpa vanlai jol’a,

Lhandampu avahchoi;

Leiya genthei sumil jouvin,

Kipa sa dingin;

Chu-a lhah ding chu ka nom’e.

 

34. KAHINNAU NANG NAHI

 

1. Vannoi twisoget lenna hin,

Ka hinnau Pakai Nang nahi;

Aw nang kalamkai malai Ahsi emhoi,

Lhepna vanpi nim’a jong nang hungvah in,

Vannoi leiset gentheina a hin.

 

Aw lungjin meijam meivom kal’a,

Lily pahhoi pahna gama chun;

Kipa huitheng bangin a hung,

Nei puilut in chugam em’a chun.

 

2. Kavet chimlou Zion lhanghoi,

Lhatsa goldeite lenna gam;

Lhamonna luipi bangin along kimvel,

Van Lal kelngoinou Laltouna ang’a chun,

Lungdon lungjin thina umtalou.

 

3. Vekit tem’un Zion lhang hoi,

Aloupije kasei thei poi;

Aw van’a mithengte chun avahchoiyun,

Nang naloupi-e Hallelujah tiuvin,

Van kelngoinou athasa Pau chu.

 

35. ENTER YE INTO THE JOY OF THE LORD (L. Th. 194)

 

1. Mang jengta hen lei lungdonna,

Gol ngai kikhenna jouse jong;

Natna le lungdonna jouse,

Tonsot nopna dingin kile hen.

 

Lungdon lungjin um talou ding,

Lhandampu lenna van gam’a;

Leiset gimna thoh talou ding,

Aw kalhagao choldo din chetan.

 

2. Gel jingin ka hung kitna ding,

Phat le ni hi ahung nai tai;

Lei thil jouse kidang sohta,

Jonin Pakaiyin naholna gam.

 

3. Goldeite toh lung lhaisel’in,

Zion Pakai chu vahchoiyun;

Pakai kei jong neilhat jal’in,

Nei puilutnin aw Na van gam’a.

 

4. Leiset chunga lung hesoh hon,

Zion Pakai chu vahchoiyun;

Ama thisan jal’a miten,

Ka kipah-e tin vahchoiyute.

 

36. THE SUFFERING OF THE LORD (L. L. 407)

 

1. Lhandampu thisan along’e,

Kachonset thenna din;

Alu theng chu akaikun’in,

Kalha huhhingna din.

 

Kelngoinou nunnem Pa chu,

Calvarya athi tai;

Kelngoinou thasa thoudoh kit a chu,

Eilhandampu ahi.

 

2. Kachonset ka suhkhel vangin,

Cross chunga apengin;

Lungsetna le khoto na in,

Eipei tonsot hinna.

 

3. Nisan amai asel peh-in,

Avah so ngam louvin;

Lhandampun kachonset apoi,

Thingpel’a athi chun.

 

4. Kenjong kalu kakun sah ding,

Pakai Cross ang’a chun;

Athoh natje chu gel’ing ting,

Amel kamu phatle.

 

5. Kalungdon mitlhi long jongle,

Kei din athohna joi;

Kapum’in lut’in kipenge,

Hibou chu kathem khon.

 

37. PATHEN TAHBEH KHAT BOU AHI.

 

1. Leiya pathen tam jeng jongle,

I-Pau khatmai van’a aum’e;

Pentil neilou hingjing Pathen ahi.

 

Aw ule nao nu le pa deite,

Tonsot hinkemlou neina din;

Lung heiyun lang Pathen hin bel’un.

 

2. Jouthei pathen hinna neilou,

Kaneiye tin eipuimang jitai;

Aneisun jong dana ahibouve.

 

3. Chonset bulpu nungjaipa chun,

Atoh le akipana pen chu;

Lhagao damun’a puilut hi ahi.

 

4. Ngaiyun eisempau Pathen chun,

Ami mangsate holdohna din;

Achapa changkhat chu eihin peuve.

 

38. SURELY HIS SALVATION IS NIGHT (L. Th. 110)

 

1. Lhandampun mun asem jou tai,

Setna thisa thoukit un lang;

Ama vahchoiyu hite,

Kikhenna um kitta lou ding.

 

Aw khotona lungset aw chun,

Kichol dong’e Pa gam sem’a;

Tonsot in emnom’a ka chen.

 

2. Ka umna lei in gimna hi,

Se jeng jongle tonsot in ding;

Kei dinga gotsa ahi,

Genthei chate kipana din.

 

3. Koi ham kakom’a hung ding chu,

Hot nei ponge eiti jal’in;

Ka chonsetna jouse hi,

Aw Pakai nei suthengin kei.

 

4. Goldeite chu ngai jeng jong leng,

Pakai gam sem nom lam’a chun;

Lungmonna lungset aw chun,

Tun Pakaiyin eilhamon’ui.

 

39. KAHIN JON’E SALEM KHO CHU

 

1. Kahin jon’e Salem kho chu,

Lungdon umlou na gamnom chu;

Kinemin kahin jon jinge,

Pakai kei dinga mun ong nam?

 

Lungdon puldouvin kavah lei,

Kava veina leisetna hin;

Van gam kaina Nangbou nahiye,

Van Lal Pakai nei dalha loujenin.

 

2. Tonsot hinna thinglim noiya,

Van mithengte chu alengui;

Set gentheiyin eijui jinge,

Nei sumil lou jenin Pakai.

 

3. Hinna Pakai kahin bel’e,

Kama lungdon meipi ajing;

Van le leiset kah a hin aw,

Nang louvin hung lhung jou ponge.

 

4. Ka ma thina Jordan lenin,

Nang gal hinna gam vah nahi;

Van gam kahung lhun jouna din,

Aw van lhagao nei puilut in.

 

40. WHEN SHALL WE SEE THEE (L. Th. 74)

 

1. Pakai leiya nalungset ho hin,

Sun le janin ka ngah jingui;

I-tih ka kipanau ni loupi,

Vetnom kidang chu kamu diuvem?

 

Aw Pakai tonsot lhang chunga chun,

Mitheng ho sim joulou chuto;

Valpa ahsi bangin hung vah in lang,

Chuteng leiset hi kadalhah ding.

 

2. Kahin nai tah em Pakai nagam,

Lhandampu kangah lel ngeiye;

Pakai vahchoina la sa dingle,

I-ma ponlap choikal kangah lel.

 

3. Chu luikam chapangte lenna a,

Hinna thinglim damnoiya chun,

Ving neiya leng galkai thei hileng,

Leiset gentheina ngaikit lou ding.

 

4. Nang hung jingin namtin Lal loupi,

Na vangphat hom ding hinchoiyin;

Lam nom’a chun nalamto dingin,

Jerusalem geiyin vahchoiyun.

 

41. LEI LE VAN’A CHAM LENG HEN

 

1. Ngaite Calvary nalungdon ni chun aw,

Melma sim jouloute akikhom’un;

Nalung donna veding koi ham?

Van meiyin Nang nahin bom’e,

Calvary ahinlei,

 

Amen, Amen Hallelujah Amen,

Leiya le van’a cham leng hen;

Twisoget le leiset jong hi,

Hallelujah Amen!

 

2. Ngaite thina jouvin athoudoh kittai,

Chung khopi le Van mithengte nguisa;

Calvary pah lamtoa lem din,

Thokit jinga halna thah in,

Van khopi kithongta.

 

3. Thina luigal’a aw Salem thah hoi chu,

Lalna gam pahcha hoi kimvel’a chun;

Kipana selangdah tum’un,

Galjou Pakai avahchoiyun;

Vahchoina dai ngailou.

 

4. Aw kalhagao vejingin khopi nom chu,

Lhandampu le van mithengte lenna;

Thi le lungdon puldou beina,

Hinna Pahcha pahna gam’a,

Ka na aum tapoi.

 

42. THIS IS MY BODY (L. Th. 157)

 

1. Chujan lungdonna a gollhahnan Pakaiyin,

Hiche katahsa le ka thisan hi don’un;

Nei het jingna dingun.

 

Lhandampu deilouvin Zion kulpi sunga,

Panpi ding nei louvin;

Sapsetna thing abel.

 

2. Thoudoh-un hia konin chedoh loiyute,

Pakai chu setna simtha dinga agotnau phat;

Hung lhung ding ahitai.

 

3. Hichun apotdoh-un Olive lhanglam jonin,

Thempulen teho le sepai teng choiho chun;

Akan’un avouvin.

 

4. Pilat lal ponsil’in ling lukhuh akhuh-in,

Calvary lam jona mipin akailai chun;

Panpi ding nei talou.

 

5. Calvary lugu lhang nitin kave jinge,

Eilhandampu deitah michonse nin kahsen;

Kalunga milthei lou.

 

43. THERE THEY CRUCIFIED HIM. (L. Th. 50)

 

1. Hinna thengpen sempu deilouvin Zion’a,

Minset le lungdon thoh-in amatsah tauve;

A-ankong umpi ho jong dougal soh jouta,

Asetnau dungjuiyin mipi simsen louten;

Juda lamkai sah-un Pakai mat ding deinan.

 

2. Tichun aman tauve thempu lal insunga,

Ling lukhuh khuhpeh dingin thu alhunsah un;

Ling lukhuh khuhpeh un Pakai lu thenga chun,

Khut’in abenguvin thisan long hol hol’in;

Lhandampu akaiyun Calvary lam jonin.

 

3. Thingpel hin lhutsah-un Calvary lhanga chun,

Thingkil alauvin Pakai khetbehna dingin;

Pakai akhai sangun amel ngui hiuheuvin,

Anah teng’a sunun thisan le twi longlhan;

Zion kulpi sunga thu atankhel jeh-un.

 

4. Themgao ho seibangin Lhandampu athoh-e,

Pa thutep dungjuiyin Lhandampun amolsoi;

Van mithengte ho chun vanpi kinim bangin,

Lhagao ahung thouve lhanthim’a jalsa ho;

Pakai hung lamtouvin khotheng nom’a leng din.

 

5. Na thohna mil louvin setna thim ajinge,

Namai ahin tom’un navah hoi le dingin;

Khohthah-in kile hen namel emsilsel hen,

Namel’a lungset kai hen kalhi jong long hen;

Kalung gil sunga hin Pakai nang hung lengin.

 

44. PRAYING FOR THE HOLY GHOST. (L. Th. 88)

 

1. Penticost nia bang chun aw Lhandampu,

Hung leng kit’in namtin jouse din;

Tonsot luigal lam helouvin um’un,

Hin puidoh kitnin.

 

2. Thina hesoh thoh-a nalhatsate,

Sitlei pah mol bang leiset mite;

Nangin puiyin natonsot lalna gam,

Lam heloute chu.

 

3. Lhagao Thengpen nunnem hung kit in lang,

Lhatdam a-ngai nacha vahmangte;

Atonsot hinna lampiu helouvin,

Mimang ding ho chu.

 

4. Asumil tauve thingpel’a nathi,

Achonset lung thimpiu salvah-in;

Subeiyin ahinnau leipah-u chu,

Napui theina din.

 

5. Lungdon lungjinna nasalvah dingin,

Hinpen lang nahatna loupi chu;

Chonsetna sumang dingin van Lhagao,

Mei kongin hungin.

 

45. LET EVERY CHRISTIAN PRAISE HIM (L. Th. 14)

 

1. Aw Lalpa David phunga alha Ahsi,

Nagam thenga dinga nangin nei gotsa;

Kakipana twisoget gin bang ahi,

Thina luigal’a namin kavahchoi ding.

 

Aw Pakai tingting namin pahchange,

Namtin nasemsate jousen jong;

Pakai vahchoina la chu sau hen,

Leiset hi kipanan losoh hen.

 

2. Mihem kahi masangin Pakai Jesu,

Athisan lon ding it louhel’in eilhat;

Sim theiying gahe tave leng hileng aw,

Leiya hin olmona beiya ka um ding.

 

3. Pakai hoikom ham mun nagasemna chu,

Daniel bangin bangkot a galdot inge;

Langkachah khopi amin thengtah a chun,

Gentheina a jong dilsung ting lhaiyinge.

 

4. Aw Immanuel lei le van thah sem chu,

Adung le avaiya leng len gave leng;

Gentheiya kikhen pisa goldeite chu,

Van mun loupi a amel’u kamu ding.

 

46. AW NANG HO JERUSALEM MITE

 

1. Jan lungjin um Zion indan sunga,

Pakaiyin Athisan ahom’e;

Hiti chun lungdon meipi ajinge,

Ka Pakai lungset um akap-e.

 

Aw nangho Jerusalem mite,

Alungset nachan chu hejingun;

Nanatnau jouse adamsah jeh chun,

Alungdonna chu hailou jen’un.

 

2. Jerusalem kulpi kulpam lam’a,

Themgao thidan ahipoi tiuvin;

Aw hin vetem tan Calvary lhang chu,

Mipi lah a ka Pakai kamui.

 

3. Vetan Calvary lhang alhutmai diu,

Ahitai i-kalo diu hitam ?

Aw ka Pakai nahung kitlou ding ham?

Namun ding chu Calvary hitam?

 

4. Hin sumil ponge ka Pakai Jesu,

Calvary lam hinve jing nange;

Ka dinga nathohna kalung sunga,

Ka laicha geiyin hejing nange.

 

47. THE BEAUTIFUL HOME. (L. Th. 20)

 

1. Thina luigal’a gam hoitah a chun,

Ka tonsot van in ding chu aum;

Goldei ikikhenpi sate ho chun,

Luigal gamnom lam’a eingah jing.

 

Aw nopna tonsot van in nom’a chun,

Mitlhi lonkit louna gam nom’a;

Alungset te Lhandampu kom’a,

Thon louva ikimu kit cheh diu.

 

2. Calvarya gentheina athoh jeh chun,

Alungsetna vahchoi chim ponge;

Melmaten thingpel’a akhai jeh chun,

Ka tonsot van in ding asem’e.

 

3. Ka na le gentheina athoh jeh chun,

Aw van Lhagao Theng nei umpin lang;

Calvarya Kelngoinou athi jeh chun,

Aloupina eijong ichan diu.

 

48. CHUNGNUNG PEN’A LOUPI PEN HEN.

 

1. Ngaiyun awgin iti ngeitam,

Niloupi hung lhung ding chu;

Leiset chonset le thina hi,

Cham leng hen tin asauve.

 

Chungnung pen’a loupi pen hen, (2)

Tin selangdah gin ngei thon;

Cham leng hen tin asauve.

 

2. Til’a Aigupta gam bang chun,

Jubilee ahung lhung tai;

Chungnung pen’a loupi pen hen,

Salem thah kot hong Pa chu.

 

3. Mel hetlou mi ahi lasa,

Lhanpu lem la sa ho chu;

Tonsot cham Lal loupi lemnan,

Cham leng hen tin asauve.

 

4. Ahoi ngeiye apon loupiu,

Amel’u ni banga em;

Pon bang vamleh loupi sil’un,

Cham leng hen tin asauve.

 

5. Nei hil’uvin vantil thengten,

Van Lal Immanuel chu;

Laltouna theng loupi dalhan,

Michonse din ahung tai.

 

6. Hung vah kit’in ka chunguva,

Melchihna Valpa ahsi;

Chamna leng hen muntin’a hin,

Cham leng hen tin asauve.

 

49. PAKAI CHRISTA HUHHING LENGPA.

 

1. Pakai Christa huhhing lengpa,

Lhai jing’ute ami jousen;

Kipa nopna lengkhom kit din,

Alungsetnan eina hoidam’ui.

 

Lhai jing’ute Lengpa chu eihon,

Aman eihoidam jeh-uvin;

Kikhen pisa golngaite to,

Lhaisel’in i-kimu kit tauve.

 

2. Christa minna sopi ngaite,

Namel mu diu ka kinem’e;

Nei lamtonau welcome phung le,

Khongpi gin’in kalung alange.

 

3. Nei lamtonau la aw ngei hi,

Kithong hen lang chung van gil’a;

Leiset mi le van mithengten,

Pakai lemnan la satoh-u hen.

 

4. Hibang chun akhon ni jongle,

Eilamtou hen vantil sangjan;

Lhatheng hung lenglha hen tunin,

Ilung nguisau hi suhal kit hen.

 

5. Mitmu phatlou gam’a konin,

Tun kamu tai ka gol ngaite;

Pakai vahchoina ni hihen,

Amintheng loupi jing hen Amen.

 

50. BEHOLD THE MAN.

 

1. Vetan Lhandampu chu akaiyun,

Aling lukhuh toh;

Melma simjou louvin atom,

Calvary lhang geiyin.

 

Ka set vanga nathohna chun,

Na ul thisanin alonsah;

Na awnem ngai umtah soh chu,

Acheng jing kalung gil’a hin.

 

2. Kave ngam poi ka Pakai ngai chu,

Melmaten vouvin;

Athoh natje kasei thei poi,

Kei din ahin apei.

 

3. Thina tijat tah athoh lai chun,

Koi ham apanpi;

Ka-Pa ka-Pa tin asam’e,

Sapsetna thing chunga.

 

4. Aw ka lhagao Lhandampu thina,

Mun’a gachen lang;

Chu-a ngaidamna namu ding,

Athisan’a kon chun.

 

51. VIRGIN BIRTH (L. TH. 139)

 

1. Vannoiya hin leng sangja anapeng nan jong,

Leng Christa bang hi khatcha anapeng khalou;

Lhandampu ahung peng Bethlehem bong in’a,

Van Lengpa lem dingin noi le van mi kikhom.

 

Kipah-in lem’ute van Lal leng pah-ute,

Asoni hin vannoi kipanan losoh hen;

Van Lengpa ahung peng Lallukhuh hom dingin,

Van mithengte jousen jong eihung lem’u hen.

 

2. Van mithengten alemnan kipa la sauvin,

Hichu kelngoi ching hon ajauvin gamnoiya;

Lhandampu umna chu kichen tah-in hil’un,

Akelngoiyu dalhan chibai agaboh-ui.

 

3. Solam michingten thao namtui kengin hungun,

Van’a valpa amauva ahung lamkaiyin;

Gan konga anu Maryn apom gamuvin,

Agoubom’u hongun chibai agaboh-ui.

 

4. Leng Herod in ahet’in analung jinpin,

Chibai boh-in kilep’in michingte dongin;

Naosen peng jouse khomin Juda gamsunga,

Naosen Leng chu Pathenin anahuhdoh-e.

 

5. Vo Jesu tuni hin kalungsung bong in’a,

Hung kisem thah kit’in lang ka tonsot Leng din;

Kakhut theng lou hi Mary khut’in ngaiton lang,

Tonsot in kipah-in Nang lem kum lhung tange.

 

52. THE CITY WHICH IS TO COME (L. Th. 35)

 

1. I-leiset hinkho hi abei teng,

Pakai Lhandampu mel chu gakimunte;

Chuteng ikipanau chul lou ding,

Olmun nom’a Pakai meldei imu diu.

 

Aw hinna thing nalim noiya,

Van mitheng kipan aleng’ui;

Aw chu a ikicholdo diu;

Israel lhang thengtah-a chun.

 

2. Chu khopi nom ngaiyin kamaove,

Chu-a chun lunghel gimna umtalou ding;

Lhatna thisan jal’in goldeiten,

Leiset gimna jouse adalha tauve.

 

3. Che jing’ute aw Zion chate,

I-lenna diu gam loupi ahung nai tai;

Tu-a lunghel ka le gimna hi,

I-kipanau pahcha bangin pah-inte.

 

4. Chu khopi nom chu ilhun tengle,

I-lennau leiset gam hi ngai talou ding;

Kelngoi thasa Pa Laltouna chun,

Vetnom datmo le kipana kimunte.

 

53. WILL THOU NOT REVIVE US AGAIN (L. Th. 30)

 

1. Lhagao hung lengin Eden’a thil lui,

Hung mang intin nagam hoi kavet ding;

Chuteng kamu ding loupina jouse,

Vahchoina gin hui bangin nung’inte.

 

Immanuel nalungset kulsunga,

Gimna gal alen’e hung nai kit’in;

Hung kile kit’in kahinnau nahi,

Nalungset kulsunga aw gimna gal alen’e.

 

2. Aw kipana malsomna niloupi,

Nahinna lampi nom’a neipuiyin;

Jordan luipi len chu kinong jongle,

Canaan gamnom luipi kagalkai ding.

 

3. Leng theiying vakhu bangin leng le leng,

Kahinna Calvary mol kalhun ding;

Chuteng chumun chu kadalhah kit teng,

Lalna gam nilhum louna kajot ding.

 

4. Aw kadamlai ni hi abei tengle,

Nopna khopi tollaiya kalen ding;

Calvary thina pachat la sa ho,

Kipana chul thei louva lengkhom ding.

 

54. ATHISAN LU ALONGLHAI.

 

1. Eiho eichuna in genthei tintang athoh,

Alalna hin dalhan leiset a hung kumlhan;

Chaga chan ahung peng vannoi Lhandampu chu.

 

Setna a sohchangsa eihung lhatdoh tauve,

Thi geiyin athoh-in athisan lu longlha;

Chu kaset thenna ding.

 

2. Zion indan sung chu lung gil’in gel tem’un,

Aw Eilhandampu chun athisan ahom’in;

Lungdongin adon’un Ama nungjuite chun.

 

3. Gam vaipo Pilat in athutan dih talou,

Cross a khaina thu le ling lukhuh anapen;

Calvary lhang lama melmaten akaiyui.

 

4. Alungset cheng ho jong hoiya vaitham hiuvam?

Kadang achag-e tin Cross chunga asam’e;

Twi penom umtalou vannoi setpo Pa chu.

 

55. THE CLEANSING POWER (L. TH. 49)

 

1. Aw hoikom ham Lhandampu chun,

Lungdon hesoh athoh;

Amel dei um chu mu kanom,

Lungset thisan lonna.

 

Aw nathisan lon kamu chun,

Kaset pohgih siltheng tading;

Lungdon lungjin umtalou ding,

Aw nathisan jal’in.

 

2. Aw ka ngaiye Pakai tu hin,

Kaset nei thensah-in;

Lei chunga hin Nangma lou chu,

Kaina ding dang umlou.

 

3. Kalaicha phat ahung lhunge,

Lungset in neipuiyin;

Kichalou ding thina lui chu,

Lem louva galkai ding.

 

56. AW PAKAI GENTHEI

 

1. Kelngoinou set poh khu vetan,

Athina ding lhang jonin apuiyun;

Alung donna panpi ding nei talou,

Set tin po Pa chun.

 

Aw Pakai genthei panpi ding nei talou,

Calvary lhang jonin apuitauve;

Nunaote silung lengvaiyin,

Kap-in akih-un.

 

2. Athina ding lhang alhung’un,

I-alouvem gave tem’un Pakai;

Akhut akeng akil’un thingpel’a,

Melmate nuiyun.

 

3. Kaven nuina him him umlou,

Athi dan iti lungdon um hitam;

Amai theng thisanin achup jou tai,

Nang jong hung vetan.

 

4. Pakai dei thisan so jal’in,

Themmo changsa leiset mihemte din;

Hinna lampi kot chu eihon peh-un,

Amite ho din.

 

57. KALHA LENGIN VAKHU BANGIN

 

1. Kalha lengin vakhu bangin,

Na Lhatdamna gam gakholtan;

Khopi daiya na Lhandampu,

Setna in bom’in,

Adon ding khon chun a-ul,

Thisanin alonsah;

Lungset thuh-in pon nem’in,

A-ul thisan chu ga-theh-in;

Tu geiyin milungset Pakai,

Alungsetna sumilte chu,

Ana hamsah kit’un ahi;

Nahamna aw hung kithong hen,

Adinguva nalungsetna,

Namtin hetthei din.

 

“Kacha kathohna isahlouvin,

Um hih-in ana ngeiye;

Ka thisan longdoh chu,

Hinna thao namtui ahi”

Lhagao lengvaite lut’un;

Tin Eilhandampun aseiye.

 

2. Vetan khopi sunga mipi,

I-louva kichom khom hiuvam?

Panpi neilou Kelngoinou,

Melmaten akaiyun;

Taitomna lal pon le ling,

Lukhuh akhuhpeh-un,

Calvary lhang lam jonin;

Hoiba ham nalukhuh chu,

Van thuneina Lallukhuh chu;

Tunla ling lukhuh nakhuh tan,

Ka loupina kavan in chu;

Ka ngaiye nang lungsetna in,

Vantilten eivahchoina a,

Khah tai nasetnan.

 

3. Set pohna Cross angah jouvin,

Achunga thih-in khenbeh-un;

Alu ngapna mun sun,

Sapsetna thing chung ahi,

Ni thim hen lang lingpi,

Kihot hen songpi keh hen;

Set pomang Pa tha le jung,

Achat tai alu kunin;

Gel’in Pa le van mite lung,

Pakai jona kipa piuvin;

Ken jong kagel le kamaiya,

Kipah in lungset lhi along;

Tun nagenthei nalengvaina

Nei musah kit’in.

 

58. MOULANG LE MOUNU KILAMTONA (Kilakhom)

 

1. Mounu :

Chun le jo laijon thong nusen,

Nang kahin jon’e;

Nalungset ngeh-in ka hunge,

Nakotpi phunga.

 

Ka hung’e (2) potdoh kit lou din,

Thinan eikhen masangsen;

Nangma mi hinge.

 

2. Michom :

Najah lou ham, mikhat in nakot akiuve (2)

Aw i-lou donbut lou nahim?

Mi khat’in nakot akiuve.

 

3. Moulang :

Koi nahim ka in hinjon’a kotpi phunga ding,

Koi nahim kakot kiuva o-nemheucha eikou;

Hung kiseiyin koicha koinao nahim hung kiseiyin,

Aw nem jaidam’in hung kiseiyin kot hon’inge;

Mi khat’in ka kotpi phunga,

Aw nem heuchan eikouve.

 

4. Mounu :

Leiset gou thil loupi jouse,

Chun le jo laijon;

Hicheng sangin nang ka ngailun,

Nang kahin bel’e.

 

Ka hung’e (2) potdoh kitlou din,

Thinan eikhen masangsen;

Nangma mi hing’e.

 

5. Moulang :

Koi nahim nakisei loule kot kihon lou ding,

Tutah-a hoiya hungkon hoikom jon ding nahim?

Kiseiyin kamou nahile kotpi hon peh nange,

Koi nahim nakisei loule kot kihon lou ding;

Mi khat’in ka kotpi phunga,

Aw nem heuchan eikouve.

 

6. Michom :

Namou hinte mikhat’in nakot akiuve (2)

Aw i-lou donbut lou nahim;

Mikhat in nakot akiuve.

 

7. Mounu :

Nakotpi kei neihon’in lang,

Namou dei kahi;

Na-mi hingting naphung longe,

Nakotpi nei honin.

Ka hung’e (2) potdoh kit lou din,

Thinan eikhen masangsen;

Nangma mi hing’e.

 

8. Moulang :

Kamou nahile hung lut’in kotpi kahon’e,

Lungset khoto deitah-in nang din kot kahon’e;

Kamou nahile hungtan kipah tah-in lem inge,

Kipana golvah nang dinga gotsa ahitai.

Mounu dinga kot hon phat :

Tun ka mutai kadei lungset,

Ka vahchoiye chung Pathen.

 

9. Moulangin mipi akouna :

Kipa golvahna a lha din;

Khanghoi gol le pai ngai chullou;

Kipan ka lamtouve hi-a,

Naban jet kasang’ui.

Vangphat channi hihen tonsot,

Kilungsetnan, Christan eikankhom’ui.

Aw sopite namin cheh-un,

Kasam thei poi O-so khat’in;

Nabon chauvin Christa lungset,

Chang jingun, aw Amen.

 

10.Mipin adonbutna :

 

1. Kipa kouna awnem kajai,

Mit muphah lou gam’a konin;

Chung Pathen phatthei boh hihen,

Lung’a chamna leng hen.

Nom hen (2) Kipa golvah,

Lha nunnom hen;

Pakaiyin hamphat hen.

 

2. Mai lhaisel’a nei lemnau o,

Kajah-in kipanan eiloi;

Kipa nopna halna leng hen,

Chamnan jingvai hom hen.

 

3. Kigom :

Chung Pathen nang kavahchoiyui,

Kipa thanop konna nahi;

Kilungsetna hin khansah-in,

Det hen hinlai sungin.

 

59. NAZARETH JESU UMCHAN.

 

1. Nazareth Jesu umchan thu,

Gelnan kalung akidang;

Ading gelnan alungkham poi,

Chonse thenglou keima din.

 

Aw itobang la ngeiyin ka-Pakai,

Ka vahchoi tadem?

Aman eilungsetnau gam nom,

Em’a kalhun teng chule.

 

2. Kei jeh in honna ataove,

Apa lung chamma chon din;

Ading gelnan alungkham poi,

Kei din athisan along.

 

3. Ka chonset kalung gentheina,

Apon Calvary lhanga;

Genthei jachat thoh-in athi,

Gamnom kalhun theina din.

 

4. Ka lhagao ahuhdoh jan chun,

Van gamnom em’a konin;

Avantilte hung kikhom’un,

Alungdonna lhem dam din.

 

60. SANA KHANG LEMNA.

 

1. Pathen lungset khoto nan,

Vannoi thil aum’e;

Hiche bang chun nu le pa ana umsah-e,

Kidei ding le kingai din;

Pathenin asem’e,

Tona pi le pu jong chu;

Pathen janggop anahi.

 

Pathen ngailutna,

Pathen nang ngailutna;

Hiche teni chunga hin,

Pathen nang ngailut um hen.

 

2. Ka golnu le ka golpau,

Gollhang, nungah, chapang;

Anu apa api apu nupi upa,

Lunglhaiyunte abon’un;

Pathen jong chutinte,

Nagol napai keiho jong;

Kalungu alhai cheh-e.

 

3. Pathen lungset ngailutnan,

Gol le pai nangnin vang;

Nungah khang le gollhang khang,

Na dalha lhon tai;

Nagol napai keiho jong,

Nei hin sumil lhon hih-un.

 

4. Pathen lungset khoto nan,

Nagol napai kei hon;

Apa, Acha, Lhagao Theng,

Min ka vahchoiyun;

Nangni lemna le ja-nan,

Mol hoi pah eng vuiyin;

Nagoldei napai deiten,

Sana khangin kalem’ui.

 

61. HE SUFFERED FOR ME.

 

1. Kaset jal’in aw Pakaiyin alemloi,

Athohna sei theilou agimna sei joulou;

Aw mel dei um thisan asoh jou tai.

 

Van Lal Leng alem’e, (2)

Amite chuna in kilna thih hem le;

Nah a hemma chu thoh in,

Lhanmol ngui ajon tai.

 

2. Pakai hesohna aw ngei lungset ngui chun,

Setlei athongsoh in lhagao mangsa thouvin;

Aw setna kulsunga henkol kaite jong.

 

3. Pakai lemna chu kolkimvel’a phongun,

Sim le mal’a min jong athohna chu heu hen;

Aw Pakai ti-in ka la’n hung lem’u hen.

 

4. Genthei tintang thoh-in eilhatdoh tauve,

Thisan man ihiuve setna kon lhatdamsa;

Aw Pan eiholnau gamnom eilhut tauve.

 

5. Ka hinna thing phung le Nang ka kipana,

Na milungset jal’in dalhang ting lei lungjin;

Aw Salem thah a sun navang nei nouvin.

 

62. THE MARVELLOUS LOVE OF GOD.

 

1. Pathenin eilungsetnau hi,

Aw iti kidan’a kidang hitam;

Hetphah lou thugil kidang hi.

 

2. Eilhatdam tai tonsot a din,

Eithensah tai tonsot a din;

I-lou kei nei musah lou ham?

 

3. Chitin namtin asang ajan,

Ngailut lungset khoto na in;

Mang theilou mihem hetphah lou.

 

63. ONLY IN THEE

 

1. Zion lhang le van ahsi hoi,

Pakai sem kei dinga;

Ajoule chu mun kalhun teng,

Ka kipana pah ding.

 

Aw iphat hintem tu-a eidal,

Thisan jal’a ka din Zion lhang;

Aw itih le kahin muta dem,

Lhandampu le gam nilhum louna.

 

2. Tu hin setto Jordan luikam,

Ka ngah-e Lhandampu;

Chu ahsi kal olna mun chu,

Itih le ka lhung dem!

 

3. Phat homin chen Zion chate,

Gam loupi i-ngah lel;

Ka lenna mun gamthip ahi,

Ken dalha loi tange.

 

4. Aw galjou Lal Immanuel,

Agam kalhun phat teng;

Lungsetna Lal ponhoi sil’a,

Tonsotna kalen ding.

 

64. ADORING THE BABY

 

1. Mitin namtin in vahchoiyun,

Lem’uvin naosen Lhandampu;

Kipahna sauvin,

Sauvin aw ngeiyin.

 

2. Choiyun choiyun Lhandampu chu,

Ahung penge Bethlehem’a;

Ga vetauvin Naosen chu,

Gan ankong sunga.

}2

}2

 

3. Anu Mary’n aphei chunga,

Apom’e Naosen Lhandampu;

Michingte le mithengten,

Aga lem’uve.

 

4. Miching mitheng Vantil bangin,

Nangma jong chen lang galem’in;

Leiset hinlai dam sungin,

Lem’un na Lhan’pu.

 

5. Chungnung pen’a loupi jing hen,

Noi leiset’a minthang jing hen;

Chung le noiya kithang hen,

Amin tonsot in.

 

65. PRAISE YE THE NEW BORN KING.

 

1. Lem’un Lhandampu Naosen’in,

Tunin vannoiya hin ahung penge;

Christiante kipah hen khong le dah thouhen,

Lem’u hen a-Lhandampu vahchoiyu hen.

 

2. Nom hen Christiante nom hen hin,

Na le damna thu eihin pohpeh-ui;

Chungnung pen’a Pathen loupina hihen,

Noi leisetna chamna le lung ol leng hen.

 

3. Lhandampu penni hin kipa,

Nop la sauvin chung le noiya miten;

Chung le noi kidongtota Pakai pennin,

Hichu vannoi chonset’a kon penthah ni.

 

4. Tuni noppi ni ahi Van,

Kotpi kihongta chitin namtin din;

Nalhagao le nalungin kipah-uvin,

Kipah nomloute chu Damun’a che ding.

Leiset hinlai dam sungin jong,

Pathen vang pehna chu;

Chang talou ding.

}2

}2

}2

}2

} 2

}2

}2

 

66. SETGAL DOUNAN AW VAN LENGPA CHUN.

 

1. Setgal dounan aw van Lengpa chun,

Ling lukhuh akhuh ding lungin gel’in;

Lungdongin Pa henga taovin,

A-ul thisan’in alongin Gethsemani a,

A Lengpau man’un Israelten.

 

Lunglhai talou, lunglhai talou,

Israelte lunglhai talou;

Achunga themmo achan’un mipin thu atan,

Pilat’in athutan le kit’in.

 

2. A Lengpau kaiyun Israelten,

Calvary lhang chunga akhenbeh-un;

Achun lengtheinu Mary chun,

Atoipah donglai atan chu laina ngeiyinte o;

Lalna gam chajou i-Pakai chu.

 

3. Lungdon lungjin lhanthimpi sunga,

Pakai nunnem Lhagao ache ni chun;

Jerusalem Hou-in thenga,

Ponjal loupi laiya lhangta sitlei kithingin;

Mitheng lhagao chu hinle kit’in.

 

4. Phat alhing setgal douna bangta,

Vannoi leiset Pakai le Christa gam;

Chonset gallen ajousoh tai,

Athisan lu’n gam alotai Calvary lhanga;

Hichun champi hin Pakai mel’a.

 

67. AW CHUNG VALPA.

 

1. Aw van Lhagao Theng mei le meibanga lamkai,

Lal Immanuel hung nai kit’in;

Leiset gamthip mun kalen lai hin,

Hungvah kit in chunga Valpa;

Ahsi em hoitah chu.

 

Aw chung valpa (2) emhoi,

Eilhandampu le ka Pakai deipen nahi;

Lungdon twipi nongin gal hunglen jeng jongle,

Hinna Pakai kabel ding tonsot’a.

 

2. Van Jerusalem kotpi ahon tengule,

Langkachah tol laiya kalen ding;

Kaset jal’a lungdonna jouse hi,

Gamloupi kalhunna a chun,

Pahbang a pah jing ding.

 

3. Kelngoinou lalna gam nilhum ngailouna a,

Che masa golten leiset ngailou;

Kelngoinou alemnauvin asauve,

Hinna thinglim noiya pon bang,

Leh sil’in alengui.

 

68. NO WEEPING YONDER (L.Th. 172)

 

1. Ka le mao um ngailou lungdonna jousohta,

Van Salem khopi a lengte ho chun;

Setna gal jousoh-un thina gingta louvin,

Aw vahchoina la sauvin.

 

2. Hi leiset kavet le lungdon meiyin akhui,

Lungdon lungjinna noiya umte ho;

I-kipalai niu hi hung mang loi ding ahi,

Aw ol gam ka ngai ngeiye.

 

3. Aw thisan jal’in khopi nom chu neilhut’in,

Luigal gam gol ngaite kimna gam’a;

Nei puilut in van mithengte lenna gam’a,

Aw len ka nomta ngeiye.

 

4. Salem thah nom’a chun len kanom tangeiye,

Van mithengte ho le lhatsate chun;

Laltouna kimvel’un pachat la asauve,

Aw Hallelujah tiuvin.

 

69. I’LL ARISE GOT TO MY FATHER. (L. Th. 154)

 

1. Thouvin kating ka-Pa koma chekit tange,

Kama meipi bangin ajing;

Eilungset ding dang kanei lou leisetna hin,

Ka-Pa lou chu ka dougal jeng.

 

Setnan nusate jong leng,

Aphatna chul ngailou;

Kisih a kahol kit le,

Alim’a leng kit ding.

 

2. Ka-Pa in’a ninglhing set’a sum le sel um,

Milengvaite anem jinge;

Kei gonggoh le gilkel thoh-a thi ding kahi,

I-lou gentheiya kava lem!’

 

3. Aw akom’a kachen lai chu iti noptam,

Leiya nopna jouse akim;

Tun kagel le ka-Pa inpi ka ngai jeng tai,

Thupha choiyin jon kit tange.

 

4. Kei michonset sei ngailou le Pathen jalou,

Ka dinga mun eiphal peh le;

Hi leiset pah kamelma hi ngaikit ponge,

Apal lai ni achom taloi.

 

70. HALLELUJAH AMEN. (L. Th. 114)

 

1. Aw loupi pen Hallelujah,

Ka vahchoiye Immanuel;

Vahchoina le lalna jouse,

Tonsot’in Nanga ahiye.

 

Hallelujah, Hallelujah Amen,

Hallelujah, Hallelujah Amen.

 

2. Vannoi mihem nam jouse jong

Vantilte to lung khat’in long;

Nei lhatnau nathisan jal’in,

Salem thah tol’a kaleng khom.

 

3. Aw iti giltam nalung thim,

Iti san tam nalungsetna;

Lhatheng leiya leng aw ngeite,

Le van paovin seiphong joulou.

 

4. Aw nei hil’in gil’a sanje,

Gan kong le sapsetna thing chu;

Van’a Lallukhuh to kijom,

Lei Eden le Salem thah jong.

 

71. BEYOND LIVES TEMPTEOUS WAVES (L. Th. 66)

 

1. Hinlai luipi kinong gal lam’a chun,

Ka lungdei gam emhoi chu aum;

Ka ngahlel ngeiye Lhandampu lenna,

Nom lenkhom ding lhatdam ngaite to.

 

Nei lhut’in lang aw Pakai dei um,

Lily pahna namun theng hoi chu;

Aw itih le kei jong kalhung dem?

Lhandampu mun sem kikhen louna.

 

2. Kangai lheh-e Pakai lunghel ni hin,

Lungset’in chu gam nei musah-in;

Aw hung emsel’in kalung sunga hin,

Chuteng lengthei ken ka bang tange.

 

3. Tuhin eingah jing’ui kagol ngaiten,

Lhandampu lenna Zion a chun;

Aw itih le kei jong kaga lhung dem?

Dei cheng to kikhen louna jaiyin.

 

4. Nei hung puiyin lang aw Lhandampu,

Ka maona gamthip muna konin;

Jon jinging ting kelngoinou Leng lenna,

Aw kikhen louna tonsot Khol mun.

 

72. PEACE ON EARTH (L. Th. 67)

 

1. Leiya ahung peng van Lal chungnungpen,

Vantil’in achoi an’ui kipa la loupin;

Chungnung pen’a loupi pen hen,

Lei mite din chamna leng hen atiuvin.

 

Aw van’a vantil la saho chun,

Bethlehem vel athong soh-e;

Akipanau la awnem chun,

Immanuel Lenglen chungnungpen hen atiuvin.

 

2. Chamna lengpa thengpen apeng tai,

David chilhah ahsi em hi tonsot’a ding;

Tonsot’a leng chang jing tading,

Amin loupi tonsot’a vahchoi ding.

 

3. Aw vantil thengten sakit tem’un,

Bethlehem dai gam mun’a ka um lai hin;

Agin ngei le athong ho chun,

Kalung sunga kumkhon cheng hen tiuvin.

 

73. VANTILTEN AMA VAHCHOI DING

 

1. Calvary jona loupi chu,

Vantilten ama vahchoi ding;

Mipin jong vahchoi cheh inte,

Leiset Lhandampu thisanin;

Mimang ding lhat’in aum tai,

Melmate kichamna ahi.

 

2. Lhang jouse sangin Calvary,

Loupi chungnung pen’in langta;

Chu-a lhatna twi theng along,

Vannoi gam kimvel long chansoh;

Mijouse hinsah kit’inte,

Kumkhoa hintwi theng hita ding.

 

74. THE NEW BORN KING. (L. Th. 151)

 

1. Gamtheng penna Leng hung peng chu,

Thangvan ahsi em’in ajuiye;

Miching Ama jong ajinte chun,

Ahsi chu amu’ve;

Ken jong chu ahsi em nung chu juileng,

Pakai penna kho Bethlehem eilhut ding.

 

Aw Bethlehem kalhun masangsea,

Tang louva kache ding;

Sun ahsi em chun eipui jinginte,

Mary choilai naosen mel ken kamu ding.

 

2. Ton Salem kho kotpi em hoi chu,

Eiho dingin ahong kit tai;

Manna gamthip a analengsa,

Van gam gou lo dingin;

Kipah-in saute Leng thah apeng tai,

Leiset hi tonsot la ngeiyin losoh hen.

 

3. Koi ham alemlou ding Pakai,

Van mitheng sangjan ahin lhauve;

Pakai ngaiyin van kho ahong tai,

Kap in lei hin veuvin;

Thangvan ahsi jengin jong hinjuiyin,

Apenna Bethlehem lhang ahinlhut tai.

 

4. Chung le noi mihem kidongton,

Pakai pen thil jouse jongin phong;

Chunga cham leng noiya sochatna,

Van le lei kilolta!

Van khongpi ging hen lei hi kithing hen,

Chitin namtin in naosen Leng lem’ute.

 

75. WHEN SHALL WE BEHOLD THY FACE. (L. Th. 92)

 

1. Kachennau gamlui hung mang ding,

Aw itih ken kanuse dem?

Van mithengte le ka Pakai mel,

Mukal ka ngahlel.

 

Aw Jerusalem dai Pakaiyin,

Lengvaiyin a-ngah;

Sapsetna thing chunga khaisangun,

Alinglukhuh to.

 

2. Nathohna kahil chen joulou,

Set thoinan van lal Kelngoinou;

Bethlehem khopia nahung pengin,

Bong in lham noiya.

 

3. Pakai Jesu kagel chim poi,

Calvary hin vejing nange;

Na gentheina vannoi setpohna,

Lunga mil lomlou.

 

76. HALLELUJAH (L. Th. 138)

 

1. Hallelujah aw Hallelujah Amen,

Calvary lungsetna thisan jal’in;

Kana gam le lungdonna janthim hi,

Nopna van gam em chun ahinsal.

 

Kipana chullou ding (Hallelujah 2)

Vahchoiyin um jing hen Kelngoinou chu;

Amilungsetnan lungdong anem.

 

2. Lha theng hung lengin kipa namtuiyin,

Leiset gamthip chunga lengte ho hin;

Pakai lemkal ngahlel Hallelujah,

Muntin naumna leijong van soh.

 

3. Setna chulsa leilui hi amanteng,

Hinna vah emsel van Saron pahhoi;

Aw napallai emsel hi chullou ding,

Chung le noi mithengten nang lem ding.

 

4. Aw leiset mi’n heu le Pakai loupi,

Van mitheng laiya lenna lhajal’in;

Calvary kelngoinou lungsetna in,

Oiyin sauvinte atonsot in.

 

77. EDEN THAH

 

1. Lei Eden lui kanuse gam ahi,

Nitin malam kagaldot jing;

Lungdon lungjin meipin eijui jinge,

Ka-na’n hinkho hi kamang jou jitai.

 

Aw Eden thah kangai tangeiye,

Nitin ka tahsanin kave jinge;

Aw til’a kagol ngai chemasate vang,

Naobang nuiyin la asauve.

 

2. Lunghel’a ka ka ni ka ngaito le,

Lungjin gal’a gam hoi alang;

Iti nop tantem ngai cheng tol lenna,

Immanuel Leng lalna ahi.

 

3. Leiset’a hin kinepna ding umlou,

Lonlhin golto eikhenji tai;

Eden thah tollaiya lengte ho chun,

Kalai bangin la asauve.

 

4. Ngai jeng jong leng nagam lhun masangsen,

Kagimna nikho sao lou sao;

Neiholna gamtheng nom em eilhut in,

Lengthei ka kana nuina soh hen.

 

78. KHOTHENG NOM NEILHUT’IN.

 

1. Lungjin kihoh-in kagam jong inge,

Leisetna hin kalha among theilou;

Pakai sem Salem thah gakhol lenge.

 

Aw thokitna niloupi thi le man jou,

Khotheng nom’a chun neilhut’in;

Luikam hoiya chun,

Lungjin thina jouvin ken la’n sange.

 

2. Ka kapme Pakai namel mulouvin,

Kalung lengin nilhum khovah joulou;

Zion kulpi hoilam’a um nahim?

 

3. Kholmun ni em hoi kalam muthim’a,

Hungvah-in lang Pakai ka gam mang tai;

Lungjinna le lhanthim’in eikhange.

 

4. Ka hinlai ni hi lhanna kapel teng,

Lhatdamten einganau kajot jing ding;

Luipi lon gin thip’a kichol donge.

 

79. THE NEW JERUSALEM ABOVE (L. Th. 205)

 

1. Chunga Jerusalem thah chu,

Van mithengte tolpi ahi;

Chu-a Lal Immanuel’in vai ahom’e,

Kajot Zion gamnom chu kangai ngeiye.

 

Hinoi leiset sangin anomjoi tonsot gam chu,

Nitin mi alhung lhatin in tam;

Kumtin apung jing,

Zion lhang chunga,

Kelngoinou Leng lem’in asauve.

 

2. Immanuel nathisan chu,

Atonsotna ka la ngei ding;

Mithengte gam kalhun tengle ken lan sange,

Tonsot thing Pakai nunnem pah kamu ding.

 

3. Aw Lhandampu Hallelujah,

Gam jouse hi Nanga ahi;

Nathisan lu’n neisop thengin nanga kahi,

Kangah-e lungjin Jordan mei jing noiya.

 

4. Hung ding nahitah em Pakai,

Kagam gentheinan atom’e;

Canaan gam le namel ngai ken kabang theilou,

Jing niso thah-in khotheng len kanom’e.

 

80. LORD THOU ART EVERYTHING TO ME (L. Th. 142)

 

1. Aw van huilhi kangaiye hung lengin,

Kalung sunga meipi jing semhoh-in;

Thim le lungjinnan kei eikhang jitai,

Kajot laiyin alei tonsot kholmun.

 

Aw Pakai kadin ijakai nahi,

Hinna twikhuh nahi ken kangaiye;

Loupina le vanmun kangeh chomlou,

Vah chu Nangma nahiye nei umpin.

 

2. Til’a leiya Eden pahhoi lengsa,

Kahol’in vannoi setthim jing noiya;

Hin Calvary lhanga aleng kit tai,

Apah-e Eden thah hinthing phunga.

 

3. Leiset pah mihemte hi chulkit ding,

Anop laiyu le aw ngei jong thip thei;

Aw Pakai namel hoi vang chul ngailou,

Tonsot’a pah jinga einem jing ding.

 

4. Nangma ka kouvin thim akihohjin,

Gamthip lunghel nahi jaiyin ka-oi;

Kakipana athah ken seijou lou,

Na em chun keidin kho avahsah-e.

 

81. WE ARE WAITING FOR THE KING (L. Th. 209)

 

1. Kangah jinge ka Pakai,

Lei genthei thim jing noiya;

Nei holnau Salem khopi,

Aw keiman kangai tai;

Leiset gentheina le,

Thim noiya hin leng jong leng;

Lungsetna eihol Pa chu,

Ken kangai bang lou ding.

 

Van loupi Eden thah nom chu,

Lungdon umlouna gam nom chu;

Aw itih le hung lhung tang’em?

Na tonsot lalna gam emnom hoitah chu.

 

2. Hung ngaiyin ei Lhandampu,

Leisetna gal ahat’e;

Thisanna nalhatsate,

Lung dongin akap-e;

Leiya nalen laiya,

Nalung donna Calvary;

Melmate ahung naiye,

Nagam doudalte chu.

 

3. Aw hoikom ham Lhandampu,

Zion lhang gal amonna;

Set sop thenga milungset,

Ka diuva Nalouna;

Chonset thenna kulpi,

Na tonsot vangkho le veng;

Lhatdam cha nalim noiya,

Nom’a alennau chu.

 

4. Aw leiset hi hung mang ding,

Loupina jouse jong hi;

Lhandampun mi hinkhom ding,

Ken leiset pelta ding;

Christa lungsette chu,

Lal loupina changunte;

Lungsetna akinonge

Nom’un Hallelujah.

 

82. HUNG NAIYIN LANG IMMANUEL

 

1. Kagel jinge van gam nom chu,

Hung naiyin lang Immanuel;

Lung nem kanei poi leisetna,

Genthei navang ka-na.

 

Aw nang kalenna gam lungmol,

Nalhang chunga genthei chate;

Lungdong thoh-in,

Aw nagam loupi lalna pahhoiyin abome;

Nangbou chu nahi kalung kinepna.

 

2. Kalha lengtan van gam nom’a,

Nop le ol’in lengin van’a;

Selangdah tum le lasah thon,

Pakai chu vahchoiyin.

 

3. Kalha lengtan van gam nom’a,

Leiset hi i-lou na ngai ham?

Nopna gamtheng nom lhun tengle,

Tonsotna kemlou ding.

 

4. Jesun nei puiyin nei chingin,

Nalungset tuipia kalha tai;

Zion mitheng le gamtheng chu,

Mu kanom’e Pakai.

 

83. HE SUFFERED FOR ME. (L. Th. 75)

 

1. Kalhagao gakhol’in Jerusalem daiya,

Calvary mol le lhang ho;

Thing le thisan chu gaven,

Chu-a gacheng jingin, mikicha jeng jongle;

Pakai long lahlhah phat tengle,

Lhan hom geiyin gaven.

 

Ana ngeiye kati, kalungset Lhandampu,

Thisan louva Lhatdam thei hile chun;

Aw ka Pakai, Van kho nguiya,

Saron pahhoi chullou ding;

Hinla Jesu, Nadin vanpi achim.

 

2. Aw ka Pakai deitah, Nalaltouna kaven,

Kadai thoh a chun lhan goh a;

Van Lal Cha najal chu,

Ana ngeiye kati, ana ngeiye kati;

Itileng ken ilo tangem?

Lhan songin khah jouta.

 

3. Ka vavei ding hitam, Pakai hoilam nahim?

Calvary lhang chunga nathia;

Namel kamu lai chun,

Tun kalung adongin kalha alengvaiye;

Ka Pakai lungdon mel kamu,

Kalungin mil joulou.

 

4. Ka man thisan ahin Van’a lal kahitai,

Leiset gou thil’a lhat hilou;

Thisanna lhat kahi,

Ka Pa inlam kahei lungdon meipi gal’a;

Chu-a aman eipui lut ding,

Zion lhang ka gam’a.

 

84. KALAM MUTHIM JINGA KONIN.

 

1. Lungdon ka le lungjin gam hi,

Pel’in lalna gam nom a lengun;

Jon jingin ting setthim jinga,

Nei kaiyn Nangma vah emsel’a chun.

 

Kalam muthim jinga kon hin,

Ka ngaiye vejingin kei chenge;

Aw chung gamhoi nom’a chun nomin lenglen,

Ka leiset hinkho hi ngaikit ponge.

 

2. Aw namel a kipa namtui,

Kalemlai atoiyin achul tai;

La jongle deite tol lenna,

Alennau chullou ding chun einem’e.

 

3. Aw vetem’un lhatsate chun,

Jaiyin a-oiyun chu gam’a chun;

Lungset Pakai sem Salem kulpi,

Sunga leng le van mithengte to.

 

4. Aw lungsette chumun ngei chu,

Jon jingute aw chu gam’a chun;

Van mithengte ponbang sil’un,

I lennau gam hi avechim pouve.

 

85. THE DAY OF GLORY IS COME. (L. Th. 132)

 

1. Niloupi hung lhung ding hita,

Ngah jing leng Immanuel;

Set le thilha nemse ding ni,

Lhatdam chate nom lenna ding ni chu.

 

Chuteng kipa thanom’in kisante,

Pakai gotsa tonsot gamnom chu ichan diu;

Aw iti nop tantem aw iti hal umtan tem,

Hal kem ging louva ilen diu.

 

2. Jona ni ka muna diu chu,

Itih le hintem Pakai;

Leng’in Jordan hung kaiyin tin,

Nang din van ahsi’n hungvah ing’e.

 

3. Ahi ngeiye tonsot Pakai,

Na khopi semthah a chun;

Na thisanna nalhatsate,

Hungun kahenga hunguvin Nati.

 

4. Aw khopi thah nahoi ngeiye,

Nasunga galjoute leng;

Jo ngei asah diu chu,

Leiset man ni dingin tin akheh-ui.

 

86. DEAR ONES IN HEAVEN. (L. Th. 37)

 

1. Valpa ahsi Lhandampu lalna gam’a chun,

Lei lungdon lungjin genthei jouse;

Hinlai meipi hi jingta ponte,

Kap in kikhen kitta lou ding.

 

Lily pah le loupi navah emsel,

Kelngoinou le alhatsate lenna;

Van lamthom le vantil thengte,

Mu kangai ngeiye.

 

2. Galdot tem’un loupina mun’a lhungte chu,

Lem la gin ngei loupi chu jom’un;

Leiya alenpiten hoh jongleu,

Ngaiyin hung kile kitlou ding.

 

3. Jing lhavingpun van Jerusalem thah nom’a,

Aw alengun chu gamnom’a chun;

Kalunglen loi, amel em’u chu,

Kalung sunga hin acheng jing.

 

4. Lungdon gal’a Pakai chenna chung van gil’a,

Ni le lha le ahsi vah ngailou;

Jan thim lungdonna aum tapoi,

Kelngounou chu avah jinge.

 

87. ITI HALTAUVAM.

 

1. Iti haltauvam Zion kulpi a,

Mipi kikhom ho;

Israel chate chu nop la longdel’in san,

Pakai lungdonni chun. (2)

 

2. Aw Calvary alhutmai tauve,

Pakai nunnem chu;

Achun lengthei Mary chun iti gel’in tem?

Adou ling lukhuh chu. (2)

 

3. Calvary lhanga chun akhai sangun,

Chonse kikhom hon;

Anoiya mipi chun kap in kachang kip’in,

Ana ngei eilhatna. (2)

 

4. Lhagao neipuiyin Lhandampu thina,

Lugu mun’a chun;

Mu kanom ka Pakai linglukhuh kidang chu,

Aw athoh lai mel jong. (2)

 

88. THY GLORY LAND.

 

1. Nagam loupi hunglhun phatle,

Mithengte le Vantil thengte chuto;

Chonsete hung khom ding,

Kei jong hinna chu kachang jou nadem?

 

Aw setna alem kahi, Pakai neihung puiyin,

Hinna twikhuh a neipuiyin;

Kaset soptheng dingin,

Chuteng Na gam nom, hunglhung thei tange.

 

2. Na gam loupi hunglhun phatle,

Leisetna vaveina le ka-kana;

Ngaiyin gelkit ponge,

Silponpha laitol’a lenpi tange.

 

3. Lei lungdon le kana a hin,

Kipa nopna olna kamujou poi;

Pakai Jesu lou chu,

Kalung donna a einem ding umlou.

 

4. Van khonom ngei puldouna in,

Leisetna hin toni kalhum joupoi;

Goldeite lenna chu,

Pakai hung lhunkal kangah lel ngeiye.

 

89. KUM LE LHA AKEM JINGE.

 

1. Kum le lha akem jinge,

Kanop lai nikho jong hi;

Na emhoi le hileiset pah hi,

Ka dingin lungdon le kana gam ahi.

 

Aw ka tonsot khopi le gal munna,

Lhatdamte lenna gam chu ka ngai ngeiye;

Lungdonna le lhalengvaina,

Aum tapoi kana aw ging talou.

 

2. Ka noplai nikho akem,

Noi leiset pahhoi jong hi;

Lei nopna pon bangin chulkit jin,

Pah bang pahna tonsot gam ka ngei ngeiye.

 

3. Hi leiset lungdonna le,

Muthim’in eikhang kimvel;

Kalenna gamthip le ka maona,

Pel’a lungsette to lenkhom kanom’e.

 

4. Einem’in lang aw Pakai,

Genthei lengvai cha kahi;

Nei puiyin nangma lenna gam’a,

Lungjinna leiset hi ken ngai talou ding.

 

90. AW HALLELUJAH.

 

1. Ka Lal lenna gam ngai um chu,

Lhatdam chate nom’a lenna Salem kul sung;

Van mithengte le goldeite alengui.

 

Aw Hallelujah, Hallelujah, Hallelujah,

Tin pachat la asauve che masaten.

 

2. Aw Pakaiyin athohna mun,

Calvary chu hung naiyin lang ka lhagao din;

Hung naiyin Calvary lhang sapset mun chu.

 

3. Ka lhagao chen chumun’a chun,

Gacholdo tan i-Pakai mun semthah a chun,

Senlai naobanga ka na umtalou ding.

 

4. Pakai vetan ka lennau gam,

Lungdon puldou leiset gam hi iti hahtam;

Ka ngai Jordan luigal Salem kulsung chu.

 

91. VAN LAL JUBILEE

 

1. Adam lhanthim noiya tang ho,

Apuidoh dingin koi hung intem;

Alunggimnau chu suhnem peh-in

Ajal’a thi dingin, Van Lal Cha ahung peng.

 

Hallelujah kipah-in vahchoiyun,

Van lal Jubilee chu;

Bethlehem le Calvary lhang chunga,

Sochatna dah aging.

 

2. Nunglam melma gal athouve,

Chonset in lhan’a ajalkhum’e;

Jehovah-jireh lhang ahung kaiyin,

Hosana hin sam’in, Salem ponlap noiya.

 

3. Sheol noiya Mansoul khopi,

Asochatnau tindal hung gingin;

Nangho dingin van Lal naosen chu,

Thisanin kijem’in, Melma khopi asim.

 

4. Salem ponlap noiya hinna,

Salem Pakai khut’a malsomna;

Jehovah-jireh lhang a miho chun,

Hallelujah Amen.

 

92. KA PAKAI THOHNA KAVETLE.

 

1. Calvary lhang chu vekit tem’un,

Gimna thohgol ahipoi;

Ka Pakai thohna kavet le,

Kalung gimna le gentheina,

Twi bangin ahung long nem heuve.

 

2. Chaga genthei ho akipanau,

Leiset’a hin aum poi,

Hijeng jongle Calvary,

Gaveleu chun kipana pah;

Pakai athisan kainelnul chu.

 

3. Leiset gentheiya anop lenna chu,

Pakaiya kipa ahi;

Pakaiya chun kipah-un lang,

Hichun leiset gentheina chu,

Ikipanau la ding chu ahi.

 

93. WHEN I THINK HOW THEY CRUCIFIED MY LORD

 

(III Alex 144)

 

1. Lhandampu akhetbeh-u ngaitouvin, (2)

 

“Aw kahlah, kalah kahlah beh-in,

Eina kithinsah, thinsah”

 

2. Linglukhuh akhuh peh-u ngaitouvin (2)

 

3. Amai avoh peh-u chu ngaitouvin (2)

 

4. Anah thengtah kisun chu ngaitouvin (2)

 

5. Buikhuh-a avuiyu chu ngaitouvin (2)

 

94. LORD JESUS SHOW US THY SORROW (L.Th. 123)

 

1. Setlei pon bang achul tasa hin,

Pakai Jesu nangbou hung lengin;

Calvary a Nathohna namtin’in,

Amiljou tai Nangin hungve kit’in.

 

Aw nadong natje le naleng theiye,

Calvary a nathisan longin;

Thinlung lai loi hen Calvarya,

Nalengthei lai mel, kalunga millou ding.

 

2. Setlei nitnom pah bang chul hen lang,

Calvary nopna pah-in choiyin;

Lam hilou a lengte najal’in,

Nom’in alengun aw thisan lu tiuvin.

 

3. Chemasa ho vang chu aw Pakai,

Hal’in tongdon’uvin lhaisel’in;

Angaiyu kipana pah namtuiyin,

Hinlon tin aw natonsot gamnom chu.

 

4. Athohna maha lutah chun,

Zion lhang hoi nom chunga chongun;

Mil theilou dinga athoh lai mel,

Maha chu veuvin analo-e tiuvin.

 

95. CHI GENTHEI LUNGDONNA GAM

 

1. Chi genthei lungdonna gam’a hin,

Lungdon mitlhi pum’in kangah-e;

Tanglouvin Pakai nei umpin lang,

Nam genthei lengvai pah banga pah ding.

 

Aw hung lengin Pakai kangeiye,

Calvary-a nalungsetna chu;

Pon bangin jah-in kachunguva,

Nam genthei lengvai pah banga pah ding.

 

2. Nagam nom jot dalha jeng jong leng,

Mong pong kate Pakai Nang tailou;

Senlai nao banga ka-kapet hin,

Namtin lungmol lah-a Nang hung vah-in.

 

3. Chonset in eihin nai jeng jongle,

Thina thimpi noiya um jong leng;

Pakai neipeh Hinna Lhagao hi,

Nalungsetna chu pah banga pah ding.

 

4. Genthei jal’a aw van lallukhuh,

Chonset genthei mun’a ahungun;

Nagam le chikah-a gentheina,

Ka-Pa ang’a pah namtuiyin apah.

 

96. KA LA

 

1. Ka monmo kalunghel ni hin,

Tong donna abanna ahi;

Ka leiset lonlhi long pum’in,

Naban jet ka hin sang’e tun;

Kisan’in chibai gollhangpa. (2)

 

2. Goldei nungteng huiva mao ding,

Khoto nan navang ka kapme;

Banjal’in lonlhi huiyin lang,

Tongdonin thimthu lel tem’o;

Laigil’a geltwi bang dap ding. (2)

 

3. Nalong damsa tongdon theilou,

Keiman lhisopi jeng jong leng;

Ichung thangvan sang najon tai,

Pakai Jesu Christa’n lhonpin;

Ka lhauve goldei ngai chimlou.

 

4. Hinoi leiset gim munna hin,

Golte ngaiyin mongjou ponge;

Van chung gam nom nalhun tengle,

Che masa chin ngaite heng’a;

Khankho thimthu cheng naleltan.

 

97. ZION LHANG’A KHUN.

 

1. Hinve tem’un vanchung mei lah-a khun,

Alennau Zion lhang’a khun;

Tol aleng’ui lungkhat cheh-in,

Angai pouve leiset chulna mun hi.

 

Lungsetna um leuvin kap-in,

Pakai Nagam ngaiyin;

Aleng dildel’ui lung khat’in,

Pakai chu tahsan’in.

 

2. Lei ngailouvin alengui gam thenga,

Kile na thu seilouvin chen;

Leiset hi lengvaina gam hin,

Pallai ni achul’in akem jitai.

 

4. Aw phat hung lhung ding chu kangah lel’e,

Kipana gal’a nei puiyin;

Aw kikhen lou ding lung deite,

Tonsot in pah-un Lhandampu Pakai.

 

98. PAH-UN LHANDAMPU.

 

1. Vang eipe diuvin van’a,

Vai ahom kit tai;

Eden kotkhah ahong kit tai,

Lut’in Zion kho avah tai.

 

Pah-un, pah-un Lhandampu,

Kelngoinou ahung tai;

Lem’un Hallelujah Amen.

Hallelujah, Huhhing dingin ahung tai.

 

2. Jan la-ngei tah chun leiset hi,

Angui jenge;

Eden’a lhute athou tai,

Hoi ham sun ahsi atiu chu.

 

3. Leng jouse leng le Zion a,

Vaihompa chu;

Mihemten sumil thei lou ding,

Alungsetna akidange.

 

4. Alem la sauvin Vanna,

Mithengte jousen;

Twiso get le leiset jong hin,

Zion lo hen Hallelujah.

 

99. KA MONMO KALUNGHEL NI HIN.

 

1. Ka monmo kalunghel ni hin,

Hi leiset gam hi kavet le;

Lungdon meipin lhangtin akhun,

Ka lhagao lengvaiyin avah.

 

Aw nei puiyin damlai,

Lungdon meipi jing noiya hin;

Nei umpin lang aw ka Pakai,

Ka kalai bang tange.

 

2. Aw kalungdon ahsi kal lam,

Van mitheng lung khat’a lenna;

Kei mongmo lengvai ka ka-na,

Lungdon meipi jing noiya hin.

 

3. Aw kalhagao nalung donna,

Hi leiset gam hi dalhan lang;

Vakhu bangin galengin lang,

Olna gam khopi nom’a chun.

 

4. Chu a chun lungdon le ka-na,

Um taponte Canaan gam’a;

Eilhandampu nei puiyin lang,

Olna gam khopi nom’a chun.

 

100. J. SEM LA (Mt. 6:43)

 

1. Ngaiyin Pakai thusei,

Kagam hol masauvin;

Chutile nangho din,

Kigot peh-un nate.

 

Ngai cheh-uvin Pakai sei chu,

Avanghom chang cheh din;

Hol’ute lungthim’in,

San ding san akoisoh tai.

 

2. Kilungset’un nangho,

Kamin’in tao cheh-un;

Nadei chan’u penge,

Ka thutep nit jingun.

 

3. Ka minin kipah-un,

Keiman umpiu vinge;

Nadei chan’u penge,

Ka thutep nit jingun.

 

4. Chubang phattheina chu,

Hol’u hite eihon;

I-lung sutheng’u tin,

Pathen naiyu hite.

 

101. PARADISE (L.Th. 38)

 

1. Peogal gamnom chu kalhun tengle,

Leiset hung mang ding hi dalha tang ting;

Tahsa hinna hi ngaita ponge,

Hinna thing le Pakai tuh tange.

 

Kangai tave peogal gamnom,

Thoukit chate lenna kholai chu;

Thina puldou le ka-na umlou,

Aw peogal kei din hung kihoh-in.

 

2. Chu gam kavet le kalung aleng,

Kelngoinou le alhatsate lenna;

Lei ngailouvin einung ngat tauve,

Chu gam chu kalhun thei hitale.

 

3. Ajou tengle kho hungvah inte,

Ti kahet le ka kapet kahaiyin;

Lei gentheinan eitomte ho hi,

Dalha tange chu gamnom’a chun.

 

4. Chu-a chun malaiya lemsate,

Kipah-in aleng’ui genthei chate;

Lhandampu le alhatsate to,

Kikhen louva ilen phat diu chu.

 

102. THE LAMB THAT WAS SLAIN. (L.Th. 66)

 

1. Aw nang ka Pakai le ka Pathen dei,

Loupina le pachatna te thil boltheinate chu;

Na thenna jal’in mutheiyin aum,

Nangin ijakai nasem’in nadei bangtah in aum;

Hichu Pathen ahi.

 

Kelngoinou thasa-Pa chu,

Laltouna atouve;

Hi leiset thu hi atan ding,

Vantil thengten ati.

 

2. Laltouna atouvin athilsemte,

A-ang’a kun’un malsomna le pachatna chuto;

Loupina vaihomnate jouse toh,

Tonsot in umjing ta hen tia asei chu kanajai;

Hing jing til le te chun.

 

3. Hiche pon bangleh sil ho khu koi ham?

Hoiya kona hung’u ham, tin kei eina donguvin;

Keiman ajah a, “Na henai” kati,

Aman kaheng a hiche thu hi hechen leng tia asei,

Hung kondohna ahi.

 

103. KILHAHNA LA.

 

1. Gentheinate hin eibom’e,

Leiset chunga hin;

Pakai min’a kagol ngaiho,

Khenna ni asoh-e.

 

Aw kikhen theilou ding (2)

Aw kagol dei ho to;

Pakai Lhagao Theng hinsol’in,

Niseh-in nei umpin.

 

2. Nisim le jankho asot’e,

Namin vahchoinan;

Aw kikhenna ni asoh-e,

Kagol dei ho salam.

 

3. Namin vahchoi ahung lhunge,

Ka lhagao kipah;

Nalungsetna lhalim noiya,

Van mi umchan ka-thoi.

 

4. Eiho kikhen jeng jongleu hen,

Pathen’in eimui;

Genthei thoh-a ka kapet hin,

Saron pah neisal’in.

 

5. Goldei teho ikikhennau,

Ni ahung lhung tai;

Damsel cheh-in kikhen taute,

Pan eipuileu jing hen.

 

104. HALLELUJAH PAKAI LOUPI

 

1. Jerusalem khopi nom chu Zion,

Goldeite le van mithengte lenna;

Michonsete chu Pakai jal’in,

Lengunte chu gam nilhum louna gam’a.

 

Hallelujah Pakai loupi hihen,

Hallelujah hihen Hallelujah;

Mi huhhing dingin ahung penge,

Aw Pakai Immanuel Hallelujah.

 

2. Cross chunga chun thisan lu alonglhai,

Jesu thisan loupi calvary a;

Chonset thenna dinga hung long chu,

Aloupi Pakai thisan Hallelujah.

 

3. Ahung kit mitin kikhop ni tengle,

Damun Pakai sosalna Jubilee;

Chapangte kipana Pakai chu,

Hosana sam’un chungnungpen chapa chu.

 

4. Jerusalem kipana Pakai chu,

Jerusalem kipana Pakai chu;

Pakai min’a hungte kipah-un,

Aloupi Pakai thisan Hallelujah.

 

105. THE NEW JERUSALEM. (R.S. 16)

 

1. Van’a Jerusalem thah nom tah,

Namin chu ka-pahcha ngeiye,

Itile ka gentheina bei ding,

Nom tah-a kipah cheh dingin;

Itih tah le nang kamu ding chu,

Jerusalem thah nom tah-a;

Na in loupi vanchung gamnom chu,

Itih le kalhung thei tadem ?

 

2. Pathen Jerusalem thah nomtah,

Hichu itih le kalhung dem?

Hai louva kigopna ang’a chun,

Goldei jong kikhen kitlou ding;

Chua chun set beina ding aum,

Eden hon sanga nom kit ding;

Chua nisa sanga vahjo ding,

I-Pau Pathen maikoh-a chun.

 

3. Khopi nomtah le kipana dim,

Chu-a lhun kal kangah lel’e;

Kaset poh jouse chu kadalhan,

Nunglam’a huipi anunge;

Gentheina, lengvaina, gimna chun,

Eisunoh kit thei talou ding;

Jerusalem kho chu kalhun teng,

Tonsot’a set po-talou ding.

 

4. Pakai Jesu pachat la sauvin,

Chua lim le kipa aum;

Hai louva sopi chu dinga um,

Jesu vahchoi lasa dingin;

Van’a Jerusalem thah nomtah,

A lhunkal chu kangah lel’e;

Chua chu gimna um theilou ding,

Kipana loupipen ahi.

 

106. LILY PAH LAL IMMANUEL.

 

1. Amin eihil Zion gam hoi chu,

Ngaiyin nitin’in kagel’e;

Nei hung puiyin nakom’a,

Luigal gamnom’a chun.

 

Aw ka ngaiye eilhandampu,

Lili pah Lal Immanuel;

Damna twi thengin eilonkhum,

Aw kangai lhatsate in.

 

2. Setna le lhepna gal alen’e,

Ahi genthei keiho dou din;

Aw van Lhagao hung lengin,

Setna gal beina din.

 

3. Lungdon ngahna ding mun umtalou,

Hi leiset gimna gam a hin;

Phungtin jouse kikhopna,

Van Canaan gam hoitah.

 

4. Calvary lhang thingpel chunga chun,

Ahung thoh tai Pakai Jesun;

Lhatna na chu tong jouvin,

Hallelujah Amen.

 

107. LHANG CHANGKHAT AUM’E.

 

1. Lhang chang khat aum’e,

Gamla tah gam khat’a;

Twikhanglen dumjeju gal lam’a,

Chu gam’a lhanga chun;

Mikhat thi din achei,

Vannoi ding le nang le kei dingin.

 

Lhang chu kageldoh teng,

Ka mitlhi along’e;

Apanga athoh chu kahin mui.

 

2. Lam dunga haisam’in,

Vannoi chonset pohnan;

Linglukhuh khuh mi khat ahunge,

Abung’in Cross apun;

Mipi ho anga’a chun,

Lhanga chun akal’e thip khen chan.

 

3. Athoh gim atan-gei,

Yin anuisat’uve;

Aloite lungset’a a kapet chun,

Achunga athoh gim;

Vang chun apaopoh poi,

Lhanga chun athisan along lhai.

 

3. Chutah chun thim jingin,

Songpi akeh gamtai;

Apen chun van lung angui sohtai,

Hichu thina thoh-a;

Van Leng awgin ahi,

Apen lainat um chun van aloi.

 

4. Nisan amai sel’in,

Lingpi akihot’e;

Huhhinga that teho chunga chun,

Hinla Pathen Kelngoi;

Nou chun thina jouvin,

Athasau chu athoudoh kittai.

 

108. PAKAI VAHCHOINA LA

 

1. Namtin chitin le phung tin’in,

Vanlal leng lungdamna dingin;

Lungthim theng le chonnem tah in,

Iphei phung’u chu son’ute.

 

Pakai deilou chungnungpen,

Power le force chu mang’a;

Pakai Houbung chu sugenthei,

Adeilou chungnungpen ahi.

 

2. Ama mithengpen Paul’in jong,

A power le force chu paiyin;

Vanlal leng lungdamna dingin,

Apheiphung’u ason ta-e.

 

3. Ama Zachaeus lengpa jong chun,

Namtin zang vaise kai adon;

Pakai Christa amu phat’in,

Akaidon chu lel’in alei.

 

4. Akoi akoi hita jongleh,

Keima eijuinom jouse chun;

Ama genthei khoh salouvin,

Nitinin athingpel pu hen.

 

109. RESURRECTION

 

1. Solam jing ninou hung son,

Thao namtui mantam choiyin;

Jesu long thao nu dingin,

Mary lhan lam’a achei.

 

2. Avan ngai amulou chun,

Adatmon alung kham’e;

Amitlhi jong along lhan,

Pakai tho ahet phat’in.

 

3. Chuin Jesu aw ajan,

Lung gentheina sumil’in;

Alung akipah phung tai,

Pakai tho ahet phat’in.

 

4. Pakai thu iti hat tam!

Muthim asumang theiye;

Ama ka-te jouse chu,

Amitlhiu atheh hul chun.

 

110. NISA SANGA VAHJO (S.S. 872)

 

1. Ni sanga jong vah loupi jo chu,

Avah kalung sunga;

Leiset vah sanga vahjo chu,

Jesu kei vah ahi.

 

O phattheina ni avah-e,

Monna le kipana adim’e;

Lal mel kipa um kavet’in,

Ka lhagao kipana dim.

 

2. Pakai kavop in kalung sunga,

Lhatdamna twi along;

Kalung sunga kipa gin chu,

Phatnan apahjou tai.

 

3. Kalung sunga kipana aum,

Kinepna vahchoina;

Tuhin kipanan eipah sah,

Van kipana eihil.

 

111. KAKIPAH TA-NGEIYE

 

1. Lungdonna chonset jousen eibom’e,

Thina lam’a pui din;

Tahsan’in thina kanung ngat’e,

Eilhandampun eihin kou.

 

Ka kipah ta-ngeiye tuvangin,

Lhandampu chonnem tah le milungset chun;

Ka lhagao ahuhhing kit tai.

 

2. Kelngoinou lenna lhang chu kalhun teng,

Kipa’n eilamton tin;

Thina jordan lui kagalkai teng,

Van golvahna lhata ding.

 

3. Kipana thah lunggel’a kanei hi,

Jesun eipeh ahi;

Leiset kipana sanga lengjo,

Van kipana kanei tai.

 

112. KILHAHNA LA

 

1. Galdot tem’un Van khopi chu,

Kikhen louna gam chu alang’

Ikikhennau ni alhunge,

Ka ngai kikhen louna.

 

Achom ngeiye lei kipana,

Pah bangin achul kit jin;

Kikhen lou thei ihipouve,

Ilennau adan jeh hin.

 

2. Aw ka ngai kikhen louna gam,

Nom’a ilenna diu mun chu;

Itih tah le ahung lhung dem?

Kikhen louna khopi.

 

3. Genthei thoh-a ikikhen’u,

Itihle kikhom’u hitem?

Leiset gimmun ikhel phatle,

Kipa’n kikhom’ute.

 

4. Ka ngai kikhen louna khopi,

Leiset’a ikikhen’u hi;

Lungdon ngahna ding aum poi,

Leiset gim mun ahi.

 

5. Ikikhen’a ka-ka bang’in,

Van mun loupi kagaldot le;

Kikhen aumlou ka het’in,

Aw lhunkal ka ngahlel.

 

6. Van mithengte le goldeiten,

Lungset’in nei hung umpiuvin;

Leiset gimnan eikhen jitai,

Ka-ngaito chim theilou.

 

113. MELMA GAL ATAM’E.

 

1. Noiya nahung kum chun aw Pakai,

Nadougal atam’e, hinna nanei jeh-in;

Jerusalem khosunga navahlen,

Napanpi ding mi anom umlou hitam?

Nalung donna panpi dingin.

 

Aumpoi nalungdon kinepna dingin,

Nachanglhah nehpi hon nadalha tauve;

Vaipo Pilat thutanna ang’a,

Melma gal atam’e, themchanna gol hilou.

 

2. Twichung le gamtin’a navahlen,

Najuinom atam’e, hinna nanei jeh-in;

Anatnau jouse nasuhdam jeh chun,

Nathina ding phat ahung nai phat vang chun;

Pakai najui ngamta pouve.

 

3. Pakai thina ni ahunglhun chun,

Achanglhah nehpi ho chu hoiya um tauvam?

Calvary lhang jon’in apui tauve,

Alua linglukhuh chu akhuhsah uvin;

Calvary lhang ajotpi tauve.

 

114. THU THENG PHA KA KINEPNA

 

1. Hi leiset damlai lungdon meipi jing noiya hin,

Vangsetna le gentheina ten eijui jinge;

Ahivangin ei Lhandampu,

Nathu thengpha kakihet’in;

Kalung donna jouse kipan hinle soh hen.

 

Thu thengpha ka kinepna,

Thu thengpha kei dia damna;

Pakai thu lhungthah loupi ahi,

Aw kei dia damna.

 

2. Setna huipi le lhepna gal’in eibom jongle,

Ka Lhandampu nalungsetna kulsunga hin;

Ka lhagao genthei hoiyintin,

Lhandampu thutep dihtah chu,

Imachan adoujou poi aw alungsetna.

 

3. Na lungsetna min loupitah chu ka kinepna,

Ke michonse lengvai genthei khoto na-in;

Tonsot nopna kot eihon peh,

Nathisan theng tah loupi chu,

Kalung sunga veijing hen aw Pakai Jesu.

 

115. AW TONI KALHUMJOU POI

 

1. Lunghel’in lhangtin kagaldot le,

Lhummei akaiyin lungdonna gam ahin.

 

Aw toni kalhumjou poi leisetna hin,

Aw itih lunghelna gam ka dalhah-a,

Goldeite to nomtah-in kaleng dem?

 

2. Ka ngahlel goldeite mel mukal,

Einem jinge kimuto ding luigal’a.

 

3. Van khopi tollai kagaldot le,

ngei le Baja khongpi athong’e.

 

4. Ngai chim pong kate van ngei,

Achoinau la ngeiyin kalung alenge.

 

5. Leisetna genthei angahna bei,

Aw iti lunghel lungdon pul kadou dem?

 

6. Ka lel tai Pakai set gentheina,

Aw nei lhamon’in nakam dam aw ngei chun.

 

7. Leiset kum lhun ding ka ngahlel’e,

Kum lhun’a Pakai Christa lemkhom ding chu.

 

116. LAL THISAN KAI PONLAP

 

1. Dougal sat din neihin gonlang Pakai Jesu,

Twilen banga len jathim lal;

Gehen gal michonse ten.

 

Lal thisan kai ponlap galma a leh-un,

Haipoute Leng seipai ihiuve;

Set twipi kinong jeng jongle.

 

2. Ging lenglung gal mite sangin iloupiuve,

Chonse kikhom ho jatam gal;

I-kap Zion sepaite.

 

3. Gehen gal hi thisan vanga ijo tengu,

Vah hin leiset asalvah ding;

Leng Christa thohnat jeh chun.

 

4. Lallukhuh chu isan cheh diu sepai jousen,

I-ai diu theigol tanson toh;

Van Zion khopi a chun.

 

117. AW VAN GAM’A NEI PUIYIN.

 

1. Pakai na lhagaovin nei puiyin lang,

Lei mun lungdon kana gam hi;

Lhatdamna kulpi sunga leng dingin,

Namite pui jingin lang.

 

Aw van gam’a nei puiyin,

Thim le lungdonna jouvin;

Eidougal setgal kajo tei ding,

Navah-a chun leng tange.

 

2. Pakai Lhagao kakom’a aumle,

Ka mao gamthip akem jitai;

Leiset lungdon gim ka-thoh jou tengle,

Kalen ding nagam’a chun.

 

3. Pakai nalhagaovin neipuiyin lang,

Sang tamtah manna gam’a hin;

Mang louvin gamtheng chu neilhut teiyin

Mun loupi lhun masangsen.

 

2. Lungdonna jouse kipah-in nathoh,

Genthei Lalpan panpin neitin;

Thi geiyin lhagaovin neipuiyin lang.

Pakai loupina gel’in.

 

118. REPENTENCE AND CONFESSION (L.Th. 208)

 

1. Chonse kahi Pakai nei ngaidam’in,

Thupha kahin choiye nakeng bul’a.

 

Ka vel’a na umlou le,

Leiset kei dia thina;

Van jong ka kana gam ding,

Aw nei umpin lang.

 

2. Monna ding dang umlou hi leiset’a,

Nangma bou kalumdal dougal ang’a.

 

3. Gamthip’a sottah kava mang nung hin,

Na aw kajan tuhin kahung naiye.

 

4. Tuhin Pakai nangin nei siltheng’in,

Nagam theng’a din melma dou tang’e.

 

119. ETERNAL HOM.

 

1. Ka ngai ngeiye i-tonsot gam,

Le song mantam khopi le achungvum chu;

Nisa sangin avahjoi tiuvin,

Mu kanom ngei Pakai inpi,

Van mite lenna.

 

2. Van innom jotna jalampi,

Asih-a pel’a lamvai ding kadip dap;

Kei ka chonset le hatlou jeh hin,

Van Canaan gam hoi le loupi;

Cha’n ding kadip dap.

 

3. Pakai na-Lhagao pui lou chun,

Koima hung lhung theilou ding leiset gam mi;

Lhagao manthahna gam anahin,

Tahsan ho chunga aw Pakai;

Setnan lha ajal.

 

4. Ajou ho chun Apao gam’a,

Nisa sanga vahjon ana um’untin;

Leiset lunggimna le hesohna,

Akipa nauvin pah-in tin;

Chultih neilou ding.

 

5. Len kanom ngei Van inpi-a,

I-tonsot cholngahna ding anom ngeiye;

Pakaiyin asem Salem khopi,

Leng cheh leu hen eiho jouse;

Lunggim umlou ding.

 

120. THE DAY OF GLORY IS DRAWING NIGHT.

 

1. Niloupi hunglhun ding ni anai tai,

Chamna Lengpa le lhatsa goldeiten;

Thangvan jol’a khongpi le baza thon,

Eihin kou ding lhatsa goldei ten.

 

Gel jingin ni loupi,

Phasa dem’in um’un lang;

Laltouna theng’a ding dingin,

Pakai natong cheh-u hite.

 

2. Malaiya Noah damlai nikho chu,

Geldoh uvin lang setna dalhauvin;

Hung mangin tin ichennau gamlui hi,

Namtin Jordan lui galkai tante.

 

3. Chu gam loupi chu ahunglhun tengle,

Leiya lhenchomte lhatdam changta ding;

Lungdonna le ka-na kinem sentin,

Lhatdam chengte kileng khomsoh ding.

 

4. Leiya lhenchom chaten gel jing’uvin,

Chu gam loupi hung lhunna ding ni chu;

Leng jouse Leng le Pakai chungnung chu,

Damlaiyin lem’ute Leng Christa.

 

121. LEI HI ANGUI JOU TAI.

 

1. Lei hi angui jou tai,

Achunga mihemte le;

Setna le lunghelnan ahinlo tai,

I-mi ngai um hou le;

Golpha alem jou tai.

 

Aw Pakai nunnem’in,

Gam thah agasem chu;

Aw ka-lhagao nang jong,

Chu gam chu hin jon tan;

Leiset dalhah phat’a,

Na lenna mun dingin.

 

2. Tahna gam asem tai,

Aw tonsot gam lhun ding chu;

Lei gimna hi lhang bangin chim jongle,

Christa natahsan le,

Gam thah a nalen ding.

 

3. Til’a pi le puten,

Amuphah louvu gam chu;

Thisan jal’in keiman kahin mu tai,

Ache na lampi chu,

Lal Christa chu ahi.

 

122. CHRISTMAS LHAHNA LA

 

1. Aw kipana Christmas kavahchoi laiyun,

Kum hung lhunglha ding hi jui go-a;

Abanna tuh-a nunglam heikit dingin,

Ka ngai nalaiyui.

 

Kho-ngaiyin (2) ka ngaiyui kho-ngaiyin,

Khannou gol nalem le hallai bang joulou;

Kipana Christmas.

 

2. Kum hung lhung ding hi juilou thei kahipoi,

Nikhat jong umthei ding kahipoi;

Na kipanau tun ache ding kahitai,

Damsel’un Chibai.

 

3. Pathen lungset jal’a kimu kit dingin,

Ngah jingun lang kum hunglhun ding chu;

Malsomna thah hin choiyin hung kit nange,

Damsel chan Chibai.

 

4. Nahung kit lam teng kimu kit tei dingin,

Kipah thanom tah-in hung kit’in;

Nasei malsomna gapha hin choiyin lang,

Kipana Christmas.

 

123. PAKAI PEN LA

 

1. Pakai pen nikho alhung kit tai,

Silung lengvaite lung akai thouve;

Vannoi hil’un Betlehem lhang chunga,

Ginchatna lhan leng galkaiyin.

 

Aw Pakai nunnem Nangin neikai hoiyin,

Nachun le jo ngaiya;

Senlai naobang naka na mun chu ka ngai.

 

2. Bethlehem Ahsi avah kit tai,

Eden lhan kotkhah sung avah kit tai;

Khangin thouvun Eden kho avah tai,

Lungtup gam chu jontau hite.

 

3. Ka ngai ngeiye Bethlehem lhang chu,

Thangvan toni kol’a apanglep tai;

Bong in sunga Pakai lengvai tah chu,

Achunnu Maryn apom’e.

 

4. Anom ngeiye Pakai na gam chu,

Kei din Bethlehem lhang avah kit tai;

Til’a pi le puten amu phahlou,

Saron pah lem’in lengute.

 

124. PAKAI PEN LA

 

1. Huhhing’a Pakai Christa apeng tai,

Kipah le thanom’in lengute;

Thina thim noiya umte din,

Vah loupi tah alhung tai;

Hallelujah kipah in saute.

 

Amin kidang chamna leng Pakai,

Tonsot Pakai chamna Leng ahi;

Agam’in kemtih nei talou ding,

Tonsot in mantih nei taponte.

 

2. Tahsanin ka galdot chung vangam nom,

Chamna Leng Chapa apen ni chun;

Thinan vaihom’in a awgin,

Ngei tah chu, leiset chung le,

Chung thangvan sanga akithonge.

 

3. Tuhin Bethlehem khonom lam’a chun,

Tahsanin lhajal’in lengute;

Chun lengthei Mary pom lei le,

Van Lengpa lemna dingin,

Inei gou thil jousen lem’ute.

 

4. Mi huhhinga Pakai thah apeng tai,

Amin Lal Christa Immanuel;

Hosana chungnung pen Chapa,

Min loupi tah-in um hen;

Chamna thu leng hen leisetna hin.

 

125. MITHENGTE LENNA GAM’A CHUN

 

1. Genthei thoh a kapma,

Ham’a kalenna gamthip’a hin;

Itih le mang in tem?

Aw itih le hung mangin tem aw,

Lhatdamte toh lenkhomna mun chu.

 

Aw tonsot gam nom’a chun,

Len kanom’e, len ka nom’e;

Gam nom em’a chun,

Lengvai cha thouvun;

Mithengte lenna chun,

Van kelngoinou to lengkhom dingin.

 

2. Leiset gentheina gam,

Satan gal hatna munse gam’a;

Chen ding gingin kap’in,

Lunghel’in ka mitlhi;

Alonge aw tepna gam’a chun,

Lhagao Thengin nei hung puilut in.

 

3. Gol ngaite akim tai,

Tonsot kipana gamnom’a chun;

Hallelujah Amen,

Nei puilut’in Pakai;

Van gam nom’a leng mithengte le,

Van Kelngoinou loupina hihen.

 

4. Leiya genthei ka ka,

Ka mitlhi eitheh hul peh le ding;

Van Lal Kelngoi nunnem,

Jing Valpa nahung man;

O Pakai ka ngah jouta pouve,

Lengvai chate thokitna gamnom.

 

126. ATAHSAN HO CHU HINGINTE.

 

1. Ipun chonse ho chu alungset behseh-in,

Acha anei sunna eina lhatdoh ahi.

 

Atahsan ho chu hinginte,

Avan khopi nomtah a chun;

Olle Aloupina kimu nante.

 

2. Gul lim mai vete ho bon chu ahin’u le,

Lhandampu khetbeh vete ho chu hinginte.

 

3. Chonset muthim lah-a anamang jouse chu,

Alhatdamna thu chu oileng hing ding kahi.

 

4. Leiset oimo dingin, Acha ahinsol poi,

Atahsan hon hinna amujoh diu ahi.

 

5. Pathen Nalha Theng hi nei oidetsah jingin,

Naosen pengthah bangin, van an chun neivah in.

 

127. MITHENGTE LENNA GAM’A CHUN

 

1. Lung mongmon lhangtin kachon’e,

Lung monna aumpoi leisetna;

Aw ka chennau gam dalhang ting che tange,

Kap kit talou ding.

 

Aw ka-gam ngai chu,

Pahcha hoiyin abom’e;

Mi genthei keima lenna ding chu,

Lal napahhoi gam ngai ka kinepna.

 

2. Huiva bangin galeng thei leng,

Leng tange thangvan sang lam jonin;

Calvry lhang thing Cross chunga gachunge,

Ga tou jing tange.

 

3. Kho mun’a leng leng gol kim’in,

Lunghel lungdon jong hi bang tantem?

Ahipoi gol kim’in lunghel abang chom poi,

Ka abang chom poi.

 

4. Heng thoh cheh-ute lunghel jong,

Chung Pathen malsom’in damsel chan;

Lhagao kho mun’a chun eijong igalen diu,

Lei hi dalhau tin.

 

128. LUNGSETNA AKIHOM’E.

 

1. Lungsetna akihom’e,

Chitin le namtin dingin;

Phatthei phung chu pah-uvin,

Lal loupi chungnung ahi.

 

Chonset lung genthei lengvai,

Lungsetna gamnom chang’un;

Thisan theng tah-a eilhat jal’un,

Adei jouse hunguvin.

 

2. Vangphat kihom pet ahi,

Lut’uvin gamnom’a chun;

Nachonset jouse pouvin,

Ngaidam’inte lungset’in.

 

3. Tepna gam chang dia gotsa,

Sopi jam mang kit dan lang;

Kouna aw chu ngai jingin,

Canaan Pakai chu ahi.

 

4. Kipa aw ngei ka jatai,

Vah loupi kamu phat hin;

Dei tah-in lung ol eipei,

Lhatna thisan ka chang tai.

 

129. KA PAKAI NAGENTHEI NGEIYE.

 

1. Calvary lhang chu ngaito leu chun,

Akhut akeng anah-a ma;

Ichonset jal’a athohna,

Anatje chu hetan nate.

 

Kanao vetan ichonset jal’a thohna,

Anatje chu hetan nate;

Hungin lang akilna hung botdoh-in,

Athoh jou tapoi.

 

2. Aw ka Pakai nagenthei ngeiye,

Leiset mo jouse napoh hi;

Panpi nom ding umlou hitam?

Lungdon jouse nathoh lai chun.

 

3. Alungset jouse hung kikhom’un,

Panpi neilou Kelngoinou hi;

Najo chanin hung panpiuvin,

Adang chahna phatsah dingin.

 

4. Leiset twikhang len hung kinongin,

I-Pakai dangchah donsah din;

Kei che jong leng phatsah joulou,

Lhagao ngaiya dangchah ahi.

 

130. AW KANGAI NGEIYE GAM LOUPI CHU.

 

1. Aw kangai ngeiye gam loupi chu,

Mithengte ho lenna gam chu;

Chu mun nom’a lengte ho chun,

Genthei ahe tapoi, kana aum tapoi;

Chapang golngai um chu,

Kipah-in alhung tai.

 

Lei hi ngai tapoi,

Adalha tai, hung kit nom lou;

Ajotnau gamnom chu,

Kipah-in alhung tai.

 

2. Kei hi itih le hung ding kahim?

Ti-in ka kingaito jinge;

Kap lou thei chu ka hitapoi,

Ichennau gam ngaiton, ilennau gam gel’in;

Van kho nom pul douvin,

Kap lou thei ka hipoi.

 

3. Kei vang chu aw Pakai mitheng tah,

Naleiset sem ngui chunga hin;

Kap le lengvaiyin kavah lei,

Leiset gimna a hin napul kadou joupoi;

Nei sumil loujen’o,

Mi genthei cha kahi.

 

131. ICHONSET JAL’A GENTHEI AHI.

 

1. Vasoh banga len them hileng kei,

Ka Pakai thina lhang gavenge;

Hia chun eilhatna ga munge,

Achunga thisan kainel nul chu;

Lungset pon nem’in gatheh inge.

 

Aw Calvary, aw calvary,

Nachunga na Lal akhen beh-un;

Thouvin lang akilna botdoh-in,

Athisan lu chu gatheh ngim’in.

 

2. Kidron vadung nang jong thouvin lang,

Ka Pakai dangchah chu donsah din;

Juthuh-in adangchah pha ponte,

Chen lang amintheng tah noiya chun;

Nem hiuheu chan galon peh-in lang.

 

3. Kei ngaiya dangchah hile vang chu,

Kidron ti-in eihin kou tante;

Malai chun gadon sah tang kate,

Nang ngaiya adangchah ahiye;

Chen kalha twi chu gadon sah-in.

 

4. Gache jong leng igalong katem?

I-Pakai dangchah phatsahna din;

Hetna imacha la kanei pon,

Che vang cheng kate Calvary a;

Athisan long beh gatheh inge.

 

5. Calvary le aw Jerusalem,

Pakai chonnem hi eika-huvin;

Ichonset jal’a genthei ahi,

Thouvin lang akilna botdoh-in;

Van Kelngoinou chu athi ni hin.

 

132. HINKHO HI PAHCHA BANG

 

1. Ka hinkho hi pahcha banga,

Chom kah-a hung mangloi ding;

Janna mang kho ahung vah-a,

Aman kit tobang ahi.

 

Aw ka lhagao van’a leng tan,

Lei hi ilou na ngai ham?

Na tonsot khopi nom jonin,

Van mithengte tolpi chu.

 

2. Leiset hinkho hi ipi ham?

Natna le lungdonna bou;

Kipa thanop jouse jong hi,

Hampa pah bang bou ahi.

 

3. Ache masa igol ngai hou,

Nop le kipan alengui;

Laltouna kim’in asauve,

Tonsot Pathen vahchoiyun,

 

4. Aloupina emhoi tah chu,

Nisa sangin a-emjoi;

Chu-a aloupi masanga,

Pakai Jesu imu diu.

 

5. Ka aw ngei nei chasun sun’in,

Vahchoi jinge kalhun teng;

Vakhu banga leng thei hileng,

Leng tange gol ngai mudin.

Aw ka lhagao tuhin leng tan,

Leiset hi dalha tan lang;

Tonsot khopi nom lam jonin,

Khopi nom Pathen chenna.

 

133. IN THE WORLD I HAVE TRIBULATION (L.Th 196)

 

1. Akem baita ngeiye,

I leiset hinlai nikho te hi;

Kipana pah chulkit ding ahi,

I kikhenna diuvin;

Kol’a nisa ahung soh kit tai,

Kikhen louna gam i-ngaita ngeiye.

 

Kikhen louna kisei gam’in nom’a,

I golchan kicholdo hite;

Eichingpau Lal Christa,

Eilhandampu kipana ang’a,

Lungdon beita ding.

 

2. Leiset chunga hin aw,

Kap-in ham’ing vah genthei jong leng;

Lungjin gal’a khun gamnom aum,

Eilhandampu Christa;

Juiya ihinkho ho iphal le,

Chu gam nom’a chu eijong ichen ding.

 

3. Kipana pah umna,

Lhandampu Christa lenna mun chu;

Ngaiyin nitin in kagel jinge,

Van’a vantilte le;

Igol ikikhen pisa ho to,

Itih le kipan ikikhom diuvem?

 

4. Eiho igolchauvin,

I-Pau natoh ding thase louvin;

Phat hi nitin in akem jinge,

Jing valpa hoi loupi;

Hung kilahna ding ni anai tai,

Natoh jouva ikicholdona diu.

 

5. Aw Pakai Lhandampu,

Ka kipanau pah namtui nahi;

Leiya kipana pah amol tai,

Na maiso a chun aw;

Kipana jouse hung kilang hen,

Kipana pah Saron pahhoi nahi.

 

134. THE ECCEPTABLE YEAR OF THE LORD (L.Th 196)

 

1. Lal lunglhai kum kipa phat chu,

Tu hin alhung kit tai;

Ga che hen Bethlehem kho pam’a,

Van mite in sahna.

 

Aw nang Bethlehem iti ka ngai hitam?

Nalhang chunga lamkai ahsi em chu;

Kap in kahin hol peh-e,

Pakai penna mi i-sahlou gam.

 

2. Ngailou um’intem chu mun chu,

Pakai penna mun chu;

Caesar leng chan lai ni phalouva chun,

Ka Lal naobang akap.

 

3. Ga ve tem’un Vantil thengten,

Nadeiyu Lal Jesu;

Ahung penge genthei chate dingin,

Pah banga ilem diu.

 

4. Cham tadiuvin kelngoi ching ho,

Lungset mun’a um’un;

Lungdon louna ahsi kal, gamnom’a,

Chu-a ichenkhom diu.

 

135. HALLELUJAH TIN VAHCHOI LA ASAUVE.

 

1. Gam nilhum louna van gam’a,

Van mithengten vai ahom’un;

Hallelujah Amen’in vai ahom’un,

Laltouna kimvel’in asauve;

Vahchoi la asauve.

 

Hallelujah (3) Amen in la asauve,

Achoina chu Hallelujah Amen ti-in;

Aloupi in atheng pen’e, (2)

Hallelujah tiuvin van lam sangun.

 

2. Atheng penin aloupi pen,

Tiuvin baja to kitoh-in;

Loupina le vahchoina chu changta hen,

Ti-in vantil aw ngeitahte chun;

Tang louvin kipah-un.

 

3. Kumkho a Pakai chungnungpen,

Noimiten jong pah-u hite;

I aw nei chasun sun’un vahchoiyute,

Pakai lungset um nuina dingin;

Kipah-in la saute.

 

4. Noiya kipa la isah-un,

Van mitheng akipah jiuve;

Kipah uvin tin vantil thengte ho chun,

Hallelujah ti in pahchaute;

Pakai vahchoi dingin.

 

136. HUNGUN GEL’UN PHAT CHE DAN HI

 

1. Chamkang lou noulai ahitai,

Theichang na jong anou tai;

Che bang chun lhenchomte jouse,

Pakai lem dingin nou kit hen.

 

Hungun gel’un phat che dan hi,

Setna thisa thophat ahitai;

Gam hung lhun ding kinem’in,

Ngah jingute phasadem cheh-in.

 

2. Chul thei leihao pahcha jeng jong,

Phat chomcha khat ding jeng cha’n;

Namtui sel’in ahung pah-in,

Namtin lung alhaisah sohji.

 

3. Hijeh chun sopite hung’un,

Leng Christa lunglhai dingin;

Gunchu tah in na tong’ute,

Leiset hinkho abei kah-in.

 

4. Phat loupi chu hung manginte,

Gunchu le lung kinem’in;

Hung kigon phasadem cheh-in,

Pa Laltouna thenga ding din.

 

137. MIDANG KOU PONGE PAKAI.

 

1. Ka Pathen aw Pakai Pathen,

Idinga kei nei dalhah ham?

Ka taonan nanung ahinjui,

Ka taona lungset’in sangin.

 

Ka taona suhmil’a um’am?

Lungset in sangin ka taona;

Midang vang kou ponge Pakai,

Lungset them Nangma tailou chu.

 

2. Ju-thuh jong kei dia lhing joulou,

Tenga sut jong lhingjou loulai;

Cross chunga na thisan long lha,

Hichun ka chonset atheng tai.

 

3. Arimathia khomi lamkai,

Pathen ngah jinga um ahin;

Pilat henga ngampel’in che’n,

Pakai long chu aga thum tai.

 

4. Sepai jalamkai adongun,

Joseph thum chu bulhit peh din;

Along chu tupat pon nem chan,

Tom’in song lhan’a avui tai.

 

5. Ave dia che Anu loi ho,

Atho thu Vantil in hil’un;

Nithum le jan thum achamin,

Athou tai tin aseipeh-e.

 

138. HUNGINTE VANLAL NAO

 

1. Setna twikhanglen gal’a,

Kamong jou poi Pakai; (2)

Lhepna leiset chunga hin;

 

Hunginte, hunginte,

Van meikhu kong chunga;

Van lal nao Kelngoinou.

 

2. Lhepna leiset chunga hin,

Hunginte Zion’a; (2)

Olive thing phung sang chunga.

 

3. Olive thing phung sang chunga,

Hunginte Van lal nao; (2)

Avantil sangja chuto.

 

139. HUNG TEI DING

 

1. Pakai aw gin khu ngaiyuvin,

Leisetna miten;

Ahung nading ni anai tai,

I-tohgau kimlou.

 

Hung tei ding, (2)

Van huikong theng chunga;

Aloupi aphon kichai niteng.

 

2. Aman alhenchomte apui,

Tou ni teng chule;

Adalhahte chengse vang chu,

Gim genthei thoh ding.

 

3. Damun meidil’a umte chu,

Kum sangsom sangja;

Lung gentheina thohlhum soh ding,

Hin ding go jongleu.

 

4. Van goulo ding chengse vang chu,

A-emsel’a um;

Pa lunglhaina um jou lou ding,

I-tohgau kimlou.

 

140. GOLCHA KILHAHNA LA (MT. 10:28)

 

1. Hi leiset hesoh lunghel gim mun hi,

Namelhoi toiyin chul jita;

Napah jin chomkhat gol mel kiplouvin,

Hamna le lhisonan nungjui jita.

 

Deikip lelna leiset mun hi,

Ohe anai golngai kikhenna mun hi;

Nikhat nunnopna lei thah-a,

Kimu to kit kinem ing.

 

2. Gal hat chungnung pen aum nahet em?

Leiset phe keo that theiya thi;

Ging po-te olmo hih-in kalhai gol,

Ikimu to kit lou lam jong hetlou.

 

3. Mikhat aum’e nahet em? gal hat!

Mikhel galhat Pakai Christa;

Nikhat hung lamkaiya gal hinsat ding,

Thi ahinjo ding mitin jouse mua.

 

141. THI LHAHNA LA.

 

1. Lumtan lumtan goldei lumtan kicholdo tan,

Jing ninou hungso kit kahsen;

Aw jing thona dah agin ni tengle,

Goldei te hotoh lengkhom tau hite.

 

Chibai (3) i-kimu kit kahseuvin,

Van gam nom’a ilen phatle;

Umlou ding kilhahna chibai.

 

2. Ohe goldei lumtan, ihmun, ihmu miltan,

Lhisona ka-na neilouvin;

Lei genthei hesoh lungdonna jouse,

Bangin lang kicholdona in lumtan.

 

3. Kahin sel’ui nalong damsa sen nao bangin,

Lhisona lhan ngui thim sunga;

Aw damsel chan Pa ang sung chu jontan,

Kap kit talou, mao kit talou dingin.

 

4. Van khonom nalhun teng neihin hailou jen’un,

Lhilonna leiya goldei te;

Aw chung toni jeng jong hung thimta hen,

Genthei chate lhilon hi bang tahen.

 

142. THANGTING LHANG

 

1. Pakai dinga lhom’a kajan,

Ka lhoma len Thangting lhang;

Pakai malam nei kai jeh-in,

Tun vang lhoma chu alhung tai.

 

Christa hinchen len kase,

Pakai jaitha hatna jeh-in;

Phunglunlai Haokip, chitin in,

Huhhingna chu amu tauve.

 

2. Thangting lhanglen pumpi sunga,

Chasan koh khat jong mujoulou;

Tun vang Pakai thahatna jeh in,

Bongnoi twisam put bangta.

 

3. Thangting lhanglen pumpi sunga,

Chitin namtin acheng khom cheng;

Ichung Pathen gam nin nom’a,

Nunnom nga bang ilenkhom diu.

 

4. Iti noptam Pakai lenggam, (Pathen)

Christa laijon le toigol cheng;

Thilhunga tahsan inei le,

Hinna lallukhuh isan diu.

 

5. Keima michonse hatlou in,

Pakai nagam ding na katoh a;

Pakaiyin phatthei neiboh chun,

Tun vang tumbang kavoi ta-e.

 

143. GAM THUM’A VAI AHOM’E.

 

1. Gam thum’a vai ahom’e,

Van gam Lengpa Jesu chun;

Ama vai homna gam’a,

Sun le jan aum tapoi ati.

 

Ka vahchoiye Jesu ken,

Nalet nahatna jouse chu;

Nasoh kei nei hin ngaiton,

Ka lengvaina jouse hi.

 

2. Twi le lei le vanchung gam,

Ama vaihomna ahi;

Jesu sanga lenjo ding,

Chung le noiya hin kimu ponte.

 

3. Thingpel chunga akhaiyun,

Lhandampu Jesu Christa;

Setna ima anei poi,

Hibang genthei hi athoh vangin.

 

4. Rome sepai engse ho chun,

Engse tah in anabol seuve;

Pilat in huhhing agon,

Ahivangin ahuhhing joupoi.

 

5. Alennau Galil gam’a,

Pakai van’a akal tai;

Akal pet chun aloi hon,

Van lam asangun aka tauve.

 

144. GAMTIN’A CROSS THINA LU HI.

 

1. Gam tin’a Cross thina lui hi,

Thangsoh loi hen kintah ahi;

Calvary a kho hungvah hen,

Ningtin muntin salvah soh hen.

 

2. Pakai Pathen na natoh hi,

Suhal jingin kol mong geiyin;

Nalungsetna deh joulou,

Gamtin’a kithang soh loi hen.

 

145. THI LHAHNA LA.

 

1. Ipi ilainat dem, ahinkho nom ahi,

Genthei adalha tai Pathen kom’a aum;

Kipah tah-in van alhung tai,

Jesu kom’a nomsa jing din.

 

2. Gamlatah agei tai, chu-a lungjin beita,

Natna aum tapoi anin kemtih neilou;

Nat ham beita ahin kikhel,

Jesu kom’a nomsa jing din.

 

3. Kap kit talouhel ding, ka-na aum tapoi,

Ham kit talouhel ding hamna aum tapoi;

Adalha tai, kihkit lou din,

Jesu kom’a nomsa jing din.

 

4. Chunggih aum tapoi, nat le ka-na ho jong,

Tonsot in aume a Lhandampu tah to;

Ana hah tah atong jouvin,

Jesu kom’a nomsa jing ding.

 

146. KEN NA IN DING SANG’E.

 

1. Ken na in ding sange,

Hoitah le nomtah in;

Nalha chenna ding van chunga,

Gilkel dangchah umlou;

Na van gam nom’a chun,

Tonsot kem theilou gam nom’a. (2)

 

2. Chu gam nomtah chu ken,

Ka mang bangin kamui;

Nop le ol kemkit talou ding,

Agamla tapoi tun;

Chu gamnom ka ngai chu,

Kei dinga in nom asem chu. (2)

 

3. Chu gam chu kei chang in,

Ding hilou nang ding jong;

Nazaret Jesu chenna chu,

Chu gam’a chengte i;

Ti nop tam tonsotna,

Aman eihepi jeh-u chun. (2)

 

4. Chu gam’a in chu a,

Nop ahoi sei theilou;

Chu a lung genthei gim beita,

O ngei tah le kipah;

Tah-a la mai sa ding,

Gamtin kimu to sohta ding. (2)

 

5. Hungun ka sopite,

Hung kipat in hungun;

Cheu hite Sion gam jonin,

Ei huhhingpan asah;

In nom’a chu cheng din,

Thikit louna gam nom em’a.

 

Thikit louna nat kit louna,

Lungdon, kichat, tijat, lunghel umta lou ding;

Beita ding lhiso le ka-na.

 

147. CRUCIFIXION

 

1. Lhandampu lungdongin achei,

Agalten akaiyun;

Achena ding lam kavet le,

Thina mun chu ahi.

 

Chu lhanga chun akhai sangun,

Sapsetna thing chunga;

Lengvai kana o ka jah chu,

Lhandampu o ahi.

 

2. Alengvaina Cross chu apun,

Pakai chu akaiyun;

Lhandampu hoikom alhut’um,

Ka-Pu chu ga hunge.

 

3. Pon loupi le linglukhuh to,

I-Pu chu akaiyun;

Ka chonset jouse hi apon,

Gentheina lhang jonin.

 

4. Chu-a mipi akikhom’un,

Pakai taitomte ho;

Lungdonna ten ana bom’in,

Thingpel’a dom sangun.

 

5. Akhut le akeng thingkil’in,

Thing to akhenbeh un;

Hichun ka jousoh tai atin,

Pakaiyin asam’e.

 

6. Thina lungjin lungdon jouse,

Lung hesohna jouse;

Ipun abon’in ajouvin,

Lhan’a kon athou tai.

 

148. PAKAI HENGA GENTHEI AUMPOI.

 

1. Alalna tonsot gamnom hin dalhan,

Ahung vah gentheiye eiho dingin;

Pakai vannoiya hin deiyin aleng ngampoi,

Setna leisetna hin umna ding neilouvin.

 

Aumpoi i-Pakai banga genthei,

Leiset Lhandampu chu tugeiyin jong;

Set jeh in alung dong,

Agentheiye aw thoh sah kit hih-un.

 

2. Kingahna neilou chungleng va bangin,

Lung ngahna ding neilou i-Pakai chu;

Twipi chung le vangkhoa nahil’in nitin’in,

Nei ngailut jeh-uva lung genthei nahi.

 

3. Setna simtha dingin i-Pakaiyu,

Lal Pilat’in themmo ana chan’in;

Abanin akaiyun Calvary lam jonin,

Sapsetna thing chunga eiho din athoh.

 

149. THE LAND BEYOND THE RIVER. (L.Th. 120)

 

1. Jordan lui peogal kakai teng,

Kilungsetna gam nom’a;

Lhandampu le alhatsate,

Mel lhaisel’a ka mu ding.

 

Aw Pakai chun lungsetna gam emnom’a,

Olna asem tai athisan lu chun;

Kei michonsen thisan jal’in kahin bel,

Thisanin silthengin nei olsah-in.

 

2. Pakai tepna gam nom em’a,

Ka ngahlel chu a ol ding;

Hinna thinglim dam noiya chun,

Itih le ka ol ding ham?

 

3. Aw van Jerusalem Thah chu,

Ahoiye seithei hilou;

Ka laicha tengle Lal Jesun,

Khopi thah eilhun sah ding.

 

4. Lhandampu kom kalhun tengle,

Kalung helna bei tante;

Gimna gal gam nom’a ol ding,

Kalung gimna bei tante.

 

150. AW PAKAI VANNOI CHONSET PO

 

1. Aw Pakai vannoi chonset po,

Thimna gal’in alem’e.

 

Mithengte le Pakai Jesun,

Itobangin na ngaitou vem;

Ana-e Pakai nunnem,

Chimtih him him kanei poi.

 

2. Aw ka ngaiye khopi sunga,

Hosana atiu lai chu.

 

Nat jouse a na le damlou,

Kipa nopna kile sah Pa;

Aw ahi chonset vangin,

Nopna kolnin alem’e.

 

3. Kei dinga ka lha monna le,

Kalung gil’a einem Pa.

 

Aw athi Calvary lhanga,

Zion chate alengvaiyun;

Lunglai meipi hung jingin,

Kemtih nei kit talou ding.

 

4. Aw Canaan namou lemlai chu,

Ka ngaiye ka nop laini.

 

Tu vang hin pah bangin chulta,

Namel hoi pon bangin chul’in;

Galilee a na lenna,

Iti hin holdoh tang em?

 

5. Aw Simon Peter le Martha,

Athi-e ka Lhandampu.

 

Alennau Canan gam nguijou,

Khopi sung le Houin sung chu;

Iti hin musoh tang em,

Lhandampu le kalenna.

 

6. Ana-e, ana ta ngeiye,

Ka vaveina Canan gam.

 

Thoh ahaipouve lungdonga,

Simeon thusei te ho chu;

Ahung lhunge tutah hin,

Kalung lai asunna-e.

 

7. Tuhin vang Pakai Lhandampu,

Na van gam nalhun tengle.

 

Ling lukhuh hi ngaita louva,

Na loupina Lal lukhuh chu;

Na khuh teng lengvai keiho,

Nei hinven mithengte to.

 

151. LUNGLEN LA.

 

1. Hinkho deilai kahin nau le phat hoi,

Hi ana kemloi jitai;

Ima jouse kagel’e,

Lunghel aum ngeiye.

 

Na pamai, na pamai,

Aw phat le kumlui mol’in;

Nalungset vanga namtin nomsa cheng,

I hinlai damsung kimpet chau hin.

 

2. Phat kipa um akem aw mitamtah,

Ihin pahlai achul tai;

Khankho akem jinge,

Lunghel aum ngeiye.

 

3. Hithei hi hen kavon ding kipa um,

Muthei kit ding chu hileng;

Nunlui ngaiyin kahol,

Kumlui bou ka tiuve.

 

4. Kumlui to ikikhen koukit thei lou,

Gol ngai kikhenpi jong chu;

Ahinkho alhingin,

Kumlui to alhon tai.

 

152. KA NGAI NGEIYE TONSOT GAMNOM

 

1. Lengleng leu hen thangvan sanga,

Mei le ahsi kaina khu;

Galeng leu hen tonsot gam nom,

Salem thah khopi chullou;

Akul sung langkachah twiyin,

Alon khum agam jouse;

Na hinnan khopi asal’e,

Na lungset gam emsel’a.

 

Ka ngai ngeiye tonsot gam nom,

Vantil to ka Pa umna;

Aloupina pacha bangin,

Hinna twi along dildel.

 

2. Chu gam em’a lengte ho chun,

Leiset thina dalha ta;

Abon’un Pathen gam nom’a,

Amitlhiu long talou ding;

Buhbang bangin athengsel’un,

Leiset melput kikhel ta;

Chungto nisa thoh talou ding,

Goldeite to lengkhom ding.

 

3. Ton’a goldei tahte hoto,

Chu gam nom’a lasa ding;

Leisetna ka umlai bangin,

Ngai talou ding gam nom chu;

Masanga ka ka-na ho chu,

Goldeite to kimu ta;

Tun leiset miten ngah lel’un,

Ahin thing nalim noiya.

 

153. LUNGLEN LA.

 

1. Kalung lengvai kom le,

Pakai hung lengin kalung sunga;

Lengvai chate choldo,

Na mun nalenna chu;

Nei hil’in aum chan,

Lei gentheina a kalen lai hin.

 

Aloupi je thu hi,

Kasei jou thei poi aw;

Van selangdah gin ngei,

Vahchoina dah kei dia gin ngei chu.

 

2. Lei gentheina a hin,

Lengvaiyin kap in mao jeng jong leng;

Thina luigal ka kai,

Phat le lungset ka Pan;

Aw eina lamton tin,

Lungdon mitlhi sona bei tante.

 

3. Aw chu mun’a leng chun,

Khenna thu him him asei pouve;

Khotheng nom le Kelngoi,

Nou chun tongso le la’n;

Mitheng le Seraphim,

Ho to vahchoina chim talou ding.

 

4. Aw chu mun lhun ding chu,

Lei gentheina hin eidal jitai;

Aw ka ngahlel na gam,

Theng nom neimu sah-in;

Jo-na tumkao choiya,

Aw Salem thah mukal ka ngahlel.

 

154. GOLCHA NI KILHAHNA LA

 

1. I-lennau lei munthim’a kon in,

I-ngaiyui gam theng chu;

Ache masa igolten eingah jingun,

Twipi nong gal gam nom’a chun.

 

Gol’in ven ponlap namasanga,

Kouna aw nem chu ngaiphan jong jingin;

Kicha hih-in, Van lamthom’a,

Goldei ten na ngah nai.

 

2. Na msanga nalhemlha dingin,

Lhepna twi long jongle;

Kicha louvin ponlap chu jon jingin,

Hung kile kit thei nahita poi.

 

3. Van mun theng nom’a lengte ho chun,

Lei ka-na hi veuvin;

Lungdon puldouva umte hi amuve,

Ahin sangui akhut jet’in.

 

4. Vo goldei chu mun chu najon tai,

Nunglam hin ngai louvin;

Ache masa igol laiya leng dingin

Pakai Christan puilhung teiyin.

 

155. LEISET CHUNGA HIN AW

 

1. Leiset chunga hin aw,

Chung leng va banga kalen lai hin;

Eisulung jing ding lhepna ahat,

Nung le ma chem le thal;

Ahem’e ka dingin nitin in,

Lungmong le lhamong theilou kahi tai.

 

Pakai lungset twikhanglen ging tobang,

Hoiya tham’a lung lengvai le kahim;

Chung Pathenin setlei chunga hin aw,

Anatong dinga eilhamon hinai mo?

 

2. Nitinin lhepna mei,

Pi jingin eijinkhum jeng jongle;

Pakai hatnan eikhu jing ta hen,

U le nao cham del’in;

Christan eipeh-u na tongute,

Pah banga ihinkhou amol kahsen.

 

3. Kipah-in kalung penge,

Chungnung pen Christa kom’a chun;

Lal loupi bon noi leisetna leng,

Christa dinga kahin;

Kho hi genthei thoh dia kaphal le,

I-louva kei lung kisih ding kahim?

 

4. Leiset chunga kagol,

Te le kajat chanpi te ho chu;

I-themmonao ki ngaidam’ute,

Christa Lal mun loupi;

Salem gamnom ichan nadingun,

Khat le khat kingaidam to cheh-ute.

 

156. ALPHA AND OMEGA. (L.Th. 77)

 

1. Amaho chu akom’a um ding,

Amaho chu amite hitante;

Pathen ngai chun umpiu vinte,

Amit’uva mitlhi athahhul peh diu.

 

Dangchah jouse kom’a chun,

Hinna twikhuh a twi manbeiyin peng kate;

Aw lhagao dangchah ho chun,

Hung don tau hen.

 

2. Thina umkit thei ta louhel ding,

Lungdon lhiso na le natna ho jong;

Aum kit thei talou hel ding,

Thil masa jouse jong chu abeisoh tai.

 

3. “Ngaiyun thil jouse kasem thah-e,

Sun in hi thu hi thutah ahi” ati;

Hin kahenga ahung lhung tai,

Kei Alpha Omega patna le jo-na.

 

4. Amasa pen le anunung pen,

Hinna thing chunga chun thu anei thei;

Khoa alut theina dinguvin,

Akisutheng ho chu anunnom ahi.

 

157. THE FOUNDATION OF LIFE (L. Th. 31)

 

1. Kum lhungin nei chingun damsel’in,

Nei ching jingun chuh le khal’in;

Lem louvin eihoiyun Pakaiyin,

I-kipanau ni let hi imu tauve.

 

Chung le noiya Pakai lem’u hite,

Huhhingpa leiya pen ni hin;

Kipah thanom tah-in hung lhauvin,

Lhaisel’in lem’ute eihuhhing Pau chu.

 

2. Tujing hin van Lal lengpa lemnan,

Hunglha cheh-un na inkouvin;

Kipah thanom tah-in hung lhauvin,

Mijouse lungsung chu kipanan lo hen.

 

3. Namtin phungtin mi jouse dingin,

Ahung penge genthei thoh-in;

Genthei hesohna ajou soh-in,

Eiho chonset jouse apomang soh tai.

 

158. CHAMNA LUIPI HUNG LONG HEN.

 

1. Aw eilhandampu set le gimna noiya hin,

Lhagaovin neipui len lang;

Na thisan’a nalhatsate chun nalem’un,

Chamna lui dunga acholdouve.

 

Chamna luipi hung long hen,

Leiset gim munna hin;

Van Lalcha eihuhhingpa,

Ka ma a pah hoiyin pah jingin.

 

2. Lei hi Pakai thilpeh loupi masa ahi,

Kasei thei poi nei lungset;

Van mun loupi nalungsetna bulhing ahi,

Calvary lhanga nei hung lhatna.

 

3. Thil dang sangin naloupi e eilhandampu,

Nakhutso hoi kinepna;

Jing niso sangin nahoiye eilhandampu,

Nalungset thu kisei jou theilou.

 

159. THE NEW EDEN

 

1. Phat hi akem jingin lei nopna amangjin,

Leisetna kipana akim thei poi;

Pakai hung lengin aw niloupi lhunsah in,

Genthei chaten leiset gimna adalha nom.

 

Aw Eden thah nom’a chun neipuiyin lang,

Lunghel’a khenpisa ho to kilengkhom le;

Ka kipanau kim’in vahchoi tauvinge,

Leiset hi ngai tapou vinge nagam’a chun.

 

2. Na dinga thohten chu gam chu akinep pin,

Lei kipana adiuva pah theilou;

Zion mipi ho le lungsetna Lal mel chu,

Niloupi hung kilang ding chu avechim poi.

 

3. Lei lungdon lungjin hesohna jouse noiya,

Tahsan hon kipa la asa jingui;

Adiuvin kho vah hen Salem thah nom’a chun,

Na puikhomna ding ni ngaiyin agaldot-ui.

 

160. LUNGJINNA JOUSE BEISOH TA.

 

1. Lungjinna jouse beisoh ta,

Lhagao leiset mun lam’a chun;

Lhatdam chate ajalennau,

Hi leiset mun bang hitalou.

 

Lungjinna le gentheiyin eibom,

Lungdon twikhanglen bangin kinong;

Kipah in avahchoi la sang ting,

Lem louvin chu gam chu eilhut ding.

 

2. Ol mun umlou kei din leiset,

Genthei thoh-a ka ka-na bou!

Chu mun nom chu kalhun tengle,

Kipana mun gachang nang em?

 

3. Pakai leiya alenlai chun,

Mun gasem peh ing’e ati;

Kei din jong mun aum nadem!

Tia gel’in kave chim poi.

 

161. TAHSAN LHA JAL HEN

 

1. Tahsan lha jal hen lang,

Calvary lhang lam gachon leu hen;

Pakai thina mun lam’a chun,

Ka chenna ding Salem thah kamu ding.

 

Ka lei lung ngai ka ka lai bang tange,

Kipana pah hoi ka galdot teng.

 

2. Calvary lhang chunga,

Thisan lu long Lhandampu nah-a;

Namtin silthengna ding a chun,

Aw ka lhagao chua chun chengin.

 

3. Jerusalem thah chu,

Amu na ding lhang dang aumpoi;

Veu hite Calvary lhanga,

Chua alang Lhandampu nah-a chun.

 

4. Aw ka lhagao lengin,

Ga chon’in na Lhandampu thina;

Nangma jeh a athohna chu,

Athisan longa kisil thengin.

 

162. KUM THAH LA

 

1. Aw Pakai na malsomna lu,

I-jakai chunga kilang;

Na thu chun ka hinkho jong hi,

Ka neise to mantha ding;

Ka vahchoiye, (2)

Nalung setna kamu hin. (2)

 

2. Nangma lungsetna khutna kon,

Hinna le ngaichat jouse;

Hampa louhing muchi jouse,

Achang cheh-a malsomna

Vahchoina la, (2)

Asauve atonsot in. (2)

 

3. Aw Pakai thil jouse sem’a,

Nangma khutsoh jouse hin;

Lungjin gentheina eichingpau,

Ka vahchoi chim thei pouve;

Nei sumil dan, (2)

Nadei lam neihil jingin. (2)

 

4. Phat le nikho akem jinge,

Lei pahhoi jouse mol’in;

Pakai ka setnau jouse jong,

Nahatna in asil theng;

Mu kanom’e, (2)

Nahatna hung kilang ding. (2)

 

163. HALNA GAM JON’UTE.

 

1. Atonsot gou lo dingin jon jing’ute,

Lungdonna ahung len lai hin;

Ka koma um jingin lang aw,

Ka Lhandampu deitah.

 

Aw halna gam jon’u hite,

Cholngahna ding;

Aw ka ngaiye khensa te,

Kimna ding gam chu.

 

2. Lei pahhoi jouse jong hi hung mang tei ding,

Chul talou ding tonsot lalna chu;

Sei chimlou ding khangthah geiyin,

Agam kem talou ding.

 

3. Mitna mulou gam nom kei dinga gotsa,

Jon jing’ute, henge chu gam chu;

Aw chu mun ngei chu aw ahi,

I-tonsot in diu chu.

 

4. Lei halna mangkit mai ding mun’a chengte,

Khenlouna gam eisem peh jeh-un;

Hallelujah Lhandampu chu,

Vahchoiyin um jing hen.

 

164. LEI NOPNA NGAI HIH-IN.

 

1. Leiset khang hi sottalou ding phat anai tai,

Aw michonse khang lamvai mite;

Lei lung ngaina o na jouse chu,

Nungsun’in Pakai bel tan.

 

Aw lei nopna pah ilou nangai,

Tonsot geiya imonna diu chu;

Dalha tan, ngaikit lou jenin aw sopi,

Pakaiya kinem’in kumkhon.

 

2. Tuhin vang aw, ihepouve thil hunglhung ding,

Hilna thu chu inot thap tauve;

Acham’a chon sei ngailoute chun,

Gim hesoh thoh joulou ding.

 

3. Setna thimpi jing lah a hin o ka Pakai,

Na lhagao theng chun hin salvah-in;

Chonsetna hung kilangdoh soh ding,

Set banga Nang kajui ding.

 

165. LORD PREPARE MY SOUL

 

1. Lungdon mel him him um ponte,

Vantilte lailenna a chun;

Leiset lungdon thoh-a maoten,

Kalai bangin Pakai abel’un.

 

Pakai chu gam chu neimu sah-in,

Hi leisetna kalen lai hin;

Lungdon thoh-a ka ka-na hi,

Aw nem tah-in hin thoh inge.

 

2. Aw chu mun’a lengte ho chun,

Khenpi sate ngai talou diu;

Hinna twitheng chu adon’ui,

Kipana pahcha hoi alouvui.

 

3. Galdot tem’un mun loupi chu,

Vantil thengte valpa ahsi;

Khohui akai lunglen anai,

Kelngoinou tollenna ahi.

 

4. Chu mun loupi kalhun tengle,

Pakaiyin kei ei umpi ding;

Vantil thengte to leng dingin,

Tonsot Pakai kavah choi ding.

 

166. AW ANA NGEIYE EILHATDOHNAU

 

1. Lhandampu lungdonna Calvary lam chu jon’in,

Lhagao theng aw nangin nei puiyin;

Mu kanom’e eilhandampu chu,

Aling lukhuh le athohna chu.

 

Aw ana ngeiye eilhatdohnau,

Akhut, akeng, anah-a;

Melma hem athoh,

Kei din Cross chunga ahin apei.

 

2. Nitin’in ka ngaito Lhandampu thina mun chu,

Tahsan’in leiya kon hin kamui;

Michonse ni kah-a khenbeh-un,

Kadang achah-e Pakaiyin ati.

 

3. Ngaitem’un Lhandampu lungdon le lengvai ka chu,

“Ka Pathen ilou nei dalhah ham”

Atao peh-e akhenbeh ho din,

Cross chunga athi ding kon jong chun.

 

4. Aw Pakai adiuva nathohna Calvary a,

Aw mitin puiyin lang vetsah in;

Heu hen adiuva nathohna chu,

Jesu vahchoi lou thei hilou diu.

 

167. KA GALDOT JINGE.

 

1. Luigal gamnom le ka Pakai,

Lungset hung lang ding chu;

Galdot jing ding lhepna huipi,

Leiset thim noiya kon.

 

Ajou le lhepna meipi le,

Thimjin abei phat le;

Kilang jing ding angailutna,

Kipana lui long chu.

 

2. Leiset lungdonna ho dalhan,

Lungset Pakai dei um;

Kipa chullou vahchoi ngahlel,

Van ngei sa ding.

 

3. Leiset lungjin lah-a Pakai,

Nalungset min loupi;

Vahchoi chim ponge Lhandampu,

Kasetnan eidal’e.

 

168. SECOND COMING.

 

1. Ngaiyin hung kit tei ding ahi,

Loupina to van mei chunga;

Pakai Immanuel chun,

Leiset thupi tan ding.

 

Chitin namtin alaltouna ang’a,

Achonnau phonga kikhom diu;

Salem Pakai anga chun aw,

I-ham kasei tah ding.

 

2. Amel loupi ni banga vah,

Satan le melma ho chu;

Lhatsate kipa nikho teng,

Kichan kithing tauvinte.

 

3. Hi leiset lungdon genthei pel’in,

Che masa le van mithengten;

Salem thah nom’a lengin,

Hinkho kem talou ding.

 

4. Lungdon le kana um talou ding,

Van selangdah gin ngei chuto;

Calvary a Kelngoinou thisa,

Vahchoiyin long del’in.

 

169. COMPLETE ARMOUR.

 

1. Ka galvon ka tolkoi ngam poi,

Aw ka channa gal ginna mun;

Nitin lhepna chun eijui jing,

Aw ka Lhandampu seilep dingin.

 

Aw nei von’in Immanuel

Na lhagaovin nei von’in lang!

Hi leiset setthim kulpi hi,

Nang dingin dou kit nang’e.

 

2. Lhasam le geuchauvin ka um,

Nadin sonlel melpu jong leng;

Gal hatte dinga Lallukhuh,

Aw nasem chu nei musah kit’in.

 

3. Aw hin vetan ka Lhandampu,

Nathisan’a nalhatsate;

Hi leiset setthim kul sunga,

Akihen’ui Pakai sim joulou.

 

4. Nangin nei pui le melmate,

Ken jou ding nathisan jal’a;

Natonsot gou lo-pi dingin,

Aw set soh-a kon ken puidoh ding.

 

5. Ol le kho ahungvah tengle,

Ka Lhandampu chu kamu ding;

Chu-a ka galvon sutlhang ting,

Aw ponbang loupi eisil peh ding.

 

170. GALDOT NINGE PAKAI

 

1. Lungdonna in eium kimvel,

Setnan nitin eilhem jinge;

Aw ka ngai ngei ka Lhandampu deitah,

Ka kulpi le ka hoina pen;

Nei umpi jingin lang.

 

Galdot ninge Pakai,

Lungdon meipi jing jeng jongle;

Kalha choldona ding Zion le,

Namel dei um chu.

 

2. Tuhin kei din hung pah kit’in,

Lungdon meipi jing jeng jongle;

Leiset pahhoi nitinna lem ho hi,

Nalungsetna hetsah kit’in;

Aman thai louna din.

 

3. Til’a ikipa le halna,

Pakai mel dei um lemsa ho;

Tuhin pah bang chultadi jeng jongle,

Aw hung pah kit tei ding ahi;

Kipah a leng khom ding.

 

4. Galdot tem’un Zion khopi,

Lungdei golngaite akimnau;

Ngailutte mitlhi pum’a khensa ho,

Nitin galdot in ei ngah jing;

Tonsot kipa la san.

 

171. HOLY SPIRIT HEAVENLY DOVE.

 

1. Lhagao theng van vakhu nunnem,

Hung leng kit’in ka ngaiyui;

Hin suhal kit in mipi lhasamte,

Mol lep louvin hung kit’in lang.

 

Aw ka ngaiyuve Lhagao nunnem,

Nangma louvin mipite lamvaiyun;

Hinpui kit’in lang aw Valpa ahsi,

Zion kipa lampi thenga.

 

2. Ngaiyin Pakai nalhatsaten,

Atonsot lam ahaiyun;

Lei kelngoi chingte hin puidih joulou,

Iti ahidiuvem Pakai.

 

3. Lhagao thengpen nangna umle,

Leiset lungdon anemjin;

Set huipi le lungjin gal len jongle,

Jailan namin vahchoi tange.

 

4. Jesu nunnem hung ham kit’in,

Lungdong tah-a nathohna;

Hetsah in lang nalinglukhuh chuto,

Na hesohna kidang tah chu.

 

172. AW LENKHOMNA DING NI CHU

 

1. Aw Pakaiyin chenna ding mun,

Aga semna a chun;

Vahchoina la sa galengkhom ding,

Goldei kikhen kitna jong umtalou.

 

Aw ka ngahlel lenkhom ni ding chu,

Leiset ngailouva Zion Pakai lem le;

Goldeite kim ni ding chu.

 

2. Chu-a lungdon ka-na beita,

Khopi thah nom’a chun;

Thina luigal kai teng ka chenna,

Ding gel’in ka-lai kabang thei jipoi.

 

3. Ajou le kho avah tengle,

Goldeite leng’unte;

Chu-a Pakai neilhah sah-in lang,

Leiset ngailouva dalhah ka nom’e.

 

173. AW ITIH IKIKHOM DIUVEM!

 

1. Hinlaiyin Lhandampu jal’in,

Kipah-in lengkhom jongleu hen;

Kapmin ikikhen kit jitai,

Aw ka-ngai kikhen louna gam.

 

Lhandampu mun ga sem’a chun,

Hi leiya kikhenpi sate;

Tonsot laltouna ang’a chun,

Aw itih ikikhom diuvem.

 

2. Alang’e Calvary lhang’ah,

Galdot’ute khenlouna gam;

I-lennau lhang kikhen jongle,

Tahsan’in lengkhom jingute.

 

3. Sam jing’ute i-Pakai bou,

Genthei lengvaina a einem;

Amalou einem dang umlou,

Achul jitai lei kipana.

 

4. Hi leisetna jong hin Aman,

Alungsetna lhalim noiya;

Kipan eipuikhom kit’unte,

Kapmin kikhen jeng jongleu hen.

 

174. KILHAHNA LA

 

1. U le nao igolnop beita,

Kikhenna ni ahung lhung tai;

Leiset gimna da-na ahin,

Kikhen ding ihiuve.

 

Aw gel jingin Pakai lungsetna, (2)

Kalhai, u le nao damsel cheh-ute.

 

2. Aw sopite gel cheh-uvin,

Leiset hinkho hi mangta le;

Ikimu lou lam jong hetlou,

Van gam ilhun mauvin.

 

3. O sopite i-themmo nau,

Kingaidam to cheh-u hite;

Pakai lungsetna noiya hin,

Mong’in kikhen taute.

 

4. Leiset golnop ima hilou,

Nikhat thu dinga bou ahi;

Hibanga chu ihinkhou jong,

Nitin in akem jing.

 

5. Van gam thah chu ilhun tengle,

Tua lunghel bang um talou ding;

Kilungsetna kem talou ding,

Kipan vaihom tante.

 

175. PAKAI JESU HUNGIN (Th. 22:6-21)

 

1. Sapsetna umlou Pathen Kelngoinou,

Laltouna chu aum jan aumlou;

Thaomei vah le nivah ngailou,

Pathen ngaito tonsotna vai homkhom tading.

 

Amen, hungin Pakai Jesu hungin,

Pakai Jesu a milungset chun;

Mithengte ho chu umpi tau hen,

Hallelujah Amen. (2)

 

2. Pakai themgao ho lhagao Pathen chun,

Thil hung lhung ding ho chu avetsah-e;

Ngaiyin hungloi ding ka hitai,

Hiche thu seidoh nitchan anunnom ahi.

 

3. Aphat chu hung lhung loi ding ahitai,

Chon phalou chun chon phatlou bol jing hen;

Mitheng ho chu theng jingu hen,

Ana umjing tau hen, kahung loi ding ahi.

 

4. Lhagao thusei doh ho lamang’a chu,

Hinna thing le khopi thenga achan;

Chu Pathenin alah mang ding,

Hithu hetsahpa chun kahung loi ding ahi.

 

176. CALVARY LHANGA

 

1. Eilhandampu chu akaiyun Calvary lhanga,

Lugu atiu lhang munna chun;

Gakoukit tan, aw ka lhagao,

Calvary alhun masang sen;

Vannoi chonset popa ka vengam poi.

 

Aw themgao hon eihilnau thu chu,

Kelngoinou nunnem chunga chun;

Tun achunga ahung lhung tai,

Jat dang ho chu amatsah-un,

Akaiyun Calvary lhanga.

 

2. Ka Pakai nao banga aka-na Calvary lhang,

Ka galhun tei ding hinam? oh!

Iti jeng jongle cheng kate,

Calvary kalhun masangsen;

Nahsah loule sumil thei kahipoi.

 

3. Hiche vedinga ache ahung kile ho chu,

I-alo tah-um kati-le;

Hetkal ngahlel’in kadoh chun,

Cross a akhenbeh tauve tin;

Athi nungsang beh-in gaveng kate.

 

177. KELNGOINOU CHU LOUPI HEN.

 

1. Ka Lhandampu ka vahchoi ding,

Nangma a bou ka hiye;

Thisan’a nei siltheng jal’in,

Kelngoinou chu loupi hen.

 

Loupi Jesu nei lhatdam tai,

Namin theng chu loupi hen;

Thisan’a nei siltheng jal’in,

Kelngoinou chu loupi hen.

 

2. Ol chamkim kipana chang din,

Kum tamtah ka nahol tai;

Kipah-a Ama tahsan’in,

Phattheina chu kachang tai.

 

3. Mitphet kahlou jong tahsan din,

Kum tamtah ka nahol tai;

Hinna twikhuh-a choldong’e,

Ka Lhandampu heng’a chun.

 

4. Na natong’a kimang jouvin,

Nang dia hing le thi hinge;

Lhatdamna thu kidangtah chu,

Kipah in seichoi lenge.

 

178. AMIN GOLNOP LOUPI

 

1. Amin golnop loupi bol’a,

Ka Pakai vang chu;

Jerusalem indan chungnunga chun,

Atahsa le thisan’in avah-in aloi lungset;

Hichun khon sunga alheiyin,

Thu hiche aseiye, Neihet jingna dingun;

Che hi don’un ati,

Achunga thu hung lhung ding chu ahejinge;

Aw iti lainat umtam, I Pakai golvah chu,

Lungdon meipi noiya, Lungdon mitlhi pum’a;

Pakai golvah ngui chu,

Aumpise dougal asohjou tai;

Iti lainat um hitam aw,

Amelmaten akengu chu;

Achunga alam tai tia kisun,

Bangin ahung lhung tai.

 

2. Golvah jouvin Olive’t lhang,

Lam chu ajon’un;

Amauva lungdon meipi chu ajing,

Aloite jeng jong kap in;

Lungdon meipi lam jon’in,

Lungdonna khon adon ding chu;

Ahung lhun louna din,

A-Pa Pathen kom’a Lhandampun athum’e;

Hijongle adon dingin thu ahung lhung tai,

Aw panpi ding nei talou;

Vanlal lungdong Pa chu,

Jankhon Pathen alhai;

A-ul thisan bangin ahung longhol hol’e,

Hibang tah-a koi ham genthei thoh-a;

Iti lainat um hitam aw,

Iti hah tam asei ding jong;

Hung vetan milung dong, aman’un,

Mipi kikhom ho chun.

 

3. Vetem tan Zion kulpi sung chu mipi akikhom,

Hosanna tikit khamset ahiuve;

Kipana tumkao le ding jong chu achoi tapouve,

Hosanna aw adanglam tai;

Khenbeh-un tina in,

Taitomna ponsan le linglukhuh chu khuh-in;

Calvary lam jonin mipin anungjuiyin,

Aw namtin phungtin kikhom;

Pakai genthei thoh nin,

Mipi asang ajan akhetbehna dingun;

Thingpel kiput sah-un,

Hibang tah-a koi ham genthei thoh-a;

Iti lainat um hitam aw,

Iti vetlel um hitam aw;

Thingleh a akhaiyun Kelngoinou,

Gilkel dangchah thoh-in.

 

4. Ka Pakai thohna natje chu,

Kasei jou thei poi;

Athi dan lungnat umje chu geltan,

Akhut, akeng anah a hemma chu thoh in athi;

Van le leiset jong kithing hen,

Ka Pakai thini hin,

Chungtoni jeng jong hi thimta hen tuni hin,

Asempau van Lengpa athinin Cross chunga;

Aw along ajong tauve,

Lhanthimpi ngah dingin;

Lhan lung ngui thim sunga.

Laiya songpi jong chu;

Tindal’in hung ging hen,

Van mijouse jongin hung lamtou hen;

Iti kipa chungnung hitam?

Van’a vantil hung kumte chun;

Tonsot Pakai din athoukit tai,

Hallelujah Amen, Hallelujah.

 

179. PRAYING FOR REVIVAL FIRE.

 

1. Phat chesa ho hi kagel le,

Achul’in mol alepjou tai;

Van pahcha le kipa chullou chun,

Chultih ni anei tapoi.

 

Ka ngai ngeiye, chugam chullou chu,

Tonsotna dia Pakai gotsa gam;

Lhatdam chate chullouvin lengun,

Kelngoinou loupi lem’in.

 

2. Chu gam loupi kagaldot le,

Ka umna lei pahbang ahi;

Tonsotna dia lhinglou atiuve,

Aw kangai gam lhun ding chu.

 

3. I-lei kipana le nopna,

Ka le lungdon asohjou tai;

Hin suhal kit’in Lhagao theng,

Kipa chullou chungnungin.

 

4. Lhagao Theng Pa lhatsate chu,

Kagaldot mol alem jou tai;

Aw ka Pakai hin puikit in lang,

Lhandampu jaila oi ding.

 

180. DAMSEL’UN CHIBAI.

 

1. Leiset gol ngaite kikhenna dingin,

Kol ninou asoh kit tai, damsel’un.

 

2. Leiset chunga hin lungmonna umlou,

Setnan nitin in eijui, kiging’un.

 

3. Nikhat kipah in nop la sa jong leng,

Lily pah amol bangin, amol’e.

 

4. Ikikhen diu hi leiset anguiye,

Gam le go angui jou tai, chetan gol.

 

5. Van gam nom’a chun kikhenna umlou,

Chu-a kimuto gingchan, ka lhauve.

 

181. A O-NEM NGAIYUN.

 

1. Pakaiyin angailutte gam asem chu,

Leiset Canaan gam sanga nomjo ahi;

A aw nemin Amite nitin in eitem,

Agam nom tah a cheng jing dingin.

 

Nitin ei … tem jingui, A o-nem ngaiyun;

Angailutna hin jonun, hin jonun,

Jordan twi kinong jongle;

Aw Pakai gam’a hung lut’uvin.

 

2. Aw chua khohuikai le hinna thinglim,

Ngaiyin ka galdot hinna toilou pahhoi;

Thenna luipang hoi le tonsot hinna gamnom,

Pakai lungsette alennau chu.

 

3. Aw chua tonsot vah i-Pakai Jesu,

Le vantilte to nop la ngei isah diu;

Christa mel ve hon chonset ging talouhel diu,

Lim’in Ama vahchoi jingute.

 

182. SALVATION IS FREE TO ALL.

 

1. Lhatdamna kot akihonge Calvary lhanga,

Lungdong lengvai mun neilou din;

Kipah-a ilenkhom nadiu,

Ana sem’e Van Lal in chu.

 

Kahin jon’e aw ka Pakai namun sem chu,

Set le lungjin gal len jongle;

Nangin neikai le jing jengin.

 

2. Ka lhagao na Lhandampu thina Calvary a,

Sun le janin gacheng jing tan;

Chu-a nachen nading gam chu,

Galdot’in lungdon anem’e.

 

3. Thillui jouse amang soh in ahung thah kit tai,

Setna thisa thoukit in lang;

Chenna dinga asem gam nom,

Kipah a i-lenkhom nadiu.

 

4. Immanuel lei le van thah khopi nom’a chun,

Aw itih le kalhung tadem;

Ka ngai ngeiye tonsot gam chu,

Gol ngai lungdei kimna ding chu.

 

183. KUMTHAH CHU AHUNG LHUNG KIT TAI.

 

1. Kumthah chu ahung lhung kit tai,

Ahin lunglen apung jitai;

Nunglam lhangtin gave kit leng,

Leiset golngaite kiminte.

 

Aw hoiya em … gol ngaite chu,

Pakai ngana tonsot gam’a;

Hunguvin lang hinna pah hoi,

Namtui chu galou tau hite.

 

2. Phat hi che-a mollep ngailou,

Langkachah khopi tol nom’a;

Lungdon silpon khuh-a lengte,

Umtalou tonsot gam ahi.

 

3. Ka ngai ngeiye lungset gam chu,

Veu hite khohui kai noiya;

Ahsi kal van Salem thah chu,

Lungdeite tol lenna ahi.

 

4. Ka ngahlel ngeiye chu gam chu,

Ajou le chu gam kalhun ding;

Goldeite kikhenpi jong leng,

Chu-a kipah a kalen diu.

 

184. VO JESU KA LHANDAMPU.

 

1. Pakai namin kija hen lang,

Na gam loupi tah in hung lhung tahen;

Vetan thuneina setnan amang,

Namin hi hin choisang kit’in.

 

Vo Jesu, Ka Lhandampu,

Namin hin choisangin;

Phaijol pah Lily vangkho nom’a hin,

Setna sumang dingin Nang hung pah in.

 

2. Tahsante lah-a setna hin,

Pakai Jesu min aseipoi jouvin;

Aminset ding iphal diu ham,

Amelset ding pha isah um?

I-lhau lemsa hinna ahi.

 

3. Jesun “Ka min asei set’u,

Kalung asuna-e” ati;

Amin thengpen choisang ding le,

Adihna ponna kisil din;

Lhatsa mihem umnau hitem?

 

4. Setna in “talo” anei poi,

Lhagao sim joulou apuimang jou tai;

Van Lal Chapa thengpen jong chu,

Leiset a ahung lenlai chun;

Thisan longin aham sah-ui.

 

5. Set jeh in mon aum poi,

Leiset genthei na a;

Van gam ka ngaiye,

Ka Pa in hoi chu;

Setna meipi ajing tapoi tiuvin.

 

185. CONFLICT WITH SINE.

 

1. Gal alen’e leisetna hin,

Satan gal anitin ahunglen jinge;

Na lhagaova neipui lou chun,

Namin ngei hi Pakai ken pan ngam jilou ding.

 

Malai themgaote napui bang chun,

Na lhagaovin nei von’in lang;

Tahsanin namel nei musah-in,

Kipah-a Namin vahchoi ding.

 

2. Calvary lhang chunga Pakai,

I-set jal’in lungdon genthei tintang athoh;

Alungdonna suhmil hoilou,

Set jal’in aw alungdonna imil joutai.

 

3. Nei ngaidam’in Pakai Jesu,

Keiman nalungdonna sumil helta jong leng;

Nangbou ka ngailut pen Nahi,

Ka ngai ngeiye Pakai namel neimu sah-in.

 

4. Na gam tungdoh dingin Pakai,

Nalhatsate setsoh-a kon puidoh dingin;

Set gallen jong doukit dingin,

Ka pang jinge Immanuel nei lamkaiyin.

 

186. NAMEL’A KIPANA AUM

 

1. Nalungset jal’a kipah-a kikhom sate,

Kahung kikhen kit tauve Lhandampu;

Einem ding dang aumpoi leisetna,

Pakai Jesu kakom’uva lengin.

 

Aw cheng jingin Pakai ka henguva,

Nei umpiuvin lunghel lengvai chate;

Namel’a kipana aum’e,

Ka ngai bang theilou ding.

 

2. Hileiset hi kap’a kikhenna mun ahi,

Pakai Jesu nalungsetna jal’in;

Natonsot gam nom’a kalhun tengle,

Kikhen kit talou ding tahsan chate.

 

3. Lunghel’in ka kouve ka Pakai tuni hin,

Hung lengin kalung set thim’a hin;

Valpa ahsi sangin navah hoijoi,

Namel’a lhamon le kipa aum.

 

187. MAKE HASTE, TO REVEAL THY GLORY.

 

1. Calvary a nalungsetna chu,

Chansoh loi hen leiset le gam tin’a;

Nangma lhatsa lei mihemte,

Thina sapset lah-a lengun.

 

Pakai Jesu naloupina le ngailutna,

Thangsoh loi hen chitin lah-a;

Mihem lungsung setna lemsa,

Na min loupi vahchoi lan sau hen.

 

2. Ka gam lungdon lungjinna kon hin,

Koi ham Pakai achea gahuhdoh ding;

Sim le mal’a Nangma min ngei,

Kithopi ding dang umlouhel.

 

3. Leiset chonset hi meipi bangin,

Ahung jinge Pakai kalung sunga;

Hin semhoh-in van meikong chun,

Nang din pah bangin pah inge.

 

4. Ka kap-e Pakai na gam ngaiyin,

Tonsot gam le lungsette lenna chu;

I-tih le lungdon le hamna,

Pel’a mitlhi long ahul dem?

 

188. WE ARE MARCHING ON.

 

1. Ka ma a luigal’a khopi nom chu,

Lhun ka ngahlel khopi hoi chu;

Lungdei jouse akimnau mun,

Mu kanom galdot chim ponge.

 

Aw chelai ihiu cholnga louvin,

Pakai hatna gingchan khopi hoi jon’ute.

 

2. Chu khopi nom lam chu jon jingute,

Lhasam louvin che jingute;

Gal monna ding mun um louhel,

Pakai heng ilhun masangsen.

 

3. Hechen hileng aw vahchoi chimlou ding,

Gal ginna a leng hijong leng;

Van mun loupi kalhun tengle,

Vahchoina la daingai lou ding.

 

4. Aw van Lhagao Thengpen hung lengin lang,

Lung’a set kot hongkit in lang;

Nagam nom’a neipui lut’un,

Kipana kemlouna a chun.

 

189. GAZING OVER THE LAND OF PROMISE.

 

1. Malaiyin Mosen Canan agaldot,

Lo jou louvin leng thupeh apolen;

Canan gam loupi le ahoina amun,

Kisih-in ngaiyin kap inte ong?

 

Aw keijong Canan thah ka galdot,

Ka hatna songa lhung joulou ding;

Hinla Leng Jehova’n eipuiyin tin,

Gamnom chutobang chu kaga muding.

 

2. Canan khohui kai le nigui em chu,

Lamkai Mose chun agah galdot in;

Jordan galkai ding chu Pakaiyin phallou,

Alungset ho chu adalha tai.

 

3. Lung lenlhang chu ka ngailheh jenge,

Lalnan ajem hoiye tonsot gam chu;

Chu-a galjou Kelngoinou Leng atouve,

Avel’a lal na pah-in abom.

 

4. Canan pahhoi lhang nomtah ho chu,

Lamkai Mose galhungpai thei talou;

Ngailou bangin Salem lhang achan mai tai,

Israelten ngai ngeiyinte ong?

 

190. NANGBOU CHU NAHI

 

1. Ham’in ka ngah gam loupi chu,

Hung neiyin lal Immanuel;

Ka lhagaovin thangvan sanga,

Nom’in galeng tante.

 

Aw nang kalenna gam lungmol,

Nalhang chunga genthei chate ahbang kivai;

Aw nagam loupi lalna pahhoiyin abom’e,

Nangbou chu nahi kalung kinepna.

 

2. Ka lhagao aleng lunghel’in,

Pah bangin chulta di jongle;

Kipana gamtheng lhun tengle,

Chultih ni neilou ding.

 

3. Lei pahcha noplai ni achul,

Khen nung teng kingai anaiye;

Lung ngahna umlou leisetna,

Genthei naobang ka-na.

 

4. Jesu neikaiyun nei puiyun,

Nalungset twipia kalut diu;

Zion khonom le gamtheng chu,

Mu ka nom’e Pakai.

 

191. AW NEIPUI JINGIN

 

1. Leiset pahhoi kavel’a pah hi,

Sem hoh-in lang meipi jing hohi;

Nalamdih a chun mang louvin,

Namin kiso Jordan gal’a chun.

 

Aw neipui jingin lang,

Setna kulpi thina thim jouvin;

Neipui jingin lang,

Immanuel Lal Jesu.

 

2. Gamtin’a thangsoh in Lal genthei,

Nalungsetna seichoi lenge aw;

Namin thengtah choisang dingin,

Mitin hil’in lang Calvary bang chun.

 

3. Lungdei golngai kikhenna lei hi,

Kapmin aham’ui ka Lhandampu;

Thisan lutah-a lhatsate,

Leiset pahhoi hi akipa piuve.

 

4. Leng David le Valpa ahsi chu,

Hungvah kit in kalung sunga hin;

Asetnau lah-a lengte hi,

Napah hoi chun aw neipui kit’uvin.

 

192. GAZING OVER THE LAND OF PROMISE.

 

1. Setna kulpi lam’a chun gachen lang,

Chu lam’a kipana kahol laiyin;

Chu lui thina a aw thong chu kajan,

Kichat in ka dimset kit tai.

 

Vo Jesu keilam hinve kit’in,

Pakai kei lamvaiyin, kavah mange.

 

2. Chonset ga chu thina ahung hitai,

Kapal ngampoi thina luipi len chu;

Hinla chena lamdang umlou Pakai,

Lhamon sah Nangma ka ngaiye.

 

3. Kum tamtahpi kanuse jou jong hin,

Lungsetna in neina ching jing jengin;

Ijakaiya ka ijakai Pakai,

Lei chung hi vahchoi lan lo hen.

 

193. THY HOLY HABITATION

 

1. Kalung sung set boh nensa hi,

Na Houin in sem thah-in;

Asunga hin aw ka Pakai,

Tonsot’in Nang hung chengin.

 

Na umna chu (2)

Tonsot kipanan aloi.

 

2. O khatvei beh muthei hileng,

Khatvei beh Nang namu leng;

Leiset pahhoi jouse sangin,

Ajat jan Nang nahoijoi.

 

Kipeng kate, (2)

Nangma to chengkhom dingin.

 

3. O semhoh-in kasetna hi,

Ka lhagao huhhingin lang;

Ka chim tauve thim’a um hi,

Hungvah in van vah loupi.

 

Nahung vah teng, (2)

Kalung sung kipan adim. }2

}2

}2

 

194. HILTHEI ING’EM PAKAI

 

1. Phat chesa chu apamai ngeiye aw Pakai,

Nalungsetna jal’in koukit thei ing’em?

Koukit theilou kacha phat chesa chu,

Lungset kiphon jal’a chu hoiya na um’em?

 

Hil thei ing’em Pakai,

Hil ngam ing’em Pathen;

Diabol manchah lupen chu,

Kei kahilou ham?

 

2. Bethlehem sochatna dah ging chu ham nasei,

Calvary lhatna dah gin ham Pa nasei;

Ahi kacha lungset um milengvaipa,

Vannoi set nopna hi nadou jou jeh-in.

 

3. Vannoi set nopnan eichimkhum jeng tajongle,

Nachate set lungheina chu ngaidamji Pa;

Ngaidam ji-e, kacha lengvai lungset umpa,

Ka lhamonna khut hi tuh-in cha lungset um.

 

4. Nakhut jet ham Pakai naveilam ham?

Hintuh jeng tang kate naveilam hijongle;

Katuhna ding khut chu kajetlam hinte,

Kalhentum nakhut thengtah chu tuh jing jengin.

 

195. ZION KHOPI THAH

 

1. Ka ngahlel Zion khopi thah,

Lal lenna van gam loupi;

Lunglen kom le ka galdotjin,

Lei gimna nuse tange.

 

Aw gamthengpen hinna gam vah,

Lalna gam hoi mu kanom ngei;

Kalhun kahsen aw Lal nunnem,

Lha louvin neikai jing jengin.

 

2. Chung lam’a lhajah in lengun,

Natna le lungkhamna hon;

Thina lhangvum’a cheng ihiu,

Hinna gam galdot’ute.

 

3. Hinlai khankho hi geltem’un,

Lungdon meipi ajing jing;

Leiset khel’a hinthah ngaiyin,

Ka kap Lal nunnem ang’a.

 

4. Nunnopnan einem’in Pakai,

Set chate kipana din;

Nunnop len kolni emselta,

Zion gam galdot ute.

 

196. KA NGAHLEL NGEIYE.

 

1. Ka ngahlel ngei Lhandampu lenna,

Tonsot gam nom ahung lhung ding chu;

Alhunna ni ding chu nai hen lang,

Tonsot gam hoi chu hung lhung ta hen.

 

Hung lhung hen lang galeng leu hen,

Chung khopi Lhatdampu le;

Van mithengte to,

Salem thah tonsot pah hoi ke-na,

A chun leiset hi ngaita pou hite.

 

2. Pah bang chul ding leiset gentheina,

Na gam loupi ngaiyin kamaove;

Nei hung puiyin lang Pakai Jesu,

Nakom galmonna neilhun sah-in.

 

3. Tuhin set thim’a kivai jong leng,

Nung teng tonsot kho hungvah tading;

Ngaiyin nitin kagaldot,

Golngai khenpi sate ho to.

 

4. Van khonom umchan ka geldoh nin,

Kalung sung kipan alosoh ji;

Kei jong Jesu lhatna jal’in,

Salem thah nom’a neipui lut’in.

 

197. AW NEI CHANGLHA LOU JENIN.

 

1. Phat akidang vaihomna niloupi,

Nitin kanai jinge;

Lhepna le lungjin boina hi,

Ka dougal chu ahung naiye.

 

Aw nei changlha lou jenin,

Ka kom’a um jingin;

Zion lhanghoi kalhun kahsen,

Ka Lhandampu neipui jingin.

 

2. Ka ma a lhepna twipi ahung len,

Man ding kaging Pakai;

Chu luipia chim lhasam ho chun,

Tonsot gam lhung thei talou ding.

 

3. Noah damlaiya thil umchan tobang,

Le Sadom khoa bangin;

Ama nopsahna ngaitouvin,

Aw Pakai anungsun tauve.

 

4. Na lekhabu thenga kisun bangin,

Leiset hi aboi tai;

Ngailutna ahung dai jou tai,

Gimna le lungkham adim’e.

 

5. Leiset hesohna le lungjin na-in,

Pa mel nei musah-in;

Zion chate inop lennau,

Niloupi chu ahung naiye.

 

198. CHRISTMAS LA.

 

1. Hosanan sam jingun aw Hallelujah Amen,

Leng Christa ahung penge Bethlehem’a chun;

Atongso dam lungset thu namtin damna ahi,

Kipah-in sau hite Hosana ti-in.

 

Aw Bethlehem lhang chunga,

Tonsot kho ahung vah-e, hil kimvel’uvin;

Koi hile chu hinna vah thanom’a tahsanin,

Lunghem ka le gimna thohkit talou ding.

 

2. Akidangin aloupi-e chamna Lengpa chu,

Ngailutna alonsah-e leiset chunga hin;

Setna kon eilhatdoh theina diuva hung hita,

Lungset gam leng ahi i-Pakai Jesu.

 

3. Pa thutep ahung lhung tai, idam theinau ahi,

Ngailutna along let’e Calvary a chun;

Adanje koi ham seithei lei mihemte lah-a,

Alungsetna gam nom eilhut tauvinte.

 

4. Zion loupina Pakai mangsa eiholpau chu,

Van khopiten it jongleu nangjou dehlou ding;

Ijakai ka ijakaiya Lal pen hen, Amen,

Eingailutnau hi koiman nel theilou ding.

 

199. JERUSALEM ZION KHOPI.

 

1. Jerusalem Zion khopi chu gel tem’un,

Aw mi atam Kelngoinou;

Lal lenna ding mun umlou,

Oh lungkham le kipana Calvary,

Lhang ahung lange.

 

Oh nam jouse le chitin pao tin’in,

Van Lal nao banga aka-na Calvary;

Kidang chom louve.

 

2. Jerusalem Zion khopi chu gel tem’un,

Aw mijanel Kelngoinou Lal;

Lenna mun hoiya chu,

Aw Calvary a Pathen ngailutna,

Ngaitoa kul ahi.

 

3. Hallelujah hilthem leu hen Hallelujah,

Oh ngailutna daichom ngailou;

Kipa nopna pah hoi,

Asei them le hilthem um’in tem oh,

Angailutna hi.

 

200. CHRISTMAS LA

 

1. Themgao hon aseiyu Messiah Leng,

Caesar Leng niloupi ahung lhung tai;

Leng thah kipa um chu lem’un lem’un. (2)

 

Oh vantil vah le Kelngoi ching hon,

Miching hungjin Solam’a kon;

Chung ahsi le mithengte chun,

Kipah tah-in Leng thah pen eihil’ui.

 

2. Lal jouse Leng bangin apeng nom’e,

Bethlehem bong in lham noiya apeng;

Amin kidang leng chu lem’un lem’un. (2)

 

3. Vantilten lhahnan la ngei asauve,

“Mihemte din chamna leng hen” ti in;

Christa chamna Leng chu lem’un, lem’un. (2)

 

4. Lhatdamna dah Lal Jubilee aw chu,

Lei le van gam jousea athong soh tai;

Leng Immanuel chu lem’un, lem’un. (2)

 

201. CHRISTMAS LA

 

1. Lenlhang kum kihei ponbang thah kitjin,

Van leng chapa mihem’a apennin;

Van mipiten pah banga alem laiyun,

Set thoinan nung teng sullang le kitta.

 

2. Setlei genthei gamdai adam noiya,

Jingjin chun Mary’n gan ankong sunga;

Naobang sel’in avanchoi Manglai cha chu,

Apenna munneo bong in lham noiya.

 

3. Jingjin michingte le kelngoi ching hon,

Chamna leng hung peng lem din ahung’ui;

Bong in sunga Chun Maryn apom lai chu,

Leng thah chibai boh-in agaboh-ui.

 

4. Eihon jong chibai boh le lem la san,

Tumging selangdah le aw gin ngei thon;

Gingthei tintang thon kipa le lemna lan,

Nilhum’in jankho jong vah jengute.

 

202. ZION KHOPI

 

1. Zion khopi kajot lai hin,

Setna lem’in katou den tai;

Nang louvin leisetna hin ka kap-e Pakai,

Malaiya ka kipana Lhagao nei puiyin.

 

Mollep nung teng ka galdot le,

Ka ngaiye goldei khensate;

Kikhen louna Immanuel,

Khopi lhun ding chun einem’e.

 

2. Ka ka-na gam hi alen tai,

Leisetna hin vahvei kahi;

Immanuel thim gal alen neipui jingin,

Hi leiset le thina Jordan ka galkai man.

 

3. Leisetna hin kimna ding ni,

Mun aum poi lungjin gam bou;

Aw itih ham lungdeite to lenkhomna ding,

Tonsot lhangvum ahi gimna gam beina ding.

 

203. KA NGAI TA-VE.

 

1. Nilhum ngailou Zion khopi,

Ngaiyin kamao kakap sun nitin’in;

Pon loupi sil’in lengun lhatsa te,

Kei dia jong mun umna chu gam’a chun.

 

Ka-ngai tave, ka-ngai tave,

Amun loupi hoina jouse sangin;

Lungset Pa Lal Christa meldei um chu,

Mu kanom kalung kham banna dingin.

 

2. Ahoina sei joulou gam chu,

Thisanin ahong tai jalenna gam;

Ka lhagao chu gamnom chu hol’in lang,

Leiset gam hi chul kit tei ding ahi.

 

3. Lungdei Lhatdamte lenna mun,

Lhung thei lou kadip dam’e Lhandampu;

Nei silthengin Lhagaovin nei puiyin,

Lal nunnem gam hoi chu ka-ngai ngeiye.

 

204. AVAHCHOI CHIM POUVE.

 

1. Pathen galvon lungsette chu,

Tonsot lhang vum’a chengun;

Boina kal galmonna lhung’un,

Gimna athoh tapouve.

 

Lei le van Lal namtin dinga thi chu;

Avahchoi chim pouve;

Vahchoina dah tum’un,

Lhanpu lem lan oiyun.

 

2. Bang theilou diu tonsot geiya,

Vahchoi tang thei talou diu;

Thisan pon bang sil’in lengun,

Hinna lukhuh aneiyui.

 

3. Kei jong leiya kalen lai hin,

Calvary lhanga lengin;

Chonphatna von chamkim sil’un,

Gallen jong dou thei tange.

 

4. Kajo tengle vahchoi tange,

Tonsot lal lungset loupi;

Chonse kei dinga thipa chu,

Ken vahchoi chim talou ding.

 

205. TONSOT ZION KHO HUNGVAH LOI HEN.

 

1. Ka tahsa lungkham jeng jongle,

Van lam’a vingin ka leng jin;

Tun lhasam’in ham jeng jong leng,

Nungteng lhajal’in leng tange.

 

Hinlai ni akemman aw Pakai,

Hin nopna him him kanei poi;

Tonsot Zion kho hungvah loi hen,

Gimna jouse kipan hinle tahen.

 

2. Setna thi in thim jinga hin,

Tonsot vah lam chu kahol’in;

Kei genthei cha sagoh keo hi,

Kipana in nei suthengin.

 

3. Khopi hoi langkachah gam nom,

Lhung taleng luigal khopi chu;

Nunlui gam hin galdot inge,

Ka kana ngai kit louhel ding.

 

206. KA LENNAU LUNGJINNA GAM.

 

1. Leiset dalhau hitin,

Nunglam ngaita louvin;

Kipa che masa ten,

Luigal gamnom’a eingah-ui;

Tonsot nopna a chun.

 

Ka le lungjinna gam,

Leiset ka chenna hi;

Kilungtona Zion lhanga,

Jalen kal ka ngahlel.

 

2. Vetan Pakai kalen

Nau lungjinna gam hi,

Gamthip genthei ahi,

Thina hin gol eikhen jiuve;

Na gam lhun masangsen.

 

3. Lal Immanuel kho,

Pi nom Zion a chun;

Khenna hi um talou,

Chu-a genthei chate jouse;

Kimu to ka ngahlel.

 

207. PATHEN KHUT’IN APUIDOH-E.

 

1. Malai Egypt gam’a lunggimte,

Pathen khut’in apuidoh-e;

Ngai taponge ka gam hoi Egypt gam,

Ngailutna Leng thupeh lam jon tange.

 

Meilom vah chun nei puiyin,

Nang jui pai tauvinge;

Nagam tep Canan gam chu,

Aw neipui lhung teiyun;

Canan pah choiya len ka nom’e.

 

2. Gamthip lai ponbuh noiya kon hin,

Kapmin Zion ka galdotne;

Lung alenge gel jing jeng ding kahi,

Kei sanga ngaijo ding aum nadem?

 

3. Paran gamthip go-lai kalhung tai,

Lhasamin hin ding ka ngam poi;

Ka ngai hinthing nalimnoi nomtah chu,

Nanglou chu lunglai nem ding dang umlou.

 

4. Lhung kon ihitai ijot gam hoi,

Salem vangkho gin chu ngaiyun;

Canan lenkol vah chu a-emsel’e,

Israel lunggim louvin kipah tauvin.

 

208. LEISET CHANGTA VANLAL NAOSEN.

 

1. Pakai Jesu melma a Eden setna lem,

Nathi ni chun van khopia cheng;

Elsadai chun igel’in tem?

Nasung sunin ka vahchoi lai ka chan’e,

Ka kalai pon bang kabang thei talou.

 

Sam jingin hin galdot inge Van kho,

Mu ka nom’e chulsa pahkit ding chu;

Lily pahhoi ka ngai bang theilou ding.

 

2. Kahol hol’in kamu joupoi kapmin kajai-e,

Leiset achang tai Vanlal naosen;

Khaltwi bang ka ngai laitah chu,

Aphal pouve van inpia alen sah-ui,

Kahinlai lung hin ahethem theilou.

 

3. Aw kahinlai nang jong chenlang kalungtup gam chu,

Lhung taleng aw van Salem Zion;

Kilung tona khenlou na a,

Ahbang vaina hilei lungjinna gam hi;

Ka Pa henga sei kanom ta ngeiye.

 

209. CALVARY LHANG.

 

1. Leiya hung genthei Lal Jesu,

Lhatna na chu atong jouvin;

Van’a mun sem dingin achei,

Atahsante chenna dingin;

Van gam’in emnom chu,

I-leiset hinkho abeiya;

Apal lai ni achul tengle,

Ilennau gam ding chu ahi.

 

Calvary lhanga ivet le,

I-Pau gam semthah chu alang;

Gam ngai um chu ahi,

Lung ngaite chu gamnom’a chun;

Nui siuseuvin akiloiyun,

Aching Pau Lal Christan loiyin.

 

2. Mitmu phahlou gamnom tah chu,

Thina luigal’a um ahi;

Akul chu lhaguiyin tom’in,

Ahoiye chu seithei hilou;

I-tup joulou gam chu,

Calvary thing Cross chunga long;

Pakai Jesu thisan jal’in,

Chu gam chu eijong ichan ding.

 

3. Thina gal’a gamnom tah chu,

Jouvin mitamtah ache tai;

Leiset gim genthei dalhauvin,

Agalvon’u apailhauve;

I-Pau gam sem’a chun,

Chua chun lungdonna beita;

Thi le lungdon aum tapoi,

Kumkhoa halna khopi ahi.

 

4. Pakai Jesu tahsan dingin,

Thi chu lungdon ding hitalou;

A-Pau gam jon ding ahiuve,

Lungdonga ikinepnau chu;

Hinna twikhuh a chun,

Pakai Jesun hung puiyun tin;

Amitlhiu long chu theh-inte,

Lungset pon nem silpeh inte.

 

5. Immanuel gam sem thah chu,

Ahoiye chu seithei hilou;

Calvary lhang chunga along,

Hinna thingphung le lungset pah;

Hinna twi theng along,

Silpon bangleh in kijem’un;

Thoukit mithengten alem’un,

Thina le chonset ging talou.

 

210. AW HALLELUJAH.

 

1. Amin Calvary Sidar thing chunga,

Hinna twi theng along damhiu heuvin;

Calvary lhang Sidar lim noiya chun.

 

Aw Hallelujah, Hallelujah,

Lal nunnem thisan lonna mun ahi;

Namtin thennan along thisan lui chu.

 

2. I-Lal nunnem kipana Pakai chu,

Gougal thi nin ahin lhung lungjin gui;

Lhagao Theng hungin lang salvah-in.

 

3. Vetau, i-Lal nunnem Calvary a,

Van Saron pah chulni nei ngailou Pa;

Saron pahhoi atoi Calvary a.

 

4. I-Pakai thohna analheh jenge,

Anu genthei Mary’n ave ngam poi;

Lhagao vahhoi hungun hung panpiuvin.

 

211. VAN GAM IKINEPNAU.

 

1. Calvary lhang lungsetna,

Hiljou thei ding ahipoi;

Tonsot’a mantih neilou ding,

Vahchoi cheh ding ahiye.

 

2. Vanchung la dinga chu hiche,

Angeipen tah hita ding;

Lhandampu Jesu ang’a chun,

Hiche mai chu isah diu.

 

3. I-Pu Jesu thisan phatna,

Eihuhdoh set lah-a kon;

Satan khutna ithi sangin,

Eipuitou ding van gam’a.

 

4. Ipi ipute jouse jong,

Van chunga imukit ding;

I-Pu Jesu min tahsanse,

Ikigop diu iboncha.

 

5. Van chung gam chu iti nop tam,

Hiljou thei ding ahipoi.

Hetphah loubehte ho jong chu,

Atho kit ding van gam’a.

 

212. KIPANA LUIPANG KALHUN TENGLE.

 

1. Nitin kakom’a umjingin lang Pakai,

Kei jong Nang kom’a umchim ponge;

Ka ngai nin choldo na gam neimu sah-in,

Vahchoi nange lungjin meipi noiya hin.

 

Kipana luipang kalhun tengle,

Lunghel’a ka kikhenpi sate;

Pakai Lal mel lemsa chu vahchoiyin,

Chu-a van peogal pah banga chullou ding.

 

2. Akembai tangei i-hinlai nikho hi,

Aw Calvary hung thah kit’in lang;

Vahchoinan la sange napahhoi lemnan,

Kipah-in gam theng chu hinve kit nange.

 

3. Til’a kipanan peogal salvah jongle,

Calvary-a kho avahkit tai;

Zion gam nom’a vah ahong tai tiuvin,

Thouvun jalenna kolni a emsel tai.

 

4. Tuhin lung kitoh-in lengkhom jongleu hen,

Lunghel ni-a goldei ka ngaite;

Pakai ang’a kipa la isahkhom diu,

Kageldoh ni hin aw ka ngaita ngeiye.

 

213. JESUS I COME.

 

1. Ka sohchan genthei muthim’a,

Kei kahung’e Pakai Jesu;

Nomlenna kipana a chun,

Kei ka hung’e Jesu;

Ka natna konin nadam sah din,

Ka chonsetna konin nahenga,

Ka hunge ka Pakai.

 

2. Na Cross vanga hamphatna konin,

Ka hunge ka Pakai Jesu;

Naphat chomna nathingpel vang chun,

Ka hunge ka Pakai;

Hinlai khopihui nunna konin,

Nei chul nam ding le huhhing dingin,

Ka hunge ka Pakai.

 

3. Cholngahna neilou hoitho a konin,

Ka Pakai Jesu ka hunge;

Nangma nunnem laiya cheng dingin,

Ka Pakai ka hunge;

Na ngailut indan sunga cheng din,

Amangsa chunga thoukit dingin;

Chung gam jonin vakhu leng bangin,

Ka hunge ka Pakai.

 

4. Kichatna tah lhankhuh a konin,

Ka Pakai Jesu ka hunge;

Kipa thanopna van in a din,

Ka Pakai ka hunge;

Sei theilou manna kokhuh a hin,

Lungmonna nahong sunga dingin;

Tonsotna loupina ve dingin,

Ka hunge ka Pakai.

 

214. PAKAIYIN UMPIN.

 

1. Lung lhaisel’in Pakai kalennau lhang chunga,

Calvary hin twi kadon pite chu;

Chom louva ilennau lhang lamdang ding chu.

 

Nache na tonglam sao jongle olmo hih-in,

Galjou i-Pakaiyin pui ding nang;

Damsel chan ngai chullou chen,

Pakaiyin umpin.

 

2. O nache lai ni chu Cross chu bang jongle,

Van Lhagao Thengin pui jingin lang;

Lungdonna meipi le gallen sem hoh-in.

 

3. Leiya golngai kikhen Zion lhanghoi chunga,

Tahsanin ilengkhom’ui lung lhaisel’in;

Hinthing pah le i-Pakai lhalim noiya.

 

215. KIKHENNNA LA

 

1. Phat chomcha inei tauve,

Goldei ilenkhom nadiu;

Leiset genthei lunghelna chu,

Keiho nei hin ngailou jenin;

Tonsot gam lhun ding kinem’in.

 

Lungdei golte kipah-in chen,

Damsel’in o Mangpha;

Kigalvonin mei le thisan,

Lal Immanuel gam um danin.

 

2. Lunghel tincheng thoh khom’a,

Ngai chullou khenpi sate;

Chungto nisa hung nem’in lang,

Lhepna meipi hung jing jongle,

Alampiu Pakai salvah-in.

 

3. Zion thusim seikhom din,

Ilennau dang jeng jongle;

Hinna vah emsel mun’a chun,

Mitheng ho le vantil theng to;

Tonsotna kileng khomta ding.

 

216. KUMLUI LE KUMTHAH LA

 

1. Achul tasa kum le inunlui chu,

Gel bang kem mangjin janmol lem jita;

Toigo bang donthah a hoikit theilou,

Cham theilou ding ngaiyin kou jongleu hen.

 

2. Chung chollha le len kolni abang’e,

I-nop lai le i-ngui lai jan ho chu;

Lui gal’a bou i-to kit diu ahi,

Alem jou tai nunglam hei kit lou din.

 

3. Hinla kumthah sempa got loupi chu,

Ahung lhung tai malam ahin jonin;

Ihmu thouvun kolninou asoh tai,

Jalen nopna pahhoi eimu sah-ui.

 

4. Ka lem’ui kumlui ponbang thah kit chu,

Nop le kipa la’n jaiyin oiyung’e;

I-lennau lei chung twi bangin nem hen,

Phat lui jouvin kipa eimu sah-ui.

 

217. KIGING PHAU HITE.

 

1. Hinlai sungin kiging phaute,

Set le manna lah-a hin;

Ajou le Canan gam nom’a,

Goldeite to lengkhom taute.

 

Aw leisetna lalte chu,

Tonsot gam lhung thei lou ding;

Luigal’a hinna Lallukhuh chu,

Aw tonggim chaten khuh tauvinte.

 

2. Ka ngai ngeiye Immanuel,

Lei lungdon gam thim’a hin;

Mei lah-a Nahung kitni le,

Kalei lungdonna bei tante.

 

3. Tonggimte le pohgihte chu,

Luigal’a achol ngauve;

Olle Canan gam nom’a chun,

Goldeite to lengkhom taute.

 

4. Tonna Eden hon thenga chun,

Adam le Eve chu o;

Sei ngai louvin aum lhon’in,

Set gentheinan alha lhon tai.

 

218. ANA NGEIYE PAKAI.

 

1. Lhandampu chu akaiyun amelmate chun,

Calvary lhang’a;

Alua linglukhuh pum’in Cross kiput sah-un,

Cross chunga chun akhenbeh-ui.

 

Ana ngeiye,

Aw i-Pakai thohna chu;

Na thisan long chun,

Chonse keima eilhatdoh tai.

 

2. Nisa jong vah ngamlouvin amai asel’in,

Thimpi ajing’e;

Leiset in thohjou louvin lingpi kihot’in,

Laiya songpi akeh gam tai.

 

3. Iti kidan’a hitam ka Pakai thinin,

O an Lengpa chu;

Asemsa van le lei jong akithing soh-in,

Aw vankho jong angui jeng tai.

 

4. Lungin jong kamil thei poi, ka Pakai thina,

Calvary lhang hoi;

Mitin’in nalhatdamna amu theina din,

Na tonsot kho hungvah loi hen.

 

219. HINNA TWI ALONGE.

 

1. Ka lenna gamthip hin dalhan,

Van Jerusalem thah nom’a;

Itih le kei jong kalhung dem?

Na tonsot gam in nom’a.

 

O ka ngai kikhen louna van in nom’a,

Hinna twi alonge;

Lhatdam chaten adon’un,

Kum khoa hinna changta.

 

2. Kelngoite lenna mun loupi,

Ngaiyin nitin’in kamaove;

Aw Lhagao Theng hung lenglhan lang,

Na gam’a neipui lut’in.

 

3. Kotpi gin ngei chu ahongun,

Agin ngei chun kalung aleng;

Mitheng jouse lenna gam’a o,

Kei jong len ding kanom.

 

4. Chu mun’a chun Pakai deitah,

Amel nisa em banga em;

A-em chun kei eisalvah sel’e,

Kum khoa damna dingin.

 

220. PHAT CHESA KOU KIT THEILOU

 

1. Adam son le pah lenna lei hi,

Setna gal’in alojin kum tinin;

Aphat lai ni le avanglai ni,

Pah bang lem man louvin;

Phat’in amol lempi.

 

2. Phat chesa hung kile kitlou ding,

Pallai chulsa chu mumthah kit lou ding,

Thah-a na tohna Lhagao leiset,

Gospel thun aseiye;

Christa ngaidamna chu

 

3. Lamkai ka ngaipa chu mu dinga,

Jordan gal lam’a eipui lhung dingin;

Lhagao Thengpen nang hung lengin lang,

Lungdon mei sem hoh-in;

Christa mel muna din.

 

4. Kol’a ninou soh le jing valpa,

Leiset saron pah sangin nahoijoi;

Namel’a van ngailutna pah din,

Kaihoiyin lang mihemte;

Van khopia puilut’in.

 

5. Van khopi thah tol’a ilenteng,

Hi lei thim jinga leng um talou ding;

Hinna thinglim dam didei noiya,

Hinkho thah in lengun;

Hin twi theng adon’ui.

 

6. Hithei hen lang koukit thei hile,

Ka phat chesa chu koukit ing kate;

Akin beiya kava vei laini,

Akin bolna dinga;

Lhingkeiya peh kanom.

 

221. WHEN WE DIE.

 

1. Hallelujah Pakai, Hallelujah Amen,

Hung manginte lei kipana;

Lhepna natna ahijeh in,

Kinung hei kitlou jen’ute.

 

Hugun ka sopi ngaite,

Kinung hei kitlou jen’ute;

I-hinkhou alhin teng chule,

Leiset kidalha ding.

 

2. Hungun gol le paite, gamnom chu jon’ute,

Lei lungjin nan eibop tengle;

Leiset hinkho molloi jita,

Kinunghei kit lou jen’ute.

 

3. Lei le van’a chungnung Pathen ahi,

Lunglha louvin vahchoiyute;

Tun gentheina toh jongleu hen,

Khonung nopna, tonsot nopna.

 

4. Lungset kagolte ho, vahchoi cheh uhite,

Sim le mal’a gol le paite;

Lhangsam’ute, Hinna Thupha,

Mijouse kisan cheh dingin.

 

222. WHEN LIFE’S TEMPEST IS OVER.

 

1. Paogal gam nom le ka Pakai,

Lungset hung lang ding chu;

Galdot jing ding lhepna huipi,

Leiset thim lah-a hin.

 

Ajou le lhepna meipi le,

Thimjin abei phat le;

Kilang jeng ding angailutna,

Kipa hin twi khuh chu.

 

2. Leiset thunoh jouse dalhan,

Lungset Pakai dei um;

Lem ka ngahlel kipa chullou,

Van ngei sah kal.

 

3. Leiset thunoh lah-a Pakai,

Nalungset min loupi;

Vahchoi kim joulou Lhandampu,

Kasetnan eidal’e.

 

223. KILHAHNA LA.

 

1. Lhang adang lung ahelta ngei,

Khennan golte mol alep tai;

Ichan cheh-a lung lhaisel’in,

Pakaiyin hihen tin eitem.

 

Damsel chan o sopite ho,

Abangkhat vang molkal tante;

I-kimu kit phat tengule,

O goldeite kim taponte.

 

2. Lung khat cheh in ilengnan jong,

I-kikhennau phat alhing tai;

Na khankho le nathil bol ho,

Lha ngeitah in kei hon kamui.

 

3. Tahsan lung khat in lengleu hen,

Leng gam loupi gamthah chang din;

Zion pah i-kijep nadiu,

Tonsot khopi gam i-lo diu.

 

4. Phat chun eituhda cheh hen lang,

Leng khopi tol gal monna chu;

Calvary lungsetna jal’in,

Chitin namtinte lenkhomna.

 

224. HINNA TWIKHUH CHU AHONG TAI.

 

1. Aw ka chennau hi leiset hi,

Gamthip lunghelna mun ahi;

Chu gam’a chun ga leng tange,

Kelngoinou Jesu henga chun;

Ka chenna ding o-ka gam chu,

Ka ngaiye lungdeite lenna;

Galdot leu hen lhatdam chate,

Lenna gam nom chu.

 

Lungtup gam nom chenna ding chu,

Leiya hin genthei tajong leng;

Lhandampu chun gentheite din,

Hinna twikhuh chu ahong tai.

 

2. Ka Lhandampu nathohna chu,

Lungset jal’in mu thei hileng;

Ka ijakai Nangma nahi,

Ka lhagao dinga jong nahi;

Langkachah tollaiya leng din,

Genthei tintang kei din Nathoh;

O nami lungsetna jal’in,

Kei mi genthei din.

 

3. Aw Pakai Jesu muthei leng;

Goldeite tol laiya lenna;

Calvary lungsetna jal’in,

Chitin namtinte len khomna;

Kei jong na gentheina jal’in,

Gamthip golai dalha tange;

Aw ka Pakai nei hung puiyin,

Lungsetna gam’a.

 

4. Leiset loupina le nopna,

Ahoina jouse mang kit ding;

Lhandampu kom’a kalen ding,

Aloupi vah emsel’a chun;

Lei nopna hi ngaikit lou ding,

Angailutna hong sunga chun;

Tonsot kipa la sa tange,

Kelngoinou ang’a.

 

225. BONG IN LE CALVARY.

 

1. Eihil jou thei ding hi mi um’in tem?

Sun le janin mi tam ka nadongin;

Hil them le he chu tamtah aum,

Hi jongle seijou thei chu aum poi.

 

Van Lhagao Theng nangin, nei hung hil’in,

Apenna bong in le athina Calvary;

Lei mihem lungmol hon, Joar eilhut pa hi,

Seijou thei aum poi hinna kho lhum geiyin.

 

2. Bethlehem’a bong thing khat akeh-in,

Solam mi le Kelngoi ching lamkai chu;

Ahsi len kei jong nei hung puiyin,

Mu kanom van Lal cha ajalna chu.

 

3. Apen’in Herod gal hung hatnin,

Tha dingin Juda hon vai ahom’ui;

Ka set man sa dingin ka Pakai,

Setnin athisah un khopi pam’a.

 

4. Ami jousen vetcheh atup Lal chu,

Jerusalem nunao ho din mun’a;

Sapsetna thingpel’a akhaiyun,

Lunghem lhilong lou thei chu ahipoi.

 

226. THOUVUN KHANNOU GOLTE.

 

1. Vo Pakai Nang namtin Leng mang,

Ka gam’u salvah-in;

Khannou golten nang vahchoi lan,

I-lhang gam sung thong hen;

Ka lhang gam sungu vangboh-in,

Nangma Leng gam chalsah in;

Hatna tha nei peuvin na Leng,

Gam ka chalsah nadiu.

 

2. Agam leiset vang hin pen lang,

Amite tha hin pen;

Thouvun thouvun khannou golte,

Pakaiyin eikouvui;

Setna muthim’a lamvaite,

Chu puidoh un eitiuve;

Chutin athahat panin phong,

Jal leute Amin theng.

 

3. Malai pi le pu ten satan,

Koljon apohnau gam;

Tun vang Pakai lenggam ninou,

Emsel’in asal tai;

Katoh nauva jou peh dingin,

Hatna thah chu nei peuvin;

Agam sung le amite hi,

Nangman vang hin boh-in.

 

4. Ka chennau lhang gam le phaicham,

Satan lampi kaina;

Tun vang thah in le hen nalou,

Pinan vaihom ta hen;

Aphaicham niso em’in sal,

Alhang gam huilhi thengnunna;

Aniso hoi le huilhi theng,

Nangma a kon ahi.

 

5. Veuvin veuvin khangthah golnou,

I-lhang gam le phaicham;

Sumkon gin le selangdah gin,

Ngei tho nan alem’e;

I-lhang gam hoi thing pahkai chunga,

Pah namtuiyin abom’e;

Tun lhang gam thimjin chu,

Dingmol alep pan tai.

 

6. Anom ngeiye i-lhang gam leng,

U-te lungkhat in;

Phongjal leute Pakai mintheng,

Amuntin gamtin’a;

Katoh nauva nei kithopin,

Alhang gam thim salvah-in;

Namin theng loupi thang jing hen,

Leiset hinlai sungin.

 

227. KA NGAI NGEIYE.

 

1. Van miho khu hinveuvin lang,

I-Pakai lim lim adel’uve;

Lungdong hih-un kilut inte,

Van gam nom sunga chun. (2)

 

2. Pakai keiho kahin laisen,

Lungdon ngahna ding kanei pouve;

Ka chennau hi lhep mun ahi,

Nuina thei aum poi. (2)

 

3. Pakai vetan kalennau hi,

Lhepna meipi jingin eibom’ui;

Lhepna meipi jing lah-a hin,

Kinepna aumpoi. (2)

 

4. Ka ngai ngeiye Nagam nom chu,

Pon loupi sil’a i-lenna ding;

I-gelpet hin hung lhung hen lang,

I-lung gil sunga hin. (2)

 

228. MU KANOM’E EILHANDAMPU

 

1. Jerusalem kho keng Calvary lhanga,

Lhandampu thingpel’a akhainau mun’a;

Chua Lhagao Thengin neipui lut’in.

 

Mu kanom’e eilhandampu chu,

Akhut akeng anah-a hemma chu;

Michonse eijal’a athohna chu.

 

2. Juda milen ho le thempu lalte chun,

I-sah louvin kaiyun Zion kulsunga;

Sapset thing chunga akhen beh-un.

 

3. Hungve tem’un eilhandampu nunnem chu,

Genthei tintang thoh-in van lal Kelngoinou;

Set le dougal’in lem amel nguita.

 

4. Chung khopi daiyin mithengte ngui jouta,

Alengpau thohna vengam um talouvin;

Pan anungsun’in toni jong thimta.

 

229. KA LA NGEIPEN CHU CHRISTA.

 

1. La ngei ding dang kamujou poi,

Hiche leisetna;

Christa kei dia athina chu,

Ka la ngei pen ahi.

 

Aw ka la ngeipen chu Christa ahi,

Lhepna hui le lungdon na a;

Ka kulpi le ka kingaina nahi.

 

2. Leiset la ngei dang jouse chu,

Pah banga mol thei;

Pakai vahchoina la ngei chun,

Chultih nei talou.

 

3. Lungdonga ka-ka pet jongle,

Ka monna nahi;

Kinepna ding dang kanei poi,

Christa tilou chu.

 

4. David dingin kulpi nahi,

Lhandampu deitah;

Ken jong kulpin mang’ing kate,

Aw Pakai Jesu.

 

230. AHUNG NAI IN E.S.S. 1140

 

1. Ahung nai in (2) mitheng ho pui dingin,

Song hoi jouse, Song mantamte;

Alungsetna kon.

 

Van’a ahsi te bangin,

Alallukhuh jemhoi din;

Loupi tah a hung vah din,

Alallukhuh a din.

 

2. Alokhom ding (2) Agam’a koi dingin,

Athim jouse avah jouse;

Alungsetna din.

 

3. Chapang neo ho (2) Alhatpa lungsetna,

Chu song hoi mantam chu ahi;

Alungset na kon.

 

231. HALLELUJAH LHANDAMPU

 

1. Minunnempa chu koi ham?

Pathen cha ahungpa chu;

Chonset thisa thoukit din.

 

Hallelujah Lhandampu chu.

 

2. Ka chonsetna jouse chu,

Apo tai Cross chunga chun;

Athisanin eisop tai.

 

3. Panpi bei themmo ihiu,

Ama Pathen Kelngoinou;

Them chansah ding Ama bou.

 

4. Thi dinga adop sangun,

“Akichai tai” tin asam;

Tun miloupi achang tai.

 

5. Leng loupi chungnung thi chun,

Lhatdamsa mithengte ho;

La thah ngei hi asah diu.

 

232. THE CLEANSING BLOOD

 

1. Veuvin Pathen Kelngoinou chonset poh,

Calvary kiti lhang chunga;

Sapsetna thing chunga chun khai sangun,

Kei din Athisan lu alonglhai.

 

Lhandampu nah theng sunga chun,

Thisan le twi chu along lhai;

Ka lunga sumil ponge,

Chonset thenna lui chu.

 

2. Lungsetna twi theng chu along tai tun,

Lhandampu athina munna chun;

Sun le janin chen hiche munna chun,

Ka Lhandampu nunnem henga chun.

 

3. Hiche thisan luiya kisil jouse,

Asetnau buhbang bang ding;

Von chonset nen chu hung sop thenguvin,

‘Hungun’ tin Lhandampun aseiye.

 

4. Leiset chunga hin ken mansah ponge,

Ka Pakai ke Lhandampu thina;

O Lhagao thengtah chun nei kithopin,

Na meldei um chu nei musah-in.

 

233. LEISET KHOLJINNA

 

1. Pathen ka kholjin hi leisetna,

Kap lung lengvai tah-in;

Nang naum’e ti kahet chun,

O lungmon nan ka dim’e.

 

Kanei tai tonsot gam,

Peogal gam nom chu;

Lhiso kitlou na khopi hoi chu,

Chu gam hing chullou.

 

2. Kei migenthei tah lengvai dingin,

Kei din Christa athi;

Malai khang lamvaite bang chun,

O achon talouhel din.

 

3. Pathen hatchungnung lei le van sem,

Namit mua kilang soh;

Kimusit na ho nahoji;

Kahet in kalha among.

 

4. Mihem angailut namtin het din,

Lhagao huhhing dingin;

Gel jing’ute sopite ho,

Angailutna kemlou chu.

 

234. KEN KA NGAIYE AMA

 

1. Lei ngailutna kalunga beita hen,

Chonset jouse thisanin soptheng hen;

Cross a chun kalung kinem jingta hen,

Jesu thisanin soptheng ding buhbang bangin.

 

Ken ka ngaiye Ama,

Eina lungset jeh-in;

Lhatdamna eibol peh,

Kei din Calvary’a.

 

2. Setna kiphum gam mangsa kahi.

Hesoh tah thoh-a sohchangsa kahi;

Pakai lunghanna kitopi ngamlou,

Chonset kisoptheng ding ahi buhbang bangin.

 

3. Sohchan naa kona ong kahitai,

Amitchosa tun avah kamu tai;

Athisa Pathen’a hingkit kahi,

Kipana thu hi gamtin’a seichoi lenge.

 

235. HE AROSE.

 

1. Melmaten Pakai dei chu,

Thingpel’a khai sangun;

Pakai chun Van’a eipuitou ding.

 

Athou tai ….. Athou tai !

Lhan’a kon Athou tai;

Pakai chun van’a eipuitou ding.

 

2. Joseph in along domlhan,

Song lhan’a lup sah-un;

Pakai chun van’a eipuitou ding.

 

3. Lhai jel’in sopi Mary,

Pakai long hol dingin;

Pakai chun van’a eipuitou ding.

 

4. Van Lhatheng khat hung kumlhan,

Lhan sin song tangdoh-in;

Pakai chun van’a eipuitou ding.

 

236. NALUNGSET KUL SUNGA

 

1. O mihang alem gam tai,

Vannoi lungkhamna gam’a konin;

Canan gamnom jonin, lungdonna twipi chung,

Athasan hat jal’in mu bangin aleng tai.

 

2. O mihang akim tapoi,

Chonset gal khom banga dou dingin;

Lhagao hung leng kitnin lungkhamna gam’a hin,

Chonsetna gal alen genthei chate dingin.

 

3. O gal vai hung homkit’in,

Zion kulsunga nahom bangin;

Galvai hunghom kit’in thimgal ahung len’e,

Jona Lhagao theng chu kachunguva leng hen.

 

4. O hung kit’in o Pakai,

Nalungset kul sunga gal alen;

Na gam’a chan sung Zion hinna kulpi neite,

Jona chemjam choiyin twi bangin hung lenin.

 

237. VAHLE SOT TAPONG’E

 

1. Tahsanin gah veng’e alang’e van loupi,

Ka gentheina leiset gamthip’a konin;

Hinna twi lonna gam o lungsetna gam chu,

I-tih le kalhung dem galvon ka koina ding.

 

2. Leiset gimnaa hin vahle sot tapong’e,

Khovah ding ahitai ka kicholdo nading;

Chu ni loupi ni le van mithengte ho to,

Kelngoinou thasa chu la’n vahchoi tauvinge.

 

3. Tuhin kap jeng jong leng vagal gamnom’a chun,

Kipah-in mu tange loupisa gol ngaite;

Lhandampu ang sunga chun lengkhom tauving’e,

Kikhen kit pou vinge kapkit tapou vinge.

 

4. Kalung gentheina hi kipa hina ding chu,

I-tih le hiding ham ka Pakai hung loiyin;

Leiya lhenchomte le van mitheng jouse jong,

Mukal ka ngahlel’e peogal gamnom’a chun.

 

5. Chu gam nom’a chun ka ngai kimsoh tauvinte,

Leiset hi dalhang ting kicholdo tang kate;

Ni akem’in phat anai tai kipana ni,

Vahle sot taponge kap sot tapong kate.

 

238. KIPANA GAMNOM

 

1. Ka ngaiye Pakai Jesu nagam sem,

Jordan gal’a gamnom tah chu;

Nei puilut’in Salem gam’a.

 

O kipana gamnom lenna gam’a,

Kilungsetna Pakai khopi;

Pahcha hoitah pahna gam’a.

 

2. Meivom kal’a kipana gam nom’a,

Nei puilut in chu gam nom’a;

Khojin louna gam nom’a chun.

 

3. Mang jeng tahen leiset lunghel mun hi,

Neipui lut’in o ka Pakai;

Lunghel louna gamnom’a chun.

 

4. Chu gam khopi nom chu kalhun tengle,

Leiset gimna hi gel louvin;

Hallelujah Pakai ang’a.

 

5. O Pakai nagam sem sana khopi,

Ngaiyin kalha alengvaiye;

O Pakai neihung puidoh-in.

 

6. O Pakai Lhatheng bang lengthei hileng,

Hung leng tange Salem nom’a;

Lily pah hoi pahna gam’a.

 

239. LHANDAMPUN KEI DIN ATHOH-E.

 

1. Ngai tem’un hinna mun kasem joutai ati,

Leiset’a chon le gol nopna ho hin;

Ka lenna gam loupi hi asumil tai.

 

O vantil ho chun Laltouna adipsoh tai,

Vahchoina tintang ngei atum’un;

Aloupi nan achol douvin,

Lal nunnem’in Calvary’a Athoh in kap.

 

2. O Pathen cha Lhandampu chu gel’uvin,

Calvary le sapsetna thing chunga;

Ka chonset jal’in athoh-in ajou tai.

 

3. Van khonom holte ho chun hinveu le vang,

Lhandampu dangchah athohna chu;

Calvary hung naiyin kalung sunga hin.

 

4. O nei puiyin Lhagao Calvary lhanga,

Pakai kho gamnom hoitah a chun;

Chen lang keima hi nei vahchoiyin ati.

 

5. Pakai nagam sem’a chun neipui teiyin,

Gentheiya kalenna gam ka ngei poi;

Nagam munna gam nom’a chun leng tange.

 

240. THE PERCIOUS BLOOD.

 

1. Silung lennin tahsanin galdot’un,

Alang van gam loupi;

Leiya lengvai chate tol alennau,

Kelngoinou le hinna thingpah jonin;

Lungset te alung’ui,

Aloupina kipah-in sau hite.

 

Aw thisan lu vahchoiyin la’n sange,

Eilungsetna loupi;

Calvary a lhatna thisan,

Vahchoi la’n oiying’e.

 

2. Lunggel jingin kahin galdot jingui,

Kipana anai tai;

Lungsetna thisan jal’a kipana,

I-vang phauve Pathen cha i-hiu hi;

Christan eimin vonau;

Kipana kim chu Anatoh ahi.

 

3. Kei ding tum’a kipa loupi pen chu,

Lungset theng hi ahi;

Pathen cha le Anatoh hina jong,

Neihil jingin keima neihin til’in;

O ka Pakai deitah,

Neihin mangin Lhagao sochatna din.

 

4. Lhahna tongso gin ngei akithong’e,

Lungset kagol ngaite;

Khanlai boina ngaidam’in um taute,

Lunggel jingun Pakai lam sang jingun;

Aw sopi goldeite,

I-lennau leiset lhepna ahat’e.

 

241. PATHEN THILSEM HON THU ASEIYE.

 

1. Veuvin Pathen thilsem hon thu aseiye,

Asempau hung ding ngah-un kap’in apeng’ui;

Lei kisemthah ding ngahlel’a kap’a peng ahi,

Athahsem sohkei ding ahi.

 

Vo mihem chate,

Thim lah-a a kon hung thoudoh loiyuvin;

Vo thim’a umte, vah-a hungun,

Ven thilsem hon thu aseiye.

 

2. Veuvin Pathen thilsem hon thu aseiye,

Pathen chate hung kilah ding agaldot’ui;

Pathenin hi leiset athahsem niteng chule,

Sopi mun nanei ding hinam ?

 

3. Veuvin thilbul chengse kilong sohhel ding,

Van jong lekhajol banga leng mang sohhel ding;

Pathenin hi leiset athahsem niteng chule,

Na dinmun akicheh nadem?

 

242. ALL THE DAY LONG. Ch. Song 833.

 

1. Lhandampu nung chu juiyin,

Hi la hi kasan Amin loupi pen jing hen;

Lungset vangin eilhat,

Athisanin eilhat tai; Amin loupi pen jing hen.

 

Hallelujah tonsot Pakai,

Loupi jing hen tichu ka tonsot la chu ahi;

Eihuhhingpa, eilhandampu,

Chonset lhatnan loupipen jing hen;

Ahinna kadin aphal Eilhatdamnan athi,

Amin loupi pen jing hen.

 

2. Thim lah-a eihuhdoh in,

Eichingtup jinge Amin loupi pen jing hen;

Lungdonna le kichatna,

Aman eilhamon hen; Amin loupi pen jing hen.

 

3. Ka koma hungin eiching,

Ngin, eilhamonin; Amin loupi pen jing hen,

Jordan lui eipui galkaiyin,

Vangam eilhut’in; Amin loupi pen jing hen.

 

243. HOME SWEET HOME.

 

1. Leng le lal mun loupia vahle jongleu hen,

I-in neocha sanga nomjo mundang umlou;

Chunga valpa ahsiten eigaldot jing,

Lei chunga hin lung ngahna ding mundang umlou.

 

In nom, ka In nom,

Ka in neocha sanga nomjo;

Mun dang umlou.

 

2. Kipa thanop loupina amol loiyin,

O ka bi-in neocha chu mukit ka nom’e;

Chung leng vacha ten nom’in jai la’n oiyun,

O nei mu sah kit’in silung monna din.

 

3. In dalha phatsotpi ache mang nungin,

Kalungin gah ngaitong ka in neocha chu;

Thil hoi le loupi dang ijat tamnan jong,

Kalungin ahin nungsun’in ahin seiye.

 

244. MIHEM HINKHO CHOMCHA

 

1. Mihemte ho hinkho phat chomcha hi,

Genthei lungdon lengvai na dim jingin;

Damna leh lungmonna kibol jongleh,

Kimu deh ponte leiset dam sungin.

 

Ka ngalel’u khopi hoi le nom chu,

Na mithengte ho napuilut nading;

Sotna laiyintem o Pakai aphat?

Namel munom’in ka galdot jingui.

 

2. Leiset tahsa hatlou kaphe hou hi,

Lhanmol leh vuikhuh mun jon bou ahi;

Pakai nangma hungkah kadam sungun,

Na natong dingin nei mang teiyuvin.

 

3. Pakai na mithengte kahi vangun,

Nalung lhaina banga kimang theilou;

Mitamtah ka umjing nalaiyuve,

Nei ngaidam’un tin kahung taove.

 

4. Pakai nathilsem ho jouse jong chu,

Nachate nom’a alenna diu chu;

Naoso nat thohgim’a peng peng bangin,

Pakai hung tale chun phajo lou ham?

 

245. KHODAH-UVIN NA TONGUN.

 

1. Chang atna ding phat anai tai,

Kiging jingun nidan tinin;

Thina lhanmol nalep kah-in,

Pakaiya dingin na tongun.

 

Khodah uvin loujao ho khu veuvin,

Chang amin’in akoi gam tai;

Natong ding ahinsol na din,

Louneipu heng’a tao jingun.

 

2. Chang at phat ahung lhun tengle,

Pakaiyin chang a atkhom ding;

Aw sopi lungmong ta-hih-in,

Lhagao mang hon nakou jinge.

 

3. Loujao ho khu vetem’uvin,

Anatong ding mi aum poi;

Tuhin chen lang Pakai dingin,

Kipah tah-in natong pan tan.

 

246. AT THE BATTLE FRONT. (M.H. 158)

 

1. Pakai sepaiya pang din kahinkho kape tai,

Gal kisat sot hen lang iti hahsat jeng jongle;

Pathen galvon le Lhagao Theng chemjam pan’ing ting,

Gal kisatna mun laitah a neimu ding.

 

Ngaiyun tram, tram sepaite kijot khu,

Joy asam’uvin galte ajam tai;

Ngaiyun tram, tram sepaite kijot khu,

Hat dingin akon’uve;

Keima jong kahi sepai loupi pen,

Ka Pathenin gal munna eipanpi ding;

Keima jong kahi sepai loupi pen,

Gal kisatna mun laitah a neimu diu.

 

2. Ngailutna ponlap thengtah chu dom sanguvin lang,

Sochatna thu seileuvin michonsete henga;

Ka galteu tam hen lang ei um kimvel jeng jongle,

Gal kisatna mun laitah a neimu diu.

 

3. Vo sopi nangman jong namin nakoiyem chua,

Nadin nah em Lhandampu henga tahsan neiya;

Tun hungin lhon hite Pakai Christa nungjui din,

Gal kisatna mun laitah a nei mu diu.

 

247. PATHEN THANGVAHNA

 

1. I-gam lhang dung hi ivetle gam jong jol nam,

Christiante chamdel’a laitol ilennau;

Khong le dah thouvin kipah in lan, Jai oiyun,

Pathenin phungvuh hen Kuki hi ama Nam din.

 

Nanom peh-a Kukite thinglhang,

Theng a laitol ilennau;

Lhangtin le thingtin pahhoi le khohui ajamnoiya,

U le nao cham del’in lungkhat in lem’ute,

Aw kipah tah in lem’ute I-gamsungu khopi.

 

2. Sam’un choileu hite khong le dah tho pum’in,

I-gam’u le Khangthahte kipana din;

O kihil toute kol kimvel nam dang ho jong,

Kikhom’ute i-gam le Khangthahte vahchoinan.

 

3. I-gam nom chungnung hi Pathenin phungvuh hen,

Amin theng hi loupi jing hen vahchoina;

Hinlai damsungin lem’ute Leng Christa chu,

Khangthahten lem’ute tonsot a chultalou ding.

 

248. KILHAHNA LA

 

1. Sopi gol ho toh ilenkhom iti nop tam,

Kikhenna ding lung kigel lou o-ohe.

 

Lungsung a lungkhamna jouse,

Gol ho kikhen jeng jongleu hen;

Phat khat leng Christa ang sung o-ohe.

 

2. Sopi gol ho nom’uvin thanopna ahin,

Ikikhen ding’u ahitai o-ohe.

 

3. Insung mite sang’a kalungset kagol ho,

Golte ho lungset kem theilou o-ohe.

 

4. Nom’uvin nom’uvin khojah na dim’in,

Ikikhen dingu ahitai o-ohe.

 

5. Che ding kahitai ka sopi gol ngaite ho,

Hung’un kisalam tou hite lungset’in.

 

249. ALMOST BERSUADED. (R.S. 251)

 

1. Lunghei ding koncha, tahsan dinga,

Lunghei ding koncha, sang dia;

Khat touvin seiyinte Lhagao kiche mangtan,

Nikho phajo dang teng hinkou nange.

 

2. Lunghei ding koncha, tun hung teiyin,

Lunghei ding koncha, nungchon hih-in;

Jesu kouna aw nem vantil hon na naiyui,

Eina taopeh nau, lamvai hungin.

 

3. Lunghei ding koncha, chang amin tai,

Lunghei ding koncha, manna hung ding;

“Themcha” lolhing ngailou, themcha hi thonna bou,

Ohe ka-leh gel, “Themcha” manna.

 

250. I KNOW WHOM I HAVE BELIEVED (R.S. 617)

 

1. Ka hepoi Pa lungset kidang,

I-ding eina hetsah;

Chutia lungset dia kilom lou,

Ama din eilhat tai.

 

Hinla ka henai ka tahsan Pa,

Le eijollhapa chu thanei ahi;

Ahenga ka pehdoh chengse,

Chu nikho dia hong bit thei.

 

2. Ka hepoi hinna dia tahsan,

Hi iti eina peh;

Athu tahsanna jal’a la,

Lung sung chamnan alo.

 

3. Ka hepoi Lhatheng natoh hi,

Michonse alahlut;

Thun ahung kiphong Jesu chu,

Aman eitahsan sah.

 

251. JESUS IS THE WORLD TO ME. (R.S. 686)

 

1. Jesu hi kei dia ijakai, hinna nopna olna,

Niseh-in thahat eipe jing;

Abeiya ding joulou,

Kalunghel teng Ama kabel;

Eikipasah thei dang umlou,

Kalunghel teng eikipasah ka gol dei.

 

2. Jesu hi kei dia ijakai, setto na golpha pen,

Ama kabel phatthei chang din;

Avel vel’in eipei,

Nisa vah le go eihin pei;

Tohga pha at din eihin pei;

Nisa le go tohga at ding ka gol dei.

 

3. Jesu hi kei dia ijakai, adin kitah ing’e,

Hibang golpha iti ho’ngem;

Hibang kitah kei dia,

Ama ka juiyin kadih tai;

Sun le jan Aman eichinge,

Sun le janin ken juiyinge, ka gol dei.

 

4. Jesu hi kei dia ijakai, goldang ka ngaibe poi,

Tun ka tahsan tai lei hinkho;

Lhin teng jong tahsan ding,

Hinkho hoitah le goldei pen;

A-itih a chulkit lou ding,

Tonsot hinna tonsot nopna, ka gol dei.

 

252. I KNOW WHOM I HAVE BELIEVED (R.S. 617)

 

1. Hallelujah (3) Vannoi huhhing ding apenge,

Hallelujah (3) Khosam’un leng Christa pen thu.

 

Hallelujah Christa min chu,

Hallelujah atonsot in;

Loupi hen (3)

Vannoi gamtin’a loupi hen.

 

2 Hallelujah (3) Chitin namtin kipah-un,

Hallelujah (3) Tonsot in Jesu loupi hen.

 

3. Hallelujah (3) Pakai Christa hungkit inte,

Hallelujah (3) Van gam mihemte ding hi hen.

 

4. Hallelujah (3) Chamna Pakai Jesu min’in,

Hallelujah (3) Chamna le lungmon um jing hen.

 

253. WE ARE BUT LITTLE CHILDREN (S.S. 1139)

 

1. Chapang neocha cha kahiuve

Mun loupia peng ka um pouve;

Hinla Jesu Lhandampu hin,

Anatong din eipan piuve.

 

2. Christian chapangten nitin’a,

Dougal tamtah isat ding’u;

Setna jouse nemse dingin,

Vo Jesu keiho nei panpin.

 

3. Christian chapang’in Cross pu-a,

Hesoh le kichat ito diu;

Jesu juiyun Anatong’un,

Akom’a ilhun theina din.

 

254. THE SEED OF LIFE

 

1. I-lungsung set thim jing noiya,

Hinna muchi ki-tu chu;

Pah ding le ga ngei dinga,

Vetup dingin thupeh ahin;

Hinna Lallukhuh lo dingin.

 

Pakai Jesu Lhagao hinsol’in,

Nangma dinga pah namtui hunghi ngei theiya;

Na Lallukhuh jemhoi dingin,

Ka hinnau sutheng sel’in.

 

2. Nagam genthei le nam lengvai,

Hinna Gospel thutheng pha;

Pah ding le ga ngei dinga,

Vetup dingin thupeh ihiu;

Chonphatna Lallukhuh lo din.

 

3. Pakai Lhagaova konlou chu,

Chihna le themna lalna;

Dan pha le chonphatna dan,

Lunggil’a hung pah ding ngei chu

Setna gallen ahung soh tai.

 

4. Ngailutnan kot lentah ahong,

Van leng kin bolna dingin;

Twi vat khat le thing hal khat,

Mukham hilou tincheng ho hi;

Van gam gouva sodoh theina.

 

255. KEI CHONSET JAL’IN.

 

1. Kei chonset jal’in, Van lal cha theng chu,

Leiya ahungin;

Leiset mihemte min kijih laiyin,

Bethlehem bong in sung jalsah-un;

Kei kahin na din. (2)

 

2. Mijouse dingin Lhandampu Pakai,

Naosen’a hung peng;

Van mipiten kipa la hung sauvin,

Chungnung pen’a Pathen loupi pen hen;

Tin ahung seiyui. (2)

 

3. O Amin kidang chamna sem Pakai,

Cham leng ahung hi;

Chamna leng ta hen leiset chunga hin,

Solam miching ho jongin ahinjui;

Agam kemlou ding. (2)

 

256. PAUL KHOLJIN LA.

 

1. Mitheng pen pa Paul chu (2)

Lhagao theng ho sol’in, kholjin dingin achei;

Seleucia konin Salami alhungun,

Paphos khoa acheuvin;

Kong’in akitol’un, Pamphulia gam’a,

Perga alhungun chuin Pisidian gam’a;

Antioch a chun chua konin Iconium le,

Lystra kho le Derba khoa, Akile kit tai.

 

2. Mitheng pen pa Paul chu (2)

Kholjin ni nan che kit’in;

Phurgia gam le Galatia gam chonsoh in,

Musia gam chonsoh in, Troa khoa ageh-un;

Kong in akitol’un, Samothrake, Neapoli,

Phillipi a chun; Amphipolis le Apolonia apal’un;

Thessaonicaa chun aw Beros ache tauve,

Achai-a gam chu alhungun, Athens khopia chun;

Corinth le Cenchreae chun kongin acheuve,

Ephesus a chun kongin ache kit’uvin;

Caesarea kho alhung tai, chua konin,

Akho nom’u alhung tai, Antioch khopi.

 

3. Mitheng pen Paul chu thumvei kholjin achei,

Chuin ajin nina gam chu chonsoh kit’in;

Akho chom chom’a ache kit’un,

Asso khoa kon Mitulene twikom lhungun;

Kea lhalka chu akhol’ui,

Samo twikol ahungun, Miletea acheuve;

Kos twikol le Rodo twikol akhel’un,

Patara kho alhungun, kongin che jingun;

Kupra twikol akhelun, Suria gam jonin,

Tur khoa chun acham pauvin, kongin che kit un;

Ptolemai kho alhungun Ceasarea che ahiuve,

Hin Jerusalem’a chun aman tauve.

 

4 O apuiyun (2) Caesarea’a chun,

Brosap Felika anga, Brosap Festa anga chun;

Leng Agripa anga chun, O apuiyun,

Mitheng chu thutanna anga ding din;

Kongin ache kit’un, Sidon kho alhung tai,

Chua konin Cyprus twikol pam;

Huinun louna chun che jingun Lucia gam’a,

Myra kho chu alhungun, olchan acheuve;

Crete twikol pam Lases khopi alhungun,

Ache jinge ngaiyun Shlang hui Euraculor;

Ahin noi chim tai, akong’u ase gam tai;

Melita twikol chu damheu chan alhungun,

Alexidria kong in ache kit’un;

Syracus alhungun, Rhegium alhungun,

Puteuli alhungun Roman khopi alhung tai;

Pakai min chu gel jingin alu atan’ui,

O mitheng pen Paul chu.

 

257. KIPANA CHRISTMAS LA.

 

1. Lungset them chungnung Pathen loupi hen,

Kum lhunga einahoi dam jal’un;

Tun Christa Leng loupi pen imu tauve,

Asempa pen nia kipah lou ding koi ham?

 

Kipah-in lem’ute,

Chungnung pen Chapa Christa chu;

Aniseh in lem jingu hite,

Tonsot in loupi jing hen.

 

2. Tunin chitin namtin kipah inte,

Alungset na jal’in;

Kum sunga ahinkho lhing chu avangpha,

Tua damsel’a umsen Pa vahchoiyute.

 

3. Kum sunga itohnau ga kimuta,

Hichu Pathen lungset jal ahi;

Hijeh chun nanei jousen lem’un Christa,

Nalung, nanei, na aw thon hung lem’uvin.

 

4. Vo chungnung pen milungset them Pathen,

Houbung tin phatthei nan malsom’in;

Tua kipana jinga pahbang molkit thei,

Van gam’a kipanan kemtih nei talou.

 

258. KUM ASOT UM NGAILOU.

 

1. Chung van gam’a ka in gotsa um,

Ana ngaito din Pakai cheta;

Lhatdamna gam nom’a chun,

Lhatdam sa lungset te toh;

Loikhom’a vahchoi la sa jing dingin.

 

Kum asot um ngailou,

Kipana gam’a chun;

Gim genthei um talou,

Chu mun’a chu khatvei ichen ding.

 

2. Kei dingin Lhandampu hung thita,

Ka lhagao huhdohna ding jeh-in;

Set dimna leisetna hin,

Keiya kon’a peldoh ding;

Van gam nom hoitah a cheng jing dingin.

 

3. Phat tampi che jing ding o Pakai,

Keima nei vop jinge ti kahei;

Mang louhel’in Pakaiyin,

Ichenkhom nadiu lim’a;

Vetnom, vetda umlou chamna lengta.

 

4. Chung gam nom sana khopia chun,

Lhilon hesoh genthei um talou;

Kipana la sa jing ding,

Chol le nan beisoh ta ding,

Nunnom jing ding chu gam in nom’a chun.

 

259. PHAT AKEM’E LEISETNA HIN.

 

1. Phat akem’e leisetna hin,

Kipah in lem’ute kipa ni akem’e;

Phat kiheiyin nang ngah lou ding,

Hinlai dam sungin Pakai vahchoiyin;

Leiset golnop hi ima hilou,

Lem’u hite Leng Christa,

Hinlai dam sungin.

 

2. Leiset molsang ngui chunga hin,

Genthei nan eibom’e, goldei kikhenna mun;

Nikhat kipan nomlen jong leng,

Ken jom joulou O ka chenna mun;

Ka pallai ni kem theilou hile,

Golto lengkhom’a Pakai,

Ken vahchoi jing ding.

 

3. Kipah-ute phat kem sungin,

Lei kipa thanopna pah bangin amolji;

I-kikhen teng lunghel umjin,

Kou kit theilou hinkho chomcha hi;

Kagal dot-e van khonom tolsung,

Kikhen lunghel um talou ding,

Mithengte laiya.

 

260. JESUS BLESSED JESUS

 

1. Mikhat aum’e eimonsah thei ding,

Jesu lungset Jesu;

Galte lah-a jong eilhatdoh theiya,

Jesu lungset Jesu;

Malaiyin eiho umna a,

Ahungin gim le da thoh-in;

Koiham Ama banga chon theng,

Eilungset Jesu sanga?

}2

}2

}2

}2

 

2. Lha lengvaite ka-na angai jinge,

Jesu lungset Jesu;

Damloute damsah in olna apei,

Jesu lungset Jesu;

Goldeiten eidalhah tengle,

Mitlhi longa ka um pet le,

Koi ham eilhem dam thei dinga?

Eilungset Jesu tilou.

 

3. Thimjin jong le Aman eilha lou,

Jesu lungset Jesu;

Aban thahat in eikai jing nauve,

Jesu lungset Jesu;

Gam thipma ilut teng jongle,

Vouphe leova idin tengle;

Banjal’a eina lamto ding,

Eilungset pa Jesu bou.

 

4. Iti nop tantem Amai imu teng,

Jesu lungset Jesu;

Alungsetna la sa jing tau hite,

Jesu vahchoina la;

Luipanga in vah nom laiya,

Goldei kikhen pisa ho to;

Ama vahchoi jing tau hite,

Eilungset chungnung Jesu.

 

261. GOSPEL KHOLJIN.

 

1. Vo Gospel kholjin hoilam’a che ding nahim?

Nangma ngaiya dangchah sang tamtah aum tai;

Mu jinga mulou le ja jinga jalou hon,

Nathil bol thei lhatdamna ngah jingui.

 

Mol le lhang sang jongle che ding kahi,

Pakai thupeh juilou thei kahipoi;

Angailutnan eisol kacham louvin,

Pakai natoh kakin ahi.

 

2. Setna soh-in mi sangja thimnoiya aum,

Calvary sochatna niso lam helouvin;

Gotmunna che din lhem lungmongin Satan in,

Ache jingui aw Gospel kou loiyin.

 

3. Gospel kouna sang nomlou jousete ho chu,

Ka le hagelna thoh unte tonsot geiyin;

Chu-a kisih jongleu ngaidam chang talou ding,

Achung uva tonsot themmo chuta.

 

4. Aw sopite Gospel kouna sang loiyute,

Gospel lahtou ni ding Rapture ni anai tai;

Tahsan chate jouse chu-gam’a lengunte,

Choldouvinte Hallelujah tiuvin.

 

262. GAM LA-CHOINA. (R.S. 311)

 

1. Ka lenna gam leiset hi,

Tolthing na noulai bangin;

Nou jing hen bolna tolsung,

Lenna gam tolthing sahei.

 

Ka lenna gam leiset hi,

Chung Pathen vangpeh chang hen;

K.C.C. khangthahte din,

Pa vahchoina hijing hen.

 

2. Ka penna lhanghoi gam hi,

Nunnom’in kithang jing hen;

Tolthing ngui Saron pah-in,

Chullouvin chansoh jing hen.

 

3. Gol to ka lenna gam hi,

K.C.C. lenkhong ginna;

Hi jing hen atonsot in,

Christa vahchoina hi hen.

 

4. Mol lah-a mol hoi chungnung,

Lhang lah-a lhang hoi chungnung;

Pakai vahchoina aw gin,

Thong jing hen nagam sunga.

 

263. JERUSALEM THAH A CHUN.

 

1. Lungjinna ni lhomcha nung teng,

Thohna chom chakhat jou tengle;

Loupi in in jon tau hite,

Jerusalem thah a chun.

 

Ngailut ngailutna lungsetna (3)

Jerusalem thah a chun;

O Jordan kaina lampi (3)

Jerusalem thah a chun.

 

2. Kipa man chang ding che ho toh,

Aleng gam chang ding miho hi;

Nopna le gol khenlou na mun,

Jerusalem thah a chun.

 

3. La ka sah le ka lha among,

Pakaiyin eilhat chu monpin;

Kalung thim lhan aleng galkai,

Jerusalem thah a chun.

 

4. Mitheng ho chu ponbang sil’in,

Leng ang’a selangdah tum toh;

O chu gam’a len ka nom’e,

Jerusalem thah a chun.

 

264. KHANGUN THOUVUN.

 

1. Christa dinga hing kahitai kadam sungin,

Van leng Pakai palai kahi moh um ponge;

Thu kidang tah chamna thupha hom ding kahi,

Hesoh ingting genthei jongleng cholnga ponge.

 

Ka hechen tai ka mopohna ka hechen tai,

Pakaiyin einganse na thil ho jouse chu;

Het them lou ho eingaidam in aw ka Pakai,

Tongjing tange Pakai hatna songin.

 

2. Aw ka Pakai thimnoiya tou misang tampi,

Nang lha ngaiya natwi don nom lhagao dangchah;

Hinpui doh-in na natong ding mi alhom’e,

Huhhing in lang ngaidam in aw Calvarya.

 

3. Aw Lhandampu natoh bangkhai nadalhah ho,

Tongjom peh dia neisol ahi neipanpin lang;

Natohna le genthei naho kageldoh le,

Nathingpel pun sei choilenge vannoiya hin.

 

4. Kadam laini twimei banga phat chomcha hi,

Boina twipi kinong banga lhepna lah-a;

Dou jou dingin thahat neipen Lhagao theng chun,

Neikai hoiyin hatlou kahi o Lhandampu.

 

265. GOL LHAHNA LA.

 

1. Christa min’a kangai chullou,

Lungset um ngei napal lai hi;

Pakai Christa gon bangin,

Ache tai tunin nakhang hoi.

 

Lampi thudih le hinna,

Jot in Pakai lungsetna noiya;

Damsel chan che tan o goldei.

 

2. Khangkhat pallai ache vangin,

Pakai gonpeh khang kit tenga;

Vangphatna tin na chunga,

Umjing hen o Christa min’in.

 

3. Ngailut thilpeh kanei joupoi,

Ngaidam aw nem ka thum’uve;

Nagun le Christa jal’in,

Sumil lou jen’in nagolte.

 

266. WELCOME LA. (III Alex 105)

 

1. Pathen vangbohna jal’in tuni hin,

Lamto dingin ka hunguve;

Chol le nanga hung kalsong u le nao,

Banjet in ka sanguve.

 

Ka sanguve, ka lemuve,

Christa min’a hunga sopite nabon chauvin.

 

2. Mol le lhangin eikhan jeng jongu le,

Pa malsomnan eikan khom’ui;

I kimuto kit tauve tuni hin,

Nalung kipa sah cheh-un.

 

3. Mantih ni neilou hihen Welcome hi,

Akipatna joh bou hi hen;

Sim le mal’a Christa Houbung mite,

Pathenin ei umpiu hen.

 

4. Christa min’a hung kalsong sopite,

Kinem’in ka ngah jinguve;

I-toh khomnau jouse aboncha hin,

Christa min’in hijing hen.

 

267. NAGAM NOM KA NGAIYE.

 

1. Hileiset gentheina gam’a hin,

Nopna gam le ngaite lenna;

Ka ngai ngeiye o ka Pakai,

Nopna umlou leiya.

 

Na gam nom ka ngaiye,

Na lungset kinem’in;

Set le gimna gam;a,

Ka mong jou poi Pakai.

 

2. Hinna Lal thengpen Pakai Christa,

Nei lhamon’in nathisan chun;

Na thutep lhin ding ka ngah-e,

Sochatna hin kemlou.

 

3. Thina gal’a gamnom ka ngai chu,

Pakai sem gamnom chu ahi;

Hinna thingphung lim noiya chu,

Nisa vah jong ngailou.

 

4. Chitin namtin Pakai leng ho Leng,

Chamna le lung olna gam’a;

Nei lhut-in Salem thah nom’a,

Mithengte lenna a.

 

268. AW KA VAHCHOIYE PAKAI.

 

1. Lhang kumkho akihei tai,

Phai tidam hung lengin, gol hin puiyin.

 

Aw ka vahchoiye Pakai,

Aw na lemnan la kasai;

Lungset in tha nei peuvin,

Gen thei cha kahi.

 

2. Thing le louna apul tai,

Lungset’in tha neipen sollang nei khun.

 

3. Thi le lungdon beina gam,

Thisan a lhatsa te nei holnau gam.

 

4. Chu thisan jal chun Pakai,

Nei puilut in chung van mun lalna gam.

 

269. HEROD LENGPA.

 

1. Herod lengpa chule,

Amite jouse Jerusalem khopia;

Lungdonna meipin abom Leng apen chun,

Christa hoiya peng ham?

 

2. Juda gam Bethlehem,

I-sahlou hel’un aneopen jong hilou,

Ka mite ching ding khat peng ding ahi,

Tin themgaovin asei.

 

270. MITLHI LONGA KIKHENNA.

 

1. Mitlhi longa kikhenna umlou ding ol olle,

Chung Pathen gamnom ilhun tengule ol olle;

Vangil chung lam peh-a khun,

Haltah-in leng tau hite;

Chung Pathen vangkhoa chu Jesu to ol olle.

 

2. Kelngoinou thengtah chu ga kimunte ol olle,

Goldei kikhenpi sate ho kom’a ol olle;

Ama kivahchoi tante chu-a mitlhi hultante,

Lungdon lungjin mel kimu talou ding olle.

 

3. Goldei kikhen kitna um talou ding ol olle,

Leiya lungdonna bang hi umlou ding ol olle;

Molhoi pah pahna munna tonsotna ilen tengle,

Mitlhi lonna genthei umlou ding chutengle.

 

4. Mitlhi longa kikhenpisa goldeite chuto,

Thina mun gal’a gam hoi tah le nomtah a chu;

Kumsot’a kikhen kit louna a chengkhom tau hite,

Van gam nom’a chun kitha-ol taute tonsot’in.

 

5. Hiche leiset hi lungdonna le kana ahi,

Lenkhom’a mitlhi lonna le lelna mun ahi;

Lhagao khopi sunga chun nop le kipan lengtaute,

Van gam nom’a chun kitha-ol taute tonsot in.

 

6. O kalungdei kagolte, molpang lep tauvinte,

Ve jing ing ting kagolte mol alepkah seuvin;

Christan eiching jingu hen, ikimu kitkah seuvin,

Damsel’in aw chung Pathen malsom’in chetauvin.

 

271. ALUNGDONNA MUN HOL’UTE.

 

1. Alungdonna mun hol’ute,

Pakai athohna chu;

Gethsemani hon sunga chun,

A-ul thisan along.

 

Simon lungtohna chemjam chu,

Nadou jou lou ding ham?

Eilhandampu chu akaiyun,

Thempu Lal in sunga.

 

2. Linglukhuh le ponsan apei,

Tengin chibai boh-in;

Koi ham navo hinsei doh-in,

Tin ana donguve.

 

3. Eilhandampu ana lheh-e,

Kei dia nathoh na chu;

Michonse ten akhuh ngai poi,

Alallukhuh bang chu.

 

4. Chua mipi akikhom’e,

Pakai taitomte ho;

Lungdon lengvai naten abom,

Thingpel’a dom sangun.

 

272. HALNA LA

 

1. Lungdon olmo bol hih-uvin,

Keiman ka lhenchomte;

Kaina kong chu ahung lenge,

Mihem jouse um ding.

 

2. Van’a chenna in nom ahi,

Chua um ding ngaiton;

Valpa banga emjing dingin,

Nalungin gel jingun.

 

3. Lungthim thempa chondan hepa,

Chua um ding ahi;

Van gam loupi hin musah-in,

A ol molso dingin.

 

4. Veuvin ka lhanchomte veuvin,

Van lallukhuh hoi chu;

Koi san ding jong aum chom poi,

Nangho san ding ahi.

 

5. Keima mun theng hea tahsan,

Loute ka van gam’a;

Gam loupi chu hin heuvin tin,

Alunga cheng det ding.

 

6. Van gam loupi chenna ding chu,

Gotsa le lhensa um;

Jordan pang chu hin jot’un tin,

Jerusalem inna.

 

7. Jerusalem innom’a chun,

Pansa tauvin nate;

Van kulpi chu vel’un natin,

Sumkon mut un nate.

 

8. Lungdon hesoh nalunguva,

Chensah hih-un nanghon;

Hat le lungthim chu ngaitouvin,

Nitinin gel jingun.

 

9. Imajouse Lhandampu chun,

Ajou soh tai tun vang;

Bol’un bol’un aloupi chu,

Mun nomtah hisah-un.

 

273. JOSEPH LA.

 

1. Ka-pa toh kimu to hileng,

Ka lengvaina seisoh dinga;

Tunla kimu kitta pong ting,

Hoilam’a umkhen na hitam.

 

Lungset neilou tobanga ka-pan,

Ibol’a neisol hitam?

 

2. Ka-ute le ka-naote ho,

Ibol’a nei eng bol’u ham?

Kokhuh-a nei lelut phat un,

Athisa to kabang jeng tai.

 

3. Ishmael ho henga nei joh-un,

Mi soh-a che ding ka hitai;

Potiphar soh ka hijeh-in,

Tukal’in kimu tapoute.

 

4. Potiphar jinu phalou chun,

Numei jon lung aput jeh-in;

Jonpi dingin eina kaiyin,

Ka Pakaiyin eihuhdoh-in.

 

5. Pharaoh lengpa a ihmut nin,

Kidang tah-in mang aneiyin;

Ahungkhah phat in amang chu,

Abonchan ahaimil soh tai.

 

6. Songkul’a kon eikou doh-un,

Amang kidang le-peh ding chun;

Ka Pakaiyin eikithopin,

Amang chu ka-ledoh peh tai.

 

274. KALUNG DEIPEN KA KIPANA.

 

1. Kalung deipen ka kipana,

Ahung peng hoisel’in;

Deichom tah-a kavet chimlou,

Kap in kikhen kitta.

 

2. Mihem semthu hilou beh-in,

Ahung peng hoisel’in;

Hileiset pap lah-a um din,

Jesun aphal tapoi.

 

3. Ipi dinga ilungset dem,

Apa kom lhung ding chu;

Van chung gam nom’a leng dingin,

Ipun apui tou tai.

 

4. Tuhin kap in kikhen jongle,

Kipa kamu kit ding;

Van chung gamnom gim le genthei,

Lungdon beina gam’a.

 

275. PAKAI JESU PEN LA

 

1. Nilhah khat Bethlehem’a,

Kelngoi ching gam geh hon;

Ihmu louva touva ahoulim petuvin.

 

2. Khangkim in van’a konin,

Vantil khat ahung kumlhan;

Nisah vah sanga vahjon akimvel salvah-in.

 

3. Kicha hih-un kelngoi ching ho,

Na kelngoiyu dalhauvin;

Cheleu chun bong an konga gamuvin nate.

 

4. Kicha hih-un kelngoi ching ho,

Keiman mijouse din;

Hinna thupha sei dinga hung kahi ati.

 

5. Chujouvin Vantil chu,

Vantil dang sang japi chuto;

Pathen vahchoi la asan van’a akal tauve.

 

6. Jesu vannoi leisetna,

Naosen’a ahung pen thu;

Matthew le Luke lekha simleu chun hennate.

 

7. Jesu setna nei louvin,

Mihem’a apen jeh-in;

Michonse kei jal’in genthei thoh-in athi.

 

8. Ollha ni somni le ngam nin,

Jingkah in ka thouvin;

IMMANUEL la kasauve.

 

9. Chule chapang jouse tunia,

Pakai golnop ni hin;

Hitin Jesu alunguva lut din ataovui.

 

276. ILENNAU HILEISET HI.

 

1. Ilennau hileiset hi,

Lungjinna le kana bou;

Pah bang pah-in amolji,

O Salem thah hung naiyin.

 

Lungjin lungdonna gal’a,

Kipana gam nom’a chun;

O i-tih le ilhung dem,

Lhandampu mun semna chu.

 

2. Chonsetna lhepna meipi,

Ajing jinge o Pakai;

Nalungset loupi tah chun,

Nei lhamon mihem lah-a.

 

3. Ka ngaiye Pakai nagam,

Lei lungdon gam munna hin;

Olna umlou leisetna,

Nagam ngaiyin kakap jing.

 

4. Lei pah hoina pul loiyin,

I-hin nikhou akem jing;

Ajoule chugam lhun teng,

Kipan pah chul lou ding.

 

277. KILHAHNA LA.

 

1. Phat hi akem jing leisetna hin,

Kipani akem mangloiyin;

Goldei cheng kikhenna ni alhungjin,

Lunglen puldou anai leisetna.

 

Damsel cheh-un u-le naote,

Banjal jetnin kalhauve golte;

O Pakai Jesun eiching jingu hen,

Goldei ikimu kit kahseuvin.

 

2. Ikikhenna din kolni asoh,

Kap in lonlhi sosah jongleu hen;

Kikhen lou thei chu ihipouve gol,

Ilennau mun hi adanjeh in.

 

3. Lhandampun eiching jing jengu hen,

I-lennau mol le lhang dang jongle;

Alungsetnan eikankhom jingu hen,

Khat cheng chengin eiching jingu hen.

 

4. I-hinlai nikho hi akem jing,

Goldei ikikhenpi ho jong chu;

Ahinkho alhingin mol lep jita,

I-kimu kit teng golcheng kimlou.

 

5. Hileiset hi kikhenna bou hin,

Salem gamnom ilhun tengu le;

Lunghel’a kikhenna umtalou ding,

Chu-a kimu gingchan ka lhauve.

 

278. BIBLE THUDIH AHI.

 

1. Bible thudih ahi, (2)

*Lungsetna kot kihon sung hin;

Hung lut in gam thenga. (3) D.C.

 

2. Dan sese mi sugampa thu kipe ahi,

*Ahung lhung tai lhenchomte lah;

Genthei lhiso ka-na. (3) D.C.

 

3. Phat nitin’in akem,

Hinkho jong nitin kem;

*Christa to nom’a lenna din,

Ka hinkho lhing loi hen. (3) D.C.

 

279. GAM NGAI UM LE KHOTHENG NOM.

 

1. Gam ngai um le khotheng nomtah chu,

Aw lhagao lungdong chu gam hol’in;

Chu mun’a chun hinna thing le Pakai,

Van mithengte chun nalem’un.

 

Aw chugam em nom’a ilen diu,

Lhandampu le van mithengte lenna gam’a;

Hinna lungmonna twi don’u hite,

Gam ngai um chu ilhun diu.

 

2. Khopi hoi le Lhandampu mel chu,

Vahchoina selangdah gin ngei tum’un;

Akipanau pah namtuiyin pah-in,

Lei lungdonna gam ngai louvin.

 

3. Lhandampu le mithengte lenna,

Gam ngai um le goldeite kimna gam;

Selung lengin kagaldot nitin’in,

Aw ka ngai gol laiya len ding.

 

280. VEUVIN LHANDAMPU PAKAI CHU.

 

1. Veuvin Lhandampu Pakai chu,

Gimna thing chung chu angah-e;

Kei jong Lhandampu neipuiyin,

Ka lenna gam genthei umna.

 

Lhepna gam tin’a umte chun,

Aw Pakai ka vahchoi joupoi;

Vantil thengte tahsan bangtah,

Ka gel ni hin hung lhung tahen.

 

2. Ve tem’un hinna ding lam chu,

Jot ahahsat sahlou koi ham?

Pakai van Lhagao puilou chun,

Koiyin ajot lhung thei ding ham?

 

3. Itih tah le kamu tadem?

Ka ngahlel lei gentheina kon;

Nom’a kalen ding kinem’in,

Aw eilungsetnau gamtep chu.

 

281. AW NOPPI NI.

 

1. Vannoiya hatna kapu Jesu Christa,

Van’a Lalmun hin dalhan gim le da thoh din;

Gim ding ahet jeng vangin,

Hilam chu gel louvin kapa Jesu Christan.

 

Aw noppi nin (3)

Ka-Pu ahunge.

 

2. Vaicha nungah laigil’a pengin Jesu,

Mihem bangin naosen voudam ahinloi;

Bethlehem kholai sunga,

Hi-a chun ka-Pu soh in mihem lim aloi.

 

3. Pathenin Acha ahinsol ave jinge,

Chonchan lhitnan pap miho sochatna din;

Lhagao Theng manna lungthim.

Leiya chengin bol’in eivetsah leuve.

 

4. Kum thum porsal bol’in eijahsah leuve,

Chu-in thingpel’a thin mitlhi soh-in Lhanpu;

Buikhuh a nithum lum’in,

Alaltouna toukit din Van gam ajon tai.

 

282. ZION LHANG HOI.

 

1. Ngaiyuvin van sumkon gin khu,

Kiginguvin ati,

Zion lhang hoi (le em chunga) – (3)

Lamkaite khu veuvin,

Avon emhoitah chu veuvin;

Athalpiu to dingun,

Pakai din sepai akhom’ui,

Canan gam jon dingin.

 

2. Keijong kalung eisuhal’in,

Sepaiyin pang tange;

Tua pat galvon (kivon tange) – (3)

Pakai ding galsat din;

Aloi din midoi adeilou,

Adoinau lang ding bep;

Mihang tahbehte bou adei,

Thi gin ngailoute chu.

 

3. Sepai lamtol’a dingte chun,

Gal hat mel apu’ve;

Abon’un von (kim’in neiyun) – (3)

Galsat hat mel pu’vin;

Athemgao hatpau nungjuiyun,

Kelngoinou loupi chu;

Ama thisanin kivon’un,

Amin Jesu ahi.

 

4. Sumkon in sepai akhom’ui,

Damun sepai jong um;

Pakai galvon (akidange) – (3)

Immanuel loupi chu;

Michonseten Jesu ajui,

Tonsot Pathen Chapa;

Hichun Canan gam ka lhungun,

Twipi nong gal geiyin.

 

283. PAKAI CROSS KA NGAISANG PEN.

 

1. Pakai cross chu ka ngai sangpen,

Leiset sem hi ka ngai nem’e;

Hichun o chitin jouse chu,

Chua kipana kim tante.

 

O ka ngaiye vahchoi jing ing’e,

Ka Pakai Cross chu ka hinna pen;

Gentheite chu nangma jeh-in,

Van khopi nom chu lhung thei tante.

 

2. Leiset hoina le loupina,

Ka van lhepna in einaiye;

Tonsotna ka lhagao din,

Kipana ka mujou tapoi.

 

3. Gitlou hui le van kah-a hin,

Kagal ma a kadin kom le;

Ka kulpi le eilhandampu,

Nei puilutnin Salem nom’a.

 

4. Twiso get le leisetna hin,

Van Kelngoinou loupina chu;

Vahchoiyin tonsot in Ama,

Hallelujah tin pahchaute.

 

284. VAHCHOIYUTE PAKAI LALMANG

 

1. Vahchoiyute Pakai Lalmang leng chungnung,

Alungsetnan eihin hoiyun;

Thi-na le natna konin eihuhhing’ui,

Damsel’in ikimu to kit cheh tauve.

 

O vahchoiyute eihuhhingpau chu,

Sim le mal sah le lhang’a chehchau sa;

Lem louvin ikimu kit-un Pakai min’in,

Alemnan aw ging hen Hallelujah.

 

2. Chamna Lengpa Pakai golnop len beita,

Kipa nopna jouse beita;

Tichun eiho jong gamtin’a chehchauvin,

Mol le lhangdam phaiyin eina khang’uve.

 

3. Kahung lamtouve hiche Welcome phunga,

Ka banjet in ka sanguve;

Christa chamna le lung olna chang cheh-un,

Nopni loupi ni hihen Christa min’in.

 

4. Kipa nopna halna thah-in leng kit-in,

Lung le lhagao nguisa jong hi;

I-chennau thinglhang le i-pheu gongsa jong,

Leng Christa lem dingin noukit hen tunin.

 

285. PAKAI HUNG DING

 

1. Ahung tai Leng loupi chungnung,

Ama bang umlou leisetna;

Chamna le Leng loupi chungnung,

Lem’un (2) Hosana Leng chungnung.

 

Lem’un Leng loupi chungnung,

Lem’un Hallelujah;

Chamna le Leng loupi chungnung,

Lem’un (2) Hossana Leng chungnung.

 

2. Lei le van min Hossana tin,

Sam’un ni loupi nia din;

Niloupi ni hin vahsah-in,

Lem’un (2) Hossana Leng chungnung.

 

3. Ahung tai Leng loupi chungnung,

Ama pakai ho Pakai chu;

Lei mihemte lhatdohna din,

Lem’un (2) Hossana Leng chungnung.

 

286. HIN TOHDOH-UN.

 

1. Chungnung’a Pathen aloupi,

Kum lhung keiyin eina chingun;

Ama mi lungsetna jal’in,

I-tohgau cheh imu tauve.

 

Hin tohdoh-un, (2)

Nanei jouseu hin tohdoh-un;

Pakai Jesu vahchoi khomna din Amen.

 

2. Christa Leng penni loupi ni,

Kipapin chapangte kei hon;

Tunin nakotpi phung’a hin,

Ka hunguve nanei ngeh-in.

 

3. Pakai min’a nahin to-doh,

Paini jengcha hijeng jongle;

Chapangte lung lhaina jal’in,

Van’a nasan ding um’inte.

 

287. HUNGUN PAKAI VAHCHOIYUTE.

 

1. Kumlui mangta ni le lha kum kiheita,

Tujing kumthah ni emsel sohta;

Jalna konin hung thoudoh-un lhaisel’in,

Kipa-in lem’ute ninou emsel to.

 

Hungun hungun Pakai vahchoiyute,

Alungsetna sumil ding koi ham?

Kum lhunga damsel’a eichingpau ahi,

Tonsot tonsot in Amin loupi jing hen.

 

2. Hinkho lhing’a che masa i-ngaiteu chu,

Tuhin van gam nom’a alengui;

I-ding chu ho pul idou diu ham leiya,

Kum lhunga eichingpau Pathen vahchoiyun.

 

3. Kipana thu le tohga keng’in hungun,

Tuhin Pa ahunge vanghom din;

Lhandampun nachonna thuphon angainom,

Kum lhunga mona phongin lang set bang tan.

 

4. Ningkum lhaute tukum lemnan la saute,

Nabon’un na inkon hung lhauvin;

Nung le Pa vangpeh cha’n jouse kisih ding,

Lhaisel’in lem’ute Pa le Lhandampu.

 

288. VAN CHUNG SANG KON PAKAI JESU.

 

1. Vanchung sang kon Pakai Jesu,

Lungdong gentheite kipana;

Leiset lung genthei chai soh-in,

Kei din Christa Nahung vah tai.

 

Akidange ! ….. Akidange!

Na ngailutna akidange;

Kei dia nathohna Calvary,

Ka seithei poi Pakai Jesu.

 

2. Nang kasei chim thei poi Pakai,

Nang ka ngaichim theipoi Pakai;

Kalung muthim hin vahsah-in,

Ngailut vadung nei musah-in.

 

3. Hesoh genthei twipi nong lai,

Kapal ngampoi O Lhandampu;

Hinla ngailut na lim hoi chu,

Kei din Christa Nahungvah tai.

 

4. Elbai hon lam ajot tauve,

Phah ho suhthengin aum’in;

Pengsol hon penthahna neiyun,

Athi kaithouvin aum tai.

Na ngailutna pah kalem ding,

Kalha hatmo hatsah dingin;

Leiset boina kinong sung hin,

Lhagaovin neipui le jingin.

 

289. KA TAONA NGAIYIN LANG.

 

1. Ka chenna gam gamthip ahi Pakai,

Lhepna meipi le lungdonnan;

Alejin Lhandampu mel dei um,

Pakai Nakom’a umjing kanom.

 

Ka taona ngaiyin lang,

Ka thum phatthei boh-in;

Na awnem ngaiyin ka um jing,

Nalhamonna nalhamonna aw chu.

 

2. Kama a Gethsamani’a lung dongin,

Napanpi ding koima umlou;

Keiman jong nakhonung hinjui ding,

Pakai Nakom’a umjing kanom.

 

3. Boina meipi lah-a ni emhoiyin,

Kalung sung thimjing ahinsal;

Calvary ngailutna hung long chu,

Phong dingin nei kithopin Pakai.

 

4. Hahsa jong leng Nanga kahi Pakai,

Nanga dingin nei thah sah-in;

Kaphat cheng Nang dinga man kanom,

Nang dingin nei thensah-in Pakai.

 

290. O KA NGAI PAH BANGA PAHNA

 

1. Pakai nagam kalhun masangsen,

Kei ka gentheiye jaleng laiya;

Lungdon meipi ahung jingjin,

Nagam lhun masangsen.

 

O ka-ngai pah banga pahna,

Hinthing limdam noiya;

Goldeite alennau,

Agal’a gamnom in kalung alange.

 

2. Nagam ngai ho chun ngailutna a,

Toi theilou pah ahoi atiuve;

Mihem kingailutna vang hi,

Dougal asohji tai.

 

3. O hung loiyin lang eilhandampu,

Kimu ni le hiche leiset hi;

Lungdon meipi ahung jingjin,

Nagam ka-ngai ngeiye.

 

291. O KA NGAI PAH BANGA PAHNA

 

1. O Pakai na misemte hin,

Namin loupi ahepouve;

Hin geldoh sah-in. (2)

 

Ka min loupi ahet pouleu,

Nangho dingin hin peng kate;

Nei het jing nadiu. (2)

 

2. Mark get khatna asei bangin,

Mihem sangli navah va bang;

Hin lolhin sah-in. (2)

 

3. Pakai ijakaiya nahi,

Penticost ni bang chun hungin;

Nei lolhin sah-un. (2)

 

292. O LAZAR KALEIYA HIN. (Lk. 16:19-31)

 

1. Keima leiya kalen lai hin,

Kalet kalal kathep dan chu seithei lou;

Sana dangka in hoi kidang,

Chutah chun ka lhagao huhhing jou nadem;

Ohe! keima kahing jouta poi.

 

Ahithei le O Lazar kaleiya hin,

Nakhut muh-a twi themkhat;

Hin vatlhah sah-in kaleiya hin,

Ohe! keiman kadou jou tapoi.

 

2. Lazar leiya alenlai hin,

Mihaopa dokhang noiya an mal jah ho;

Ki-lo dingin kotna achei,

Ama phah chu mihaopan mun kidahta,

Ahinla Pathenin panpi na.

 

3. Mihaopan leiset dalhah-a,

Van gam pel’a meidil’a ache phat’in;

Lazar Abraham ang sunga,

Atou chu mun Lengpa akisih lheh-e,

Ohe! keima kahing jou tapoi.

 

293. HUNG LEM CHEH-UN.

 

1. Christa penna Bethlehem,

Leiset leng ho lenna munnom gam ahi;

Bethlehem chun huhhing chomlou ding,

Egypt gam’a jamlut pitan ati-e.

 

Hung lem cheh-uvin, (2)

Ha ha ha ha ha, ha ha ha ha, ha ha ha ha ha ha;

Hosana sam jingute van le leiya hin.

 

2. Anu le apa kom’a,

Ajanmang chun Lhagao Thengin lam hil’in;

Herod thang chun ohlih chomlou ding,

Hung kinungle kitdan Herod thi kahsen.

 

3. Athi nung chun akouve,

Hung kinungle kit tan Herod athi tai;

Hijongle nahuhhing Lalpa chun,

Angailutnan leiset mihem khomsoh ding.

Aw a-ngailutna aw a-ngailutna,

Ha ha ha ha ha, ha ha ha ha, ha ha ha ha ha ha;

Hosana sam jingute van le leiya hin.

 

4. Nahung peng’e leisetna,

Nangma leng channa din hi noi leisetna;

Atonsot in tonsot in Pakai,

Hijingin Pakai Halleluja Amen.

 

294. KAHUNG KUN’E NA ANG’A.

 

1. Leiset loupina le hoina,

Pah banga kalem’in;

Ka lhandampu nei ngailutna,

Masangin ka hepoi.

 

Kahung kun’e, O Na ang’a,

Chonset a vahmangsa;

Masanga konna amangsa hi,

Pakai nei ngaidam.

 

2. Na lungsetna kei din alhing,

Chonse hijeng jong leng;

Na ngaidamna mang theilou ding,

Lungsetna in adim.

 

3. Chonset jouse Nasop theng tai,

Na thisan lu long chun;

Chonse pen hi kahung naiye,

Pakai nei sop thengin.

 

4. Pakai Nangbou kalhen nahi,

Mangkit talouhel ding;

Nagam kahung lhun masangin,

O nei pui jing jengin.

 

295. ASEI BANGIN ATHOUDOH TAI.

 

1. Veuvin Easter kinong ahi,

Easter kipa toh thon;

Veuvin song akitang doh tai,

Lhan gohkeu vetsahnan.

 

Asei bangin athoudoh tai,

Loupi tah-in vanna konin;

Easter ni hin kipa la sauvin,

Huhhingsa Jesu athoudoh tai.

 

2. Veuvin Easter kinong ahi,

Easter kipa toh thon;

Veuvin lhankhuh thim gohkeuvin,

Jesu aum tapoi.

 

3. Veuvin Easter kinong ahi,

Choi at in aum poi;

Amaiso loupi khu veuvin,

Chung gam ahinsal khu.

 

4. Veuvin Easter kinong ahi,

Easter thu le la thah;

Easter thil thah khu hung veuvin,

Pakai galjo ahi.

 

296. WHERE YOU THERE?

 

1. Na um em Pakai Cross a kikhaiya, (2)

 

Hichun phat khat, phat khat,

Eiki thinsah thinsah, thinsah,

Na um em Pakai Cross a kikhaiya.

 

2. Na um em Thinga akhet beh-uva? (2)

 

3. Na um em Anah teng asut-uva? (2)

 

4. Na um em Nisan sal ding ada-a?

 

5. Na um em Lhan’a alup sah-uva?

 

297. EVERY BODY OUGHT TO KNOW.

 

Mitin het ding dol ahi, (2)

Mitin het ding dol ahi, Jesu koi ham.

 

1. Ama phaicham lili ahi,

Ama vah jing jeng Valpa;

Sangsom lah-a hoipen Ama,

Mitin het ding dol ahi.

 

2. Cross a chonsete din athi,

Athisan’in buhbang so;

Lungset hingjing hung ding Pakai,

Nahet ding Ama ahi.

 

298. PAKAI KEI HOI LANGA.

 

1. Pakai kei hoi langa che tangem,

O kei nei hil’in;

Na thutah nei hetdoh sah kit’in,

O kei neihil’in nalamdih.

 

O Pakai Lhagaovin,

Kalunga thu sei kit’in;

Pakai Nalhagaovin,

Kalung sunga hin hung chengin.

 

2. Na thudih a kon ka gamla tai,

O neipui naiyin;

Lunga gel’in kei hung thei ponge,

Naban thahat chun nei kaiyin.

 

3. Nangma jen kana kiphal’in,

Hatmo Na ang’e;

Tun nadin sonlel mel kapu tai,

Naban thahat chun nei kaiyin.

 

4. Thutah a chonphat le chonnem’in,

O kei nei von’in;

Lei lung ngai ho dalha soh ing ting,

Kumkhon Nangma jen jing tange.

 

299. KIPANA KIM TANTE.

 

1. Leisetna kipana kahol lai hin,

Eihuhhingpun eikou ngailutna in;

Lei kipana dalhan ka tahsan tai,

Van kipana keiya anahi tai.

 

Pakai Jesu eihuhhingpu,

Nangbou ka kipana nahi;

Ka hinna nangin neiyin lang,

Kipana kim tante.

 

2. Cholngahna le monna kana hol’in,

Monna dang aumpoi, Christa lou chu;

Ama-a ka pohgih ka ngah phat’in,

Lungkhamna ding dang umkit talou ding.

 

3. Ka tahsa le hinna kahin petai,

Nangin lan lang Pakai neihin mangin;

Sang tamtah thim noiya tou nalai ho,

Navah loupi sunga alen theinan.

 

300. VO, ADAM! ADAM!

 

1. Eden theiga naneh ni ni nathi tei ding,

Tin Pathenin thutep ana koi pehsa;

Satan in nen thipon nate ati,

Koijoh dih nasah-em? ven, Adam athi tai.

 

Vo, Adam! Adam! hoiya na-um ham?

Ibol’a nang kisel manga nahim?

Adam! Adam! hoiya na-um ham?

Bol hih-in kati chu nabol hitam.

 

2. Adam lhanthim thina lim’a tou nalai ho,

Pa Pathenin Adam bangin nakouve;

Hung thouvin lang thina gam hin dalhan,

Hung kipan tan nangma Eden thah-a leng din.

 

3. Phat alhunge tuhi ahi mithi hon jong,

Pathen Chapa o ajah diu nikho chu;

Aja ho se thoudoh tei diu ahi,

Atahsan lou vang chu themmo changsa ahi.

 

4. Pakai Jesun ka masanga hungho chengse,

Gucha le michom ahibouvui ati;

Keima vangin hinna aneiyuva,

Aneibe cheh nadiuva hung kahi ati.

 

301. CHRISTA TUNIN JONG AHINGE.

 

(CHRIST JESUS LIVES TODAY)

 

1. Thoukit Christa ken kanei tunjong ahing jinge,

Tuni geiyin jong leiset chunga aleng jinge;

Angailutna chul ngailou eilungsetna kahei,

Ama ka ngaichat teng ka koma umjing.

 

Christa ….. Christa tunin jong ahinge,

Niseh in keima eipuilei, A aw kaja jinge;

Christa ….. Christa tunin jong ahinge,

Tonsot hin kemlou eipetai, ka sunga ahunge.

 

2. Ka chena channa Aman keima eilhonpi jing,

Kalung hesohna a jong Aman olna eipei;

Tijat lungdonna channa Aman eipui galkai,

Ahung kit ni le kei kipah thanom ding.

 

3. Kipah thanom in Christian! Avahchoinan la san,

Leng Christa Hallelujah! tin vahchoinan sam’un;

Atahsan’a sang tapou Aman pampai ngailou,

Angailutna thu kidang seichoi leuvin.

 

302. KA PAKAI JESUN KASETNA JOUSE.

 

1. Ka Pakai Jesun kasetna jouse,

Apomang tai thingpel chunga chun;

Keima vannoiya khetbeh,

Vannoi kei dinga khetbeh ahi.

 

Keiman jong ka thingpel chu kiput ing ting,

Ka Pakai kom kalhun tengle keiman;

Jona Lallukhuh to kalhet ding,

Chuteng ka gentheina sumil tange.

 

2. Keiman vang seiset jum le ja pum’in,

Hiche Cross hi song ing ting chenge;

Ka ngai sang pen chu Thingpel,

Hijing jeng hen tonsot tonsot in.

 

3. Vannoi hi kadalha soh tai tunin,

Achung hokit taponge keiman;

Cross chun vannoi to eina,

Chomkhen soh tai, Hallelujah Amen.

 

4. Nang dingin Pakai in le lou dalhan,

Genthei lhilon kathohna jouse;

Jo-na ni loupi ni le,

Sumil tange Pakai na ang’a.

 

303. JESU AHI, VANNOI VAH CHU.

 

1. Adam vangin gaosapna changta jongleu hen,

Atahsante dia hinna Christa jal’in;

Thina muthim lah-a natou keiho chunga,

Jalenna kolninou emsel bangin, ahung soh tai.

 

Jesun aseiye, “Keima vannoi vah kahi,

Kanung eijuiya chu muthim’a chu vahle louva,

Hinna vah chu amu ding ahi” ati.

 

2. Egypt gama kon’in nathutep thonlou chun,

Na napuidoh-e nami Israelte;

Tunjong nei puidoh-ui Nathupha seiphong a,

Navahchoi sang dingin, tonsot thina muthim’a kon.

 

3. Kidangtah nami ngailutna le hepina,

Ka melmateu jengin jong jumna atoh;

Ima gin nei louvin nathupha seiphongin,

O thong jejun jailan, gingthei tin thon nagam sunga.

 

4. Nanung kahin juiyui nakoulhen namiten,

Leisetna kahin jin kalamjot pum’un;

Akhonni geiyin jong nei puiyun navah chun,

Leiset muthim lah-a Jesu ahi, vannoi Vah chu.

 

304. VAKHU BANGIN LENG THEI LENG.

 

1. Vakhu bangin leng thei leng,

Galeng tange chung gam’a;

Leiya gol ngaite ho to,

Chu mun’a chun lengkhom tang kate.

 

Leisetna kikhen pisa,

Ingailut gol ngaite ho chun;

Eijap jingui luigal’a,

Gamnom hoitah a lengkhom dingin.

 

2. Leiset hi keima dingin,

Kicholdo na in hilou;

Chom kah-a dalha tading,

Ngaiten eijap jingui luigal’a.

 

3. Nei hung puiyin o Pakai,

Lei gimna kadou jou poi;

Lungdeite to leng dingin,

Ngaiten eijap jingui lui gal’a.

 

305. GAM MINTHANG KISEI.

 

1. Gam minthang kisei chul ngailou,

Pakaiyin asem gamnom chu;

Sun le jan um talou hel ding,

Zion khopi nom tah-a chun.

 

Van Jerusalem khopi chu,

Gilkel dangchah kisei kitlou ding;

Ni le lha leh Ahsi vah ngailou,

Kelngoinou chu avah jing jenge.

 

2. Pakai nagmtheng noma chun,

Thina huipi nungta lou ding;

Mitlhi longa kikhen kit na,

Umtalou ding nagam’a chun.

 

3. Hiche vannoi genthei mun’a,

Thina gam kanojing lai hin;

Lungdong’a ka genthei komle,

Pakai nangin neilha mon’in.

 

306. HUHHINGPUN NAKOUVE.

 

1. Vo michonse! Huhhingpun nang nakouve,

Avel’a nakou kit lou ding;

Van gam lhunna ding muthim’in tom le chun,

Dalhah-a na umlou ding ham?

 

Lhandampun thohhat tah-a nakou petcha hin,

Vaokam malam chu jon’in;

Tujan’a nahinna chu thina lhanmol’a,

Atolmang jeng thei ahi.

 

2. Vo michonse! Pakaiyin nang nakouve,

Sottah manbeiyin nakouve;

Huhhingpu kouna chu na nungsun hitam!

Nungsun le chun i-nati dem?

 

3. Michonse Pakaiyin ngah jing ponna te,

Nalhagao chu adalhah ding;

Van gam lhunna ding lungset khang cheta le,

Tonsotna naka lou ding ham?

 

307. NEI PANPIN PAKAI.

 

1. Twikhanglen kinong lailunga,

Agal langkhat kajot lai hin;

Huipi le twipi akinong,

Nei panpin Pakai.

 

O ka-Pakai lungset thempa,

Chamna lengpa monna Pakai;

Hileiset thim jing noiya hin,

Nei panpin Pakai.

 

2. Genthei thoh-a kakou lai hin,

Nei lungset in nei umpiuvin;

Lung hesoh le genthei na a,

Nei panpin Pakai.

 

3. Ka gentheina eihuhdoh din,

Nahung penge hi leisetna;

Nahung chenna keiho umna,

Nei panpin Pakai.

 

308. THINA GAL’A GAMNOM CHU.

 

1. Thina gal’a gamnom chu,

Kalung mit’in kagah mui;

Leiset gimna dalha ho chu,

Pakai to alengui.

 

Eijong chu gam ilhun tengle,

Avahchoi la ngei isah diu;

Pakai ang sunga chun.

 

2. I-hinkho hi pahcha bang,

Jinga mang thei twimei bang;

Lungjin lungdon hesohna jeng,

I-tih ka dalha dem!

 

3. Ka ngai ngeiye chu gam chu,

Ka Pakai dei lenna a;

O i-tih le kalhung tadem?

Lung ngai jouse kimna.

 

4. Tuhin leiya lengvaiyin,

Ka hinna hi mang jong leng;

Olle kho ahung vah tengle,

Ka gimna mil tange.

 

309. M OS C OW LE TE H ER A K A H- A L E NN A

 

C HU N GA KI B OL .

 

1. Pakai Jesu huhhingna Thupha,

Lei chunga hin athangsoh tai;

Chitin namtin kol kimvel’a miten,

Ao-vun Hosanna Pakai Jesu.

 

Chungnung penna Pathen loupi hen,

Lei chunga cham le lungmon leng hen!

 

2. Vannoi kolkim’a vabang lengin,

Pakai loupina ka mube jing;

Thilsem kidang le ju le van jong,

Avahchoiyui chungnung pen Pathen.

 

3. Pakai malsom’a vabang leng thei,

Vanlai jol’a leng van huikong;

Mukal ka ngahlel neilhut loiyin,

Bolna tonsunga goldeite kom.

 

4. O! toljingin naban thahat chun,

Pakai neipui jing jenguvin;

O neilhut’un u-le nao lenna gam,

Seichoi lenge na hinna Thupha.

 

310. NAKHANGDONG HOILAIYIN.

 

1. Vo! khangdong ho nakhang hoilai,

Pakaiya din peuvin;

Nakhang hoilai Pakaiyin amangcha nom’e,

Nahuhhingpa na chu tongin,

Sana khang hoilaiyin.

 

Na ….. khangdong hoilaiyin,

Nasempa Pathen geldoh-in;

Nakhang hoilai Pakai dingin,

Tongin thanom tah-in.

 

2. Phat le nikho akem jinge,

Hinkho jong akem jing;

Phat tampi chejouta nile lha kiheita,

Vo! khangdong ho napah hoilai,

In Pakai na tongin.

 

3. Pakaiyin ati nakhangdong,

Hoilaiyin na tongin;

Ajoule nakhang hoilai molpang lep inte,

Tu hinkho hoilaiyin tongin,

Tongin toh phat ahi.

 

4. Nangho cheuvin namtin henga,

Kipana Thu hil’un;

Koi hile atahsan jousen hinna mu ding,

Nakhang hoilai kilet kah-in,

Pakai na chu tongin.

 

311. PATHEN MINGAILUTNA.

 

1. Pathenin eingailutnau eimu sah-ui,

Eiho chonsetna ium laitah-uvin;

Christa eiho chonset suhbei na dingin,

Calvary Cross chunga ahung thi tai.

 

Pathenin hibang hin vannoi angailun,

Ama tahsan chan chu mangthah louhel’a;

Tonsot hinkemlou anei theina dingun,

Achapa changkhat chu ahin petai.

 

2. Kalchuh kut masangin Jesun vannoiya,

Kon’a a-Pa henga ache ding ahen;

Vannoiya Ama-a ho chu angailun,

Akhon ni geiyin angailu lheh-e.

 

3. Athu hettoh sah ginchat umtah Jesu,

Christaa kon lungset lungmon umpiuvin;

Eiho eingailu’a athisanna ichon-,

Set chengseuva kona eisutlham’u.

 

4. Pakai keima henga ahung kilah-e,

Nangma gui tanlouva kalungset nahi;

Hiche jeh-a chu nangma koma kaki-,

Tahna kaban jom jing jeng ahiye.

 

312. LEISET LOUPINA KAHOL LAIYIN.

 

1. Leiset loupina kahol laiyin,

Kalung sunga kon thu hinsei chu;

Lamvai nang hung kile tan eiti.

 

Ka Pakai tailou ken monpi neilou,

Kalamvaina a kon eihun tem!

Pakai Nang tailou monna umlou.

 

2. Gentheiyin lamvai jeng tajong leng,

Nang ngailutna kon ol ka hitai;

Leiset lung ngaina ken mil tange.

 

3. O! Lhandampu tun kahin kouve,

Ka hinna abonchan Nang kapei;

Nei mangchan Pakai nakin na din.

 

4. Tun vang leiset thil nuse tang ting,

Ka Pakai nahinna thu jeng bou;

Jailan sachoi le tange kumkhon.

 

313. CHRISTMAS LA

 

Acheuve ahsi nung nuiyun,

Athum’un lungkhat tah-in,

Kinung heilou malam jonin,

Ahsi chun alamkaiyun.

 

1. Ven i-Pathen Chapa changkhat khu ven (2)

Phattheina gohong pe din ahunge; (2)

Khodah-uvin genthei chate,

Ahung tai Jesu ahung tai;

Muthim gam jouse salvah din,

Ahung tai nang le kei din.

 

2. Mihem lim’in ahung van Leng Chapa, (2)

Ngailutna le Kipana pe dingin, (2)

Kineo sah tah-in ahungin,

Milen milalten vetomlou;

Mijouse sopi mit in mun,

Pathen lunglam eihil’ui.

 

314. HALLELUJAH, HALLELUJAH.

 

1. Hallelujah, Hallelujah!

Leng Christa chu ahung peng tai;

Vantilten Ama ahinlhai,

Bethlehem daiya chun,

Leng Christa chu ahung peng tai,

Loupi hen atiuve.

 

Oh! ….. Bethlehem jon’ute,

Vanlal cha penna chu;

Samang jalna gankong sunga;

Lhandampu ka mu ding.

 

2. Avahchoi vantil lasa hon,

Lungsung ihmu akaithouve;

Valpa ahsi lamkai vah chun,

Miching ho apuiyin;

Oh! keima jong neipuiyin lang,

Bethlehem daiya chun.

 

3. Hallelujah, Hallelujah!

Ka Lhandampu penna mun chu;

Tahsa mit’in kagaldot le,

Oh mu kanom ngeiye,

Hung vah kit’in Valpa Ahsi,

Keima jong neipuiyin.

 

315. KA KHOLJINNA SAPSETNA MUN

 

1. Ka kholjinna sapsetna mun,

Lungdon twisanglen kinong;

Panpi kangai ka Lhandampu,

Nei hin huh-in.

 

Jesu nagam nalhun tengle nei hejingin,

Leiset chonset asang taloi;

Kadou joupoi Pakai nunnem,

Jesu nagam nalhun tengle nei hejingin.

 

2. Kadam sung ni chomcha ahi,

Helou kahim? jan mol lep;

Setna meipi jing noiya hin,

Nei huhhing-in.

 

3. Kadam sung nikho man ding dan,

Neihil jingin Lhandampu;

Ka phat hoi hi Nangma dingin,

Mang tang kate.

 

4. Leiset loupina ho sangin,

Nahoiye kalung sunga;

Sapsetna linglukhuh jong chu,

Khuh jongle chun.

 

316. LUNGSET THEM PAKAI.

 

1. Lungset them Pakai neihung vil’in,

Lhamonna o kanei jou tapoi;

Nanglou lungmonna ken neijou lou,

Nei hung vil’in o ka Pakai deitah.

 

Ka van in nom’a, (2)

Nei hung puiyin eilhandampu;

Ka van in nom’a.

 

2. Genthei lengvai ka ka-na o-hi,

Na ngailutna thun nei hung lhem’in;

Kapet kahaiya Nang kamu teng,

Hinna thinglim noiya kichol donge.

 

3. Chemasa ngaite to kimu ding,

Einem jinge kalung sunga hin;

Gol ngaite kim del’in lengunte,

Neilhut loiyin o ka Pakai deitah.

 

317. NEI NGAIDAM’IN PAKAI.

 

1. Nei ngaidam’in O Pakai nei ngaidam’in,

Katoh ding helouvin sottah kana um’e;

Kei changseh dingin bou kana gel’e,

Nei ngaidam’o Pakai nei ngaidam’in.

 

Keima jeh in lhagao simsenlou,

Amangthah tai tonsot thim noiya hin;

Na anga ipi kasei ding ham?

Nei ngaidam’o Pakai nei ngaidam’in.

 

2. Na huhhingna thu manbeiyin kamu tai,

Ka hinkho simsen louvin nei vangboh-e;

Hinla kachangin bou kana mang chai,

Nei ngaidam’o Pakai nei ngaidam’in.

 

3. Ka kipana pen lhagao tamtah huhhing,

Katoh ding khohpen Hinna Thupha seiphong;

Hinla lhagao khatbeh kahin lhut poi,

Nei ngaidam’o Pakai nei ngaidam’in.

 

4. Nakouna hi haimil thei ding kahipoi,

Na thupeh lenpen Kipana Thupha hil;

Na Lhagao Thengin neipui jingin lang,

Nangma a din ka kiphal tai Pakai.

 

318. VANNOI CHONSET THIMNOIYA HIN.

 

1. Vannoi chonset thimnoiya hin lhagao tamtah,

Mangthah ding aum’e huhhing ngai ahiuve;

Amaho gapuidoh ding,

Koi um’am Pakaiyin aseiye.

 

Aw sochatna ngaiya peng’a ahiuve,

Lhatsa nangman nahuhdoh joulou ding ham?

Huhhingna ngaiya mao ho chu ga huhhingin.

 

2. Aw sopi kinon lang phat hi akem jinge,

I-hinlai nikhou hi hung mang loi ding ahi;

Lungset le ngailut thon,

Amaho gapuidoh din kipan tan.

 

3. Pakai ngailut lhagao tamtah setna lhata,

Nitin aphat’u ka-nan amangjou tauve;

Lhagao ngaiya dangchah ho,

Hinna twi choiyin lang ga petan.

 

4. Pakai na natong dia lhatsa kahilou ham?

Katoh ding helouvin kana um nalaiye;

Pakai nei ngaidam’in,

Na thupeh ho kana sumil jou tai.

 

5. Pakai tun ka kipan tai Naleng gam’a din,

Nacha kahi Pakai nei sumillou jen’in;

Katahsa ka hatna,

Apumpin Nanga din kaphal theng tai.

 

319. KISEKHENNA LA

 

1. Jesun namtin akhop ding ahi phat khatle,

Mise le mipha khen nia akhen ding ahi;

Loi khat chu Jesun nang naphai ati phatle,

Nang na um nadem hiche miho lah-a chun.

 

Mthengten kipa la asah teng,

Mitlhi long’a akap tam dingu;

Huhhingsa miten hinna twi adon phatle,

Twi dua dangchah a thum tamtah um ding ahi.

 

2. Kaphat alhin teng keijong kache ding van’a,

Leichung damsung tohman kasan tei ding ahi;

Loikhat in chonphatna Lallukhuh akhuh teng,

Na naum nadem hiche miho lah-a chun.

 

3. Hung lhung ding ahi Pakai nikho phat khatle,

Hiche thutep chu koiman apel theilou ding;

Loikhat in thina meikong ajot tengule,

Nang na um khadem hiche miho lah-a chun.

 

4. Mo neilou Pathen Chapa athi laitah-in,

Chonse kei khel’a Pathen vaihom toh ahi;

Huhhing hisa mithengte akhop tengule,

Kei um ding kahi O chu miho lah-a chun.

 

320. TOHKHOMPI LHAHNA.

 

1. Pakai kiti chu amin ahi,

Eipui le-a eidamsah Pa;

Kol le vaiya eichingpa Pakai ahi.

 

Jingkol kikeuva jingkhang kathon,

Samang kavaimoi laijon o goldam dei.

 

2. Samang navaimo jeng tajong leng,

Tongkai kidon’in nei gel jing’o;

Chung Pathen anga kimutona dingin.

 

3. Tongkai kisanpi gol le pai cheng,

I-Pakai na tong cheh-ute;

Aleng gam’a chan inei theina diuvin.

 

321. LENGVAI GENTHEI KOMLE.

 

1. Lengvai genthei komle kei mong theilou,

Chung toni jong nilhum joulou Pakai;

Einem ding dang umlou Pakai tailou,

Pahbang mol hen leiset ka hinkho hi.

 

Lungdon kana gim gentheina mun hi,

Pel tange tun Pakai navan in’a;

Chuteng genthei gimna ken mil tange,

Leiset pel’a lhunkal ngahlel kahi.

 

2. Leiset chung hi gol ngai kikhenna mun,

Insung mi jong kikhenna mun ahi;

Chung leng va bang gamtin’a kaleng len,

Monna umlou Pakai nangma tailou.

 

3. Van khopi tol laiya lengte ho chun,

Lungdon kana asei ngaita pouve;

Ponbang sil’in van khotol’a lengun,

I-tih tah le kei jong kalhung tadem.

 

4. Lengthei hileng keiman dalha tading,

Kavan tonsot pahbang pahna mun’a;

Ken mil tange genthei puldou kana,

Chemasa ngai chengtoh tolleng tange.

 

322. LUNGSETNA KHANG ALEM JINGE.

 

1. Idamlai ni phat chomcha hi,

Bei vah ding ahitai;

Sopi kingaiton phat aum tapoi,

Nalung heiyin vangam ahung nai tai.

 

Phat aboi tai, phat abei tai,

Lungsetna khang alem jinge;

I-Pakai chu hung loiyinte,

Nalung heiyin van gam ahung nai tai.

 

2. Aw hinna thu mulou ho khu,

Vetem’un sopite;

Tonsot thini na mun lam chu jonin,

Akitol’ui mitlhi long pum pum’in.

 

3. Phat kipa um chomcha sung hin,

Pakai na tongute;

Ageisang tai aw phat aum tapoi,

Kipan’ute Pakai natong dingin.

 

323. VANGIL CHUNGLAM’A KHUN.

 

1. Vangil chunglam’a khun vantilten la asai,

Alengpau vahchoina la ngei chu;

Laltouna kimvel’in longdol’in asauve,

Achoinau la ngei van kipana.

 

Avahchoiyui chunga van mithengte hon jong,

Kelngoinou lemnan la asauve;

Chu ngei a-itih a chultih neilou,

Kelngounou chu avah jing jenge.

 

2. Pathen le Chapa chenna chu avah jinge,

Muthim thahatna aum tapoi;

Chu khopi kot jouse chu sana kijem,

Kelngoinou chu avah jing jenge.

 

3. Tonsot kipana gam ilhun phat tengule,

Kana lhisona beisoh tading;

Kel le dangchah natna jong kihe talou ding,

Kelngoinou kivahchoi jing tading.

 

324. LEI NOPNA HI MANG JONGLE.

 

1. Lei nopna hi mang jongle,

Ka monna nang nahi o Pakai;

Ka kiselna jong nang nahi,

Na lhagaovin nei umpi jing jengin.

 

Aw nei changlha lou jenin,

Ka monna nahi;

Vo ka Pakai hi leisetna hin,

Nanglou monna dang ken neilou.

 

2. Chul ding ka leiset hinkho,

Hung mangloi ding pahbang ka hinkho hi;

Mol’a lep in tin mol tante,

Koukit thei hilou twi bangin along.

 

3. Ka hinkho twi banga long,

Nei changlha lou jenin o-Pakai;

Gentheiya lengvai ka nahi,

Nei panpin Pakai lam neihil jingin.

 

325. KUKI CHRISTIAN CHURCH.

 

1. Vannoi leiset chunga hin chitin namtin,

Simsenlou ichengun, chondan neicheh ihiuve;

Namhat ho gamgi neiyin acheng,

Kuki chate jong Pakaiyin vannoiya;

Alhendaoh nam khat chu ihiuve.

 

Sim le mal’a chehchaosa ho,

Hung’uvin ka nam mite;

Lungkhat in Pakai vahchoiyute,

Pakai lenggam din tongute;

Vannoi hi Pakai gam ahung hi kahsen.

 

2. Malai ipu le ipate hou nam chem khat in,

Ana lam’un, Lojang ana thanguve;

Hibang chun eiho jong lung khat in,

Hunguvin lhagao khat in lam’u hite,

Muthim’a umte salvah dingin.

 

3. Pakaiya nam kipum khatten Pakai lenggam,

Akehlet be ding, Idia igeisang diu ham?

Loujao ho amin’in akoi tai,

Pakai lenggam a namdang vaikonte,

Muphah lou gamla tah agei tauve.

 

326. MALAI PI LE PU.

 

1. Malai pi le pu chonset thina gui chu,

Tanlouvin mitin chunga alhungsoh tai;

Hiche thina chun vannoi alodim tai,

Vo sopi chonset thina chu nungsun’in.

 

Chonsetna mangsa vannoi mite lhatdoh dingin,

Pakai Cross a kouna O aging tai;

Kouna O ngaiya alunghei jouse chu,

Tonsotna mang talouhel ding.

 

2. Sopite tuni tah-in nalung heiyin,

Chonset thina nungsun’in Pakai beljon;

Kisih-a taona o Aman angah jing,

Nang jong nakouve ngailutna o nem’in.

 

3. Nalhagao le na hinna apumpi chu,

Pedoh jengin na Pakai ang sunga chun;

Chutengle nalung sung kipana dim ding,

Vahchoina ogin vannoiya thongsoh ding.

 

4. Sopite phat hom’in nalung heiloiyin,

Phat hi ache jinge nang na ngalou ding;

Phat hoi pet’in nahuhhingpu chu bel’in,

Phat in nadalhah teng kisih khannate.

 

327. TONGUTE CHRISTA DINGIN.

 

1. Tongute Christa dingin,

Tonsotna khovahna mun;

Veuvin mei gal’a,

Leiset mit’a muphah lou;

Chu-a kichamna lui long,

Veuvin mei gal’a.

 

Nakal song’un, Van gam geiyin,

Veivin meipi gal’a;

Chuche gam tolpi sunga,

Phat khat teng ilhunkim diu;

Veuvin mei gal’a.

 

2. Christan eipanpiu vinte,

Lhepna luiyin long jongle;

Veuvin mei gal’a,

Chonset thimpi jing jongle;

Eihuh ding ken kanei nai,

Veuvin mei gal’a.

 

3. Lhepna twi kinong gal’a,

Eihuh ding ken ka nei nai;

Veuvin mei gal’a,

Agam emnom laiya din;

Akihong tai van kotpi,

Veuvin mei gal’a.

 

328. HI LEISET GENTHEINA.

 

1. Hi leiset gentheina gam’a hin o Pakai,

Selung hel’in ka um;

Lhepna meipi ajinge nitin ka dingin,

Semhoh-in Pakai meipi jing hi.

 

Itih le leiya hin nopna aum dem?

Leiset hi nopna gam ahipoi;

Pakai ang sung bou monna ahi,

Chu gam chu kalhun tei ding ahi.

 

2. Aw Pakai niloupi hung lhun ding ka ngahlel,

I-tih le alhung dem?

Nagam sem ngaiyin nitin in ka galdot-e,

Nei hung puiyin Pakai lengvai kei.

 

3. Leiset pahhoina hi hungmol ding hijongle,

Nathu mang lou ding;

Ka leiset hinkho hi hungmol ding hijongle,

Chu gam’a din nangin nei puiyin.

 

4. Ka leiset hinkho hi hungmol ding hijongle,

Nangma bou einem ding;

Nitin selung hel’in chu gam chu ka galdot,

Einem ding dang umlou leisetna.

 

329. PAKAI CHU HUNG DING HITA.

 

1. Pakai chu hung ding hita,

Avantil asang aja toh;

Vannoi pumpia mitheng ahin lonkhom diu.

 

Kiging jingun kigo jingun,

Pakai chu hungvah ding ahitai;

Kigo sadam’un um taute,

Vanlai jol’a kilamto din.

 

2. Leiset nopsahna leng ho,

Junom sanom ne-a hinkho mang;

Pakai hung niteng dalhah-a umdiu ahi.

 

3. Sum le pai ngailu val ho,

Neipap le kisose ho jong;

Pakai hung niteng dalhah-a um diu ahi.

 

330. KIGINGUN PHAT ANAI TAI.

 

1. Kiging’un phat anai tai,

Tin eikihil hil jing’ui;

Vanoi vouso akikhel soh tai.

I-dia lungmong’a nahim sopite.

 

Phat anai (2) O sopite,

Vannoi umchan dalha jengtan;

Kiging jingun (2) Phat umtalou,

Kiging jingun, Kigingun taovun.

 

2. Vannoi leiset athil ngaichat,

Mangthah ding kon ahitai;

Keima hungvah jet ding ka hitai,

Kiging jinga um chu anunnom’e.

 

3. Vanna avantilte hon jong,

Asumkon cheh mut dingin;

Akiging jingui tuphat tah hin,

Pathen thupeh ngah-in aum jingui.

 

4. Pathenin kelngoi le keltah,

Akhen ding kon ahitai;

Kelngoi chengsen vanmun alo diu,

Keltah chengse meidil chang diu ahi.

 

331. SETNA THIMPI LAH-A.

 

1. Setna thimpi lah-a leng lengthei kei,

Kap le maovin hinkho ka mang;

Pakai phat loupi kangah lel’e,

O hung lhung jeng tahen.

 

Pa kasetna nei ngaidam’in lang,

Ka khelna gel louvin;

Nagam thenga dingin neigon lang,

Kisih-in kahung tai.

 

2. Hileiset setna thim jing lah-a hin,

Pakai nahung ding ngah lel’in;

Nasemsate kap-in apengui,

O hung lhung jeng tahen.

 

3. Leiset loupi le anopna lah-a,

Lungmon le kipana umlou;

Achul’in mol aleploi jitai,

O nagam sem ka ngai.

 

332. PHAT KANEI JOUSEA HIN.

 

1. Phat kanei jousea hin Pakai vahchoi jing ding,

Ka kamsung jong hi Pakai vahchoina hihen;

Pakai vahchoi tailou keiman kipana dang neilou,

O ngei tah-in vahchoi jing’e.

 

Pakai kahol’in Aman eihou tai,

Kagin jouse a kon eihuh tai;

Lengvai genthei kei eihuhhingpa Pakai Jesu,

Kahin kumkhon vahchoi tange.

 

2. Ka Pakai nangma ginglou mi hijeng jong leng,

Nei changlha lou jenin hinlai dam sunga hin;

Nagam hunglhun kahsen nangin neipom jingin Pakai,

Vahchoi jing ding hinlai khankhon.

 

3. Tanglouva phatna le hepinan ka hinkho,

Lhumkeiya eijui ding hinlai damsunga hin;

Keijong tonsotna dia Pakai angsunga kachen ding,

Chuteng kipana kim tante.

 

333. PHALBI DAP JANKHOSOT SAMANG JALMON.

 

1. Phalbi dap jankhosot samang jalmon,

Jankhon lung lengin lung gel’in;

Kolmong kikeo kho hung vah-in,

Ka Pakai pen Thupha hin pon.

 

Jon jing ing’e ka lhandampu,

Penna mun Bethlehem.

 

2. Aw galdot’un Bethlehem lhanghoi chu,

Eiho dingin Leng thah hung peng;

Silung lengvaiya gentheiten,

Eilhandampu chu hin veuvin.

 

3. Ganhing ju le va te samang thouvun,

Leng ho leng pakai ho Pakai;

Bong in lham gan ankong sungah,

Nang le kei din ahung peng tai.

 

4. Leng Herod in suhmang vai anahom,

Tonsot chamna leng chapa chu;

Asuhmang ding chu phal hilou,

Paka vantil’in anahoi.

 

5. Vannoi chitin le namtin lah-a hin,

Eilhandampu Christa pen thu;

Gim namtwi bangin kithong hen,

Amin loupin vannoi lo hen.

 

334. GOSPEL DAH GIN.

 

1. Gospel Dah thip ding kigota vannoiya hin,

Phat hoilai ho la chemang jouta;

Vannoiya haona le nopsahna nitin apung jing,

Noah nikho alhung kit tai.

 

Muthim natoh pailhau hite,

Khovah von’in kivon’u hite;

Chunglam veuvin phat anai tai.

 

2. Aw gel tem’uvin khamna thei gutui ho hin,

Mihem hinkho apuimang joutai;

Khamna theiya lop chu mingol ahi tin,

Michingpan asei, Agiloupa ankong ahi.

 

3. Tahsa damloute dia damna lou le ai ho,

Thina gutwiyin asohjou tai;

Tena val’a neh le donin mihem hinkho asumange,

Muthim lengpa deilam ahi.

 

4. Huhhingsa ho dia hinna gimnamtwi Pakai,

Athi ho dia thina gim namtwi;

Huhhingna kot a lut loiyun tin Pakai eikou jingui,

Nalung heiyun phat abei tai.

 

335 LEISETNA HIN MONNA UMLOU.

 

1. Leisetna hin monna umlou,

Gentheina le kana jeng bou;

Christa bou chu eihuhhing ding.

 

Ken peltange ka kana gam lei gentheina,

Ngaikit lou ding Christa kom’a;

Lei gentheina um talou ding.

 

2. Eihuhhingpu van kelngoinou,

Na thisanin nei huhhing tai;

Kei dinga nathisan long chu.

 

3. Leiset thimpi jing lah-a hin,

Kap le maovin hinkho aleng;

Ka Pa gamsem kalhun tengle.

 

4. Leiset twipi kinong laiya,

Agal lang khat kajot lai hin;

Setna huipi nung jeng jongle.

 

336 PAKAI JESUN ASEIYE.

 

1. Pakai Jesun aseiye kiging’un anai tai,

Van le leiset pumpi hung mang ding;

Keima thu vang jemhalcha jong manglou ding ahi.

 

Aw Pakai nagam hunglhun ding chu,

Tahsan chaten agaldot jingui;

Mitheng ho napui khom ni tengle,

Michonse din mun aum dem.

 

2. Pathen gam hunglhun ding chu Pathen ama tailou,

Chapa le Vantilten jong helou;

Mihem chapa hung ding chu Thang banga kipel ding.

 

3. Pathen Chapa hung ding chu kiging’un anai tai,

Noah nikho lai mite bang’a;

Kimangcha ho jouse chu mangthai ding ahiuve.

 

4. Pakai chu ahung tengle se le pha akhen ding,

Khat kila khat chu kidalha ding;

Michonse tahsan bei chu leisetna mangthai ding.

 

337 KEIMA CHUNAN VANLAL LENG.

 

1. Keima chunan O Vanlal lengpa chu,

Cross chunga chun along ahung toh-e;

Ahung thoh-e michonse kei dingin,

Thisanin eilhat tai.

 

Agimnei ngeiye Pakai nathisan lu,

Michonse kei dinga nathoh;

Ohe ana ngeiye.

 

2. I-Pakai Jesu athi ding kon chun,

Nidan gup apat nidan ko geiyin;

Gam jouse chu thimpi ahung jingin,

Vannoi angui jou tai.

 

3. Pakaiyn alhagao alha kon chun,

Gam le go anguiyin lunghem tah-in;

Pakai lhagao nakhut a kapei tin,

Chujou chun atan tai.

 

4. Galilee a kon ahin kilhonpi,

Numei ho jong chu I-Pakai Jesu;

Nailut ngam louvin gal kanga konin,

Veuvin mitlhi pum’in.

 

338 PAKAI PATHEN THUHENG

 

1. Pakai Pathenin athutheng bua einahil’ui,

Ninunung lam teng thil kidang hungsoh ding;

Vatnom datmo le hetlou kidang ho,

Nidan tin’a hungsoh jing ding.

 

Kiging’un kigouvin,

Pakai hungna ding nikho anai;

Kiging jingun aphat ding kihelou,

Khodah-un vejingun, Ahung nading lam chu;

Galdot jingun hung tei ding.

 

2. Keima gamnai teng neipap kiloset hung pung ding.

Kilung tona le dei le ngai hung chom ding;

Vai khat le vaikhat hung kidou to ding,

Thunoh lungjin nan lei lo ding.

 

3. Keima gam naiteng kami Israel kahin khop ding,

Gamtin’a soh bul’a atham nauva kon;

Gam lungset um chu hung kile kit ding,

Vannoiya hung thangsoh loi ding.

 

4. Pakai Pathenin athutheng bua eihil bang chun,

Vannoiya cham le lungmonna um talou;

Nitin thilsoh le thuthang ho jousen,

Agam nai dan eihil jing’ui.

 

339 PHAT HI AKEM HINKHO JONG.

 

1. Phat hi akem hinkho jong hi akem,

Puldou na le vangsetnan eichup tai;

Mangthah tei ding ka hitai o-Pakai,

Nei lhamon’in thahat neipen.

 

Aw ka damna Pakai,

Tha neipen nei hatsah jingin;

Nangbou ka hansanna,

Gin ding dang ken nei talou ding.

 

2. Ka damlai khankho ding gelna in,

Beitih neilou chimtih nei theilouvin;

Hinla nanglou olna ding dang neilou,

Pakai na ang kahin bel tai.

 

3. Nangma sonna nohpan tange Pakai,

Neivop pou le idang kagin ding ham;

Hahsa hen lang nom ding hijeng jongle,

Nanung kajui jing ding Pakai.

 

4. Tahsan chate kiging jingun taovun,

Leiset phat hi hung mangloi jeng tale;

Geisang le chun phat homlel khannate,

Chimmon tongin phat hoilai hin.

 

340 MICHONSE HO KITHANA.

 

1. Michonse teho kithana Calvary Cross,

Chu-a chun ka Pakai akhaiyun;

Melma simjou loute chun themmo achan’un,

Chonse kei dinga hinna ahi.

 

Van lal leng Pakai ahi,

Leiya genthei tintang thohpa chu;

Melmate chun thinga khaisang jongleu,

Michonse keima eilhatna ahi.

 

2. Angailut numeite chun ama ajuiyun,

Aloiten vang adalha tauve;

Jerusalem chanute nangho din kap-un,

Namtin din kahinna kape tai.

 

3. Aw ka Pakai thinin van lung angui jeng tai,

Nisan jong avah songam louvin;

Thimpi ahung jingin lingpi akihot’e,

Chonse kei dia Pakai thi ni hin.

 

4. Ana ngeiye Pakai kei dia nathohna chu,

Chonse kei din nahinna napei;

Nei lungsetna sajoulou ka hinlai khankhon,

Ka hinna nang din kapei Pakai.

 

341 JORDAN LUIKAM GAL LAM’A.

 

1. Jordan luikam gallam’a chun,

Canan gam nom kagal dot le;

Tona kalung dei khensate,

Vanmi laiya lengin kamui.

 

Lhandampu ngailutna loupi,

Vahchoiyun thisanna lhatten;

Kipa chullou pahna gam’a,

Van mite laiya kalen ding.

 

2. Aw vetan phat akidang tai,

Chu gam loupi a lhungte chun;

Alungdon kipana changta,

Tonsot hinna nopna a chun.

 

3. Lei hesohna jouvin lengun,

Lungdon puldou kana beita;

Mitlhi longa khenpisa te,

Kipah a ikimu kit diu.

 

4. Damlai hesoh genthei thoh-a,

Lhandampu jal’a gentheiten;

Lhagao olna nom a changta,

Kumkhoa nopna kem talou ding.

 

342 THEMGAO HO SEI BANGIN.

 

1. Themgao ho sei bangin leng Christa chu,

Apeng Bethlehem’a;

Kipah-ute leiya namtin jousen,

Leng Immanuel’a chu.

 

Van mipiten Bethlehem lhang chunga,

A-oi van leng cha chu;

Chungnung penna loupi pen hen,

Leiya cham leng hen ati.

 

2. Kelngoiching hon akelngoi nga pet’un,

Vantil loupi tah chun;

Bethlehem’a huhhingpu apeng tai,

Alem din cheuvin ati.

 

3. Van’a ahsi vah em loupi tah chun,

Solam michingte chu;

Apui jinge Bethlehem lhang geiyin,

Gou thil lu chu apeuve.

 

343 THINA JORDAN KAM’A.

 

1. Thina Jordan kam’a lungdongin lha ajah,

Boina mei ajing kho athim’e Pakai;

Kama a hung vah kit in lang,

O lhagao kaki pana pen.

 

Nanglou chun toni kalhum joupoi Pakai,

Eden lui tol’a lengte hin;

Kakou Leng nunnem eipuipa,

Nalim noiya len kanom ta ngeiye.

 

2. Nopna kolvah ding chu kap’in kagaldot’e,

Mu ni um’intem ngai naiye Pakai;

Kadin kho hung vahkit hen lang,

O kalai ka bang tange.

 

3. Ka chenna ding gamnom ka ngai leisetna hin,

Chuteng Lalnunnem vahchoiyin la asa;

Bang louvin Sharon pah choiyin,

Ka galdot lungjin noiya hin.

 

344. TUA BOINA LHANGVUM’A DINGIN.

 

1. Tua boina lhangvum a dingin,

Ngahlel’in van kho ka galdot;

Kumkho a kamil lou lungdeite,

Pon bang sil’a alennau.

 

Eilungset in ka ngah jinge,

Ka kana gam jaojeng jongle;

Lhat teho bang louva ka lennau,

Mun gal mong chu nei lhut’in.

 

2. O ka din leiset hi boi jongle,

Tonsot kho ahung vah tengle;

Boina ho jouse hi bei tante,

Ka ngah-e niloupi chu.

 

3. Asot ngeiye kei ding boina,

Chul jeng jongle lei pahcha hi;

Mu kanom’e lhatte tol lenna,

Lungdei jouse kimta ding.

 

4. Damlai gamthip hi kapel tengle,

Van mite kipah-a lenna;

O khen louvin hinna thinglim’a,

Vahchoina bang talou ding.

 

345 ZION CHATE.

 

1. Leiset pon in kiphelha jongle,

Khopi hoitah chu keiman kanei nai;

Pakaiyin asem Zion chate lenna,

Hichu ka tonsot in.

 

Zion chate jalenna ding ni chu anai tai,

Najao nadem o sopi?

Geisang le chun tonsot kot kihon homlou ding,

Hinkho damlai Pakaiya din peuvin.

 

2. Lei lung ngainan puimang khan nate,

Damlai nikho ngaichat thil atam’e;

Pah bang ihinkho mollep ding koncha hin,

Pakai na tong’ute.

 

3. Pakai Christa lalna gam’a chun,

Leng le lal chaga genthei um talou;

Lhunkal ka ngahlel Zion chate lenna,

Hichu ka tonsot in.

 

4. Nilhum kon vai chephat ahitai,

Vantilte le mitheng chemasa hon;

Khongpi le Baja thon eina-ngah jingui,

Vanna kilamto din.

 

346 NEISOL’IN NAVAH HOM DIN.

 

1. Vannoi muthim gam sung hi,

Nathun hin salvah soh-in;

Nathu ngaicha lhagao sang tamtah aum,

Tahsa dangchahna hilou;

Lhagao dangchah ahiuve,

Koi ham Pakai na natong ding chu.

 

Nei sol’in Navah hom din,

Cheng kate muntin le gamtin’a;

Hillhang lenge kipana thupha hi,

Chitin namtin kolkim vel’a.

 

2. Pakai na toh ding atam,

Natong ding mi alhom’e;

Koi ham Pakai chang at khom’a che ding chu,

Chang khoptup phat alhing tai;

Changvui akoi soh gam tai,

Koi ham Pakai natonga che ding.

 

3. Ka hinkho phat chomcha hi,

Nang vahchoinan mang tange;

Joshua banga hangtah a pang jing jeng din,

Kahung kipei Nang’a din;

Ka hinkho hoilai sung hi,

Nei mangchan Pakai na natong din.

 

347. PAKAI KHOPI THENG SUNGA.

 

1. Tonsot Zion kho ahung vah teng,

Pakai Lhandampu mel kamu ding;

Chuteng kakipana chamkim tading,

Pakai khopi theng sunga.

 

Pakai khopi theng nop le hoidan seijoulou,

Akot jouse songmantam jeng;

Alamlen jong sana a kijem,

Chu-a ni le lha vah ngailou;

Pakai khopi theng sunga.

 

2. Mi kiletsah ho le hoitho ho,

Pakai lungdei louva chon jouse;

Lut louhel diu van Canan gam thah nom,

Pakai khopi theng sunga.

 

3. Lungthenga tahsanna dettah-a,

Pakai ging jinga umte jouse;

Lut tei diu thon louhel’a gamtheng pen,

Pakai khopi theng sunga.

 

4. Ka le lhiso genthei lengvaina,

Um talou ding Pakai khopia;

Kel le chah chol le nan jong beita ding,

Pakai khopi theng sunga.

 

348. CHAMNA LENGPA APENG BETHLEHEM’A.

 

1. Chamna lengpa apeng Bethlehem’a,

Hichu gam lailung pen Canan gam nom;

Namtin dinga kenga lhun theina ahi,

Chu-a hinna le dam twitheng along’e.

 

Aw lunglhaisel’in naosen leng pen ni hin,

Kipah-in saute cham le lung olna;

Chitin namtin dingin sochatna ahi,

Nom’un lem’un Halleluiyah tiuvin.

 

2. Phalbi dapjan khosot phoinel chunga,

Kelngoi ching hon akelngoi nga pet’un;

Jankhang laiyin Gabriel in ahung vil’un,

Hinna damna thupha kahin poi ati.

 

3. Chuin vantil sangjan vanlaijol’a,

Hung kilah-in chung la ngei asauve;

Chungnung pen’a Pathen loupina hi hen,

Lei chunga kipa le chamna leng ta hen.

 

4. Kelngoi ching hon chu khopi sung jon’un,

Solam michingten jong chu kho jon’un;

Chibai boh-in vaichaten anei sun’un,

Leng le Lalten jong agoubom’u hong’un.

 

349. HUHHING LENGPA.

 

1. Vannoi mi huhhing ding leng chu,

Ahung peng tai Bethlehem’a;

Alemnan van mitheng jousen,

Aw ngeitah in avahchoiyui.

 

Vahchoiyute Huhhing Lengpa,

Vahchoiyute lhatdamsaten;

Seiphong leute muntin le gam tin’a,

Thina lim’a tou nalai hon;

Hinna vah amu nadiuvin,

Seiphong leute hinoi leisetna hin.

 

2. Solam michingte jousen jong,

Huhhing Leng pen kipapinan;

Manlu Sana, Bego, Mor’in,

Agalem’ui Bethlehem’a.

 

3. Chung le noi thilsem jousen jong,

Avahchoiyui chamna Lengpa;

Leiya lhenchomte jousen jong,

Aw ngeitah-in vahchoiyute.

 

4. Chungnung’a Pathen loupi hen,

Leiya cham le lungmon leng hen;

Alung lhaina mite chung’a,

Tu le Tonsot’in umjing hen.

 

350. KA HINKHO HOILAI

 

1. Ka hinkho hoilai Pakai vahchoina in,

Mang tang kate lei le kam O eipeh hi;

Avahchoi lasahna le athupha phon le na in,

Mang tange kahinlai damsung hi.

 

Thina gam’a konin eihung lhatdoh in,

Hinna kipa nopna gamnom eilhut tai;

Kachonset jouse angaidam soh tai ka Pakaiyin,

Calvary thing cross chunga chun.

 

2. Katha anom Pakai navah homle ding,

Nei mangchan muthim gam jouse salvah din;

Thina lim’a tounalai nathupha jaloulai hon,

Ajah theina diuvin nei sol’in.

 

3. Ganhing ju le va thingna louna hon bon,

Naloupina ho hi aphon theiyu le;

Kei iding nahinna thupha phonglouva umding kahim,

Neisol’in Gospel thupha phong din.

 

4. Lhagao mang ding vannoi leiset chunga hin,

Sang tamtah aum nalaiye aw Pakai;

Huhhingna thu ngaicha kapma pengnalai ahiuve,

Neisol’in kipan tange tu hin.

LA